ខេត្តមណ្ឌលគិរី ៖ បន្ទាប់ពីចេញលិខិតជូនដំណឹង កាលពីថ្ងៃទី៤ ខែវិច្ឆិកា ឆ្នាំ២០២៤ អាជ្ញាធរខេត្តមណ្ឌលគិរីបានចុះប្រតិបត្តិការបង្ក្រាបការជីកកកាយរ៉ែមាសខុសច្បាប់នៅស្រុកកែវសីមា ដោយមានការសហការចូលរួមពីមន្ត្រីជំនាញមកពីក្រសួងរ៉ែ និងថាមពល អង្គភាពប្រឆាំងអំពើពុករលួយ…
ខេត្តមណ្ឌលគិរី ៖ បន្ទាប់ពីចេញលិខិតជូនដំណឹង កាលពីថ្ងៃទី៤ ខែវិច្ឆិកា ឆ្នាំ២០២៤ អាជ្ញាធរខេត្តមណ្ឌលគិរីបានចុះប្រតិបត្តិការបង្ក្រាបការជីកកកាយរ៉ែមាសខុសច្បាប់នៅស្រុកកែវសីមា ដោយមានការសហការចូលរួមពីមន្ត្រីជំនាញមកពីក្រសួងរ៉ែ និងថាមពល អង្គភាពប្រឆាំងអំពើពុករលួយ និងសម្របសម្រួលដោយតំណាងអយ្យការអមសាលាដំបូងខេត្តផងដែរ ។
សេចក្តីរាយការណ៍ដែលអ្នកយកព័ត៌មានទទួលបានឲ្យដឹងថា កាលពីថ្ងៃទី៥ ខែវិច្ឆិកា ក្រុមការងាររដ្ឋបាលខេត្ តដឹកនាំដោយលោក ឈិត សុផល នាយករងរដ្ឋបាលសាលាខេត្ត និងសម្របសម្រួលនីតិវិធី ដោយលោក ស៊ាវ ងីឈាន់ ព្រះរាជអាជ្ញារងនៃអយ្យការអមសាលាដំបូងខេត្ត ដោយបានសហការជាមួយលោក អុង ប៊ុនហុង អគ្គនាយករង នៃក្រសួងរ៉ែ និងថាមពល អង្គភាពប្រឆាំងអំពើពុករលួយ មន្ទីរបរិស្ថានខេត្ត មន្ទីររ៉ែ និងថាមពលខេត្ត កងកម្លាំងប្រដាប់អាវុធទាំងបីរបស់ខេត្ត និងគណៈបញ្ជាការឯកភាពស្រុកកែវសីមា ព្រមទាំងមានអាជ្ញាធរមូលដ្ឋានឃុំចុងផ្លាស់បានបន្តសកម្មភាព ចុះបង្ក្រាបទប់ស្កាត់បទល្មើសរ៉ែមាសអនាធិបតេយ្យស្ថិតនៅតំបន់មេសំ ភូមិពូទុងឃុំចុងផ្លាស់ ស្រុកកែវសីមា ខេត្តមណ្ឌលគិរី។
សេចក្ដីរាយការណ៍បន្តថា ប្រតិបត្តិការខាងលើ គេបានឃើញក្រុមការងារចម្រុះរុះរើរោងឈើដែលគេសង់រកេតរកូតប្រមាណ៥-៦ទីតាំង ដែលគេសង្ស័យថា មានលួចជីករណ្តៅអណ្តូងរករ៉ែមាស និងបានបញ្ជាគ្រឿងចក្រកាយដីលុបសម្អាតឡើងវិញ ជៀសវាងបាក់ស្រុតដីឬបង្កគ្រោះថ្នាក់ដល់មនុស្ស-សត្វនានា។
ក្នុងប្រតិបត្តិការខាងលើ អ្នកយកព័ត៌មានមិនទាន់អាចសុំការបញ្ជាក់ព័ត៌មានពីសមត្ថកិច្ចជំនាញ ឬអ្នកនាំពាក្យរបស់រដ្ឋបាលខេត្តនៅឡើយទេ ខណៈគិតត្រឹមរសៀលថ្ងៃទី៦ ខែវិច្ឆិកា នេះ កម្លាំងសមត្ថកិច្ចនៅបន្តការងារមិនទាន់បញ្ចប់៕
ចែករំលែកព័តមាននេះ