ខេត្តកំពង់ស្ពឺ ៖ លោកយាយវ័យ៧០ឆ្នាំដោយសារតែជីវភាពខ្វះខាត គ្មានប្តី គ្មានកូនចៅនឹងគេ បង្ខំចិត្តចាកចេញពីស្រុកកំណើតនៅខេត្តស្វាយរៀងមកស្នាក់នៅជាមួយក្មួយនៅក្នុងស្រុកភ្នំស្រួច ខេត្តកំពង់ស្ពឺ ហើយបានសុំរថយន្តគេជិះមកដល់ផ្សារកំពង់ស្ពឺ ដើម្បីដើរសុំទានគេគ្រាន់បានចិញ្ចឹមជីវិតរស់ ។…
ខេត្តកំពង់ស្ពឺ ៖ លោកយាយវ័យ៧០ឆ្នាំដោយសារតែជីវភាពខ្វះខាត គ្មានប្តី គ្មានកូនចៅនឹងគេ បង្ខំចិត្តចាកចេញពីស្រុកកំណើតនៅខេត្តស្វាយរៀងមកស្នាក់នៅជាមួយក្មួយនៅក្នុងស្រុកភ្នំស្រួច ខេត្តកំពង់ស្ពឺ ហើយបានសុំរថយន្តគេជិះមកដល់ផ្សារកំពង់ស្ពឺ ដើម្បីដើរសុំទានគេគ្រាន់បានចិញ្ចឹមជីវិតរស់ ។
លោកយាយខាងលើ មានឈ្មោះ ម៉ៅ សុភា អាយុ៧០ឆ្នាំ មានស្រុកកំណើតនៅក្នុងខេត្តស្វាយរៀង ហើយដោយសារតែមានវ័យចំណាស់ហើយខ្វះខាត ក៏សម្រេចចិត្តចាកឆ្ងាយពីស្រុកកំណើត មកសុំផ្ទះក្មួយដើម្បីស្នាក់នៅ ក្នុងស្រុកភ្នំស្រួច ខេត្តកំពង់ស្ពឺ បានរៀបរាប់ថា រាល់ថ្ងៃរូបគាត់មានការលំបាកខ្លាំងណាស់ គាត់គ្មានប្តី គ្មានកូននោះទេ រស់នៅជាមួយក្មួយៗ ដែលមានជីវភាពខ្វះខាត គាត់ក៏បង្ខំចិត្តសុំរថយន្តគេជិះ ចេញពីស្រុកភ្នំស្រួច ដើម្បីមកដើរសុំទានគេនៅក្នុងក្រុងច្បារមនទីរួមខេត្តកំពង់ស្ពឺ គ្រាន់បានកំរៃចិញ្ចឹមជីវិត និងសល់ខ្លះទៅវត្ត ។
លោកយាយម៉ៅ សុភា បានបន្តទៀតថា ក្នុងមួយថ្ងៃគាត់សុំគេបានប្រាក់ចាប់ពី១ ទៅ២ម៉ឺនរៀល ពេលបាយបានគេឱ្យ ឬទិញគេហូបនៅក្បែរៗផ្សារ លុះពេលល្ងាចបន្តិចក៏បានសុំរថយន្តរបស់គេជិះ ដោយសារទៅសម្រាកផ្ទះក្មួយនៅឯស្រុកភ្នំស្រួចខេត្តកំពង់ស្ពឺវិញ ។ ហើយយប់ឡើងត្រូវដេកតាមសំយ៉ាបផ្ទះគេ សុំទឹកគេងូតថែមទៀតផង។
លោកយាយចំណាស់បានបន្ថែមទៀតថា គាត់មិនតូចចិត្តទេ ធ្វើម៉េចបើនៅម្នាក់ឯងដូចនេះ មានតែព្យាយាម ដើរសុំគេដើម្បីចិញ្ចឹមជីវិតបានរស់នៅមើលប្រទេសជាតិមានការរីកចំរើន និងអភិវឌ្ឍន៍តទៅមុខទៀតតែប៉ុណ្ណោះ៕
ចែករំលែកព័តមាននេះ