បន្ទាយមានជ័យ ៖ យុវជនម្នាក់ជាងជួសជុលរថយន្តជិះម៉ូតូទិញគ្រឿងត្រូវបានក្មេងទំនើ.ង១ក្រុម មានគ្នា២នាក់ ជិះម៉ូតូតាមក្រោយបានយកដុំថ្មគប់ផុងលលាដសន្ល.ប់កើតឡើង នៅរសៀលថ្ងៃទី១១ ខែវិច្ឆិកា ឆ្នាំ២០២៤ នៅតាមផ្លូវជាតិលេខ៥ស្ថិតភូមិ/សង្កាត់អូរអំបិល ក្រុងសិរីសោភ័ណ។…
បន្ទាយមានជ័យ ៖ យុវជនម្នាក់ជាងជួសជុលរថយន្តជិះម៉ូតូទិញគ្រឿងត្រូវបានក្មេងទំនើ.ង១ក្រុម មានគ្នា២នាក់ ជិះម៉ូតូតាមក្រោយបានយកដុំថ្មគប់ផុងលលាដសន្ល.ប់កើតឡើង នៅរសៀលថ្ងៃទី១១ ខែវិច្ឆិកា ឆ្នាំ២០២៤ នៅតាមផ្លូវជាតិលេខ៥ស្ថិតភូមិ/សង្កាត់អូរអំបិល ក្រុងសិរីសោភ័ណ។
តាមសំដីម្តាយជនរងគ្រោះបានប្រាប់ថា ៖ ជនរងគ្រោះជាកូនប្រុសរបស់គាត់ ដែលមានអាយុ១៥ឆ្នាំ (ជាជាងជួសជុលរថយន្ត) ស្ថិតភូមិកើតហេតុខាងលើ នៅពេលគ្រោះថ្នាក់កើតឡើងកូនរបស់គាត់មេជាងបានអោយជិះទៅទិញគ្រឿងឡាន ពេលត្រឡប់មកវិញទិសដៅពីកើតមកលិចដល់ចំណុចផ្លូវចូលការ៉ាស់ធ្វើឡាន ស្រាប់មានក្មេងទំនើ.ង១ក្រុម មានគ្នា២នាក់ជិះម៉ូតូ១គ្រឿងជិះតាមក្រោយ យកដុំថ្មគប់ពីក្រោយចំក្បាលដួលចូលបុករានលក់សាំង បណ្តាលរបួសធ្ងន់បែកផ្នែកខាងក្រោយ និងមុខសន្ល.ប់ស្តូកស្តឹង ហើយជនបង្កជាក្មេងទំនើ.ងបើកម៉ូតូគេចខ្លួនបាត់ ។
ស្ត្រីជាម្តាយបញ្ជាក់ថា ៖ ក្រោយដឹងកូនប្រុសត្រូវក្មេងទំនើ.ងយកដុំថ្មគប់ បណ្តាលរបួសធ្ងន់ ហើយឪពុកបានយករថយន្តដឹកទៅកាន់មន្ទីរពេទ្យមិត្តភាពកម្ពុជា.ជប៉ុនមង្គលបូរី តាមគ្រូបានអោយដឹងថា កូនប្រុសរបួសធ្ងន់ផុងលលាដក្បាលផ្នែកខាងក្រោយ អាចឈាមកកក្នុងខួរក្បាលទើបកូនប្រុសសន្ល.ប់មិនដឹងខ្លួនអាចបញ្ជូនបន្តទៅកាន់មន្ទីរពេទ្យខេត្តបាត់ដំបង។
ស្ត្រីជាម្តាយបានបញ្ជាក់ថា ៖ រឿងក្មេងដែលយកដុំថ្មគប់កូនប្រុសអាចជារឿងស្រី ព្រោះរយៈពេល១សប្តាហ៍មានស្ត្រីម្នាក់មានការទំនាក់ទំនងជាមួយកូនប្រុសរបស់ខ្លួន ហើយឃើញនាងមកស្ទើររាល់ល្ងាចមកលេងជាមួយ ហើយកូនប្រុសក៏មិនដែលដើរលេងយប់ព្រលប់ហើយក៏មិនដែលមានរឿងជាមួយអ្នកណាដែរ ស្រាប់មានក្មេងទំនើ.ងគប់កូនប្រុសរហូតដល់របួសធ្ងន់សុំអោយសមត្ថកិច្ចជំនាញជួយស្រាវជ្រាវតាមរយៈកាំមេរ៉ាសុវត្ថិភាព ដើម្បីចាប់ខ្លួនជនដៃដល់មកអនុវត្តន៍តាមច្បាប់ ៕
ចែករំលែកព័តមាននេះ