រាជធានីភ្នំពេញ ៖ នៅវេលាម៉ោងប្រហែល១២និង០៥នាទីថ្ងៃត្រង់ ថ្ងៃទី០៤ ខែវិច្ឆិកា ឆ្នាំ២០២៤នេះ កម្លាំងនគរបាលព្រហ្មទណ្ឌកម្រិតស្រាល នៃក្រសួងមហាផ្ទៃ សហការជាមួយកម្លាំងអធិការដ្ឋាននគរបាលខណ្ឌ៧មករា និងកម្លាំងអធិការដ្ឋាននគរបាលខណ្ឌទួលគោក…
រាជធានីភ្នំពេញ ៖ នៅវេលាម៉ោងប្រហែល១២និង០៥នាទីថ្ងៃត្រង់ ថ្ងៃទី០៤ ខែវិច្ឆិកា ឆ្នាំ២០២៤នេះ កម្លាំងនគរបាលព្រហ្មទណ្ឌកម្រិតស្រាល នៃក្រសួងមហាផ្ទៃ សហការជាមួយកម្លាំងអធិការដ្ឋាននគរបាលខណ្ឌ៧មករា និងកម្លាំងអធិការដ្ឋាននគរបាលខណ្ឌទួលគោក ស្រាវជ្រាវឃាត់ខ្លួនជនសង្ស័យម្នាក់ ពីបទហិ.ង្សាដោយចេតនាមានស្ថានទម្ងន់ទោស (ទំនាស់ពាក្យសំដីគ្នា រឿងសុំផ្លូវជិះ ប៉ុន្តែជនបង្កបានយកខ្សែក្រវ៉ាត់ពីចង្កេះ និងកាំបិតបុ័ងតោ កា.ប់មកលើជនរងគ្រោះបណ្ដាលឲ្យរបួសក្បាលពោះក្រោមចុងដង្ហើម ដេរចំនួន០៨ថ្នេរ និងរបួសកំភួនឆ្វេង ដេរ០៣ថ្នេរ និងមាត់ហើមបបូរមាត់ក្រោម) ។
ករណីហិ.ង្សាដោយចេតនាខាងលើនេះ កើតឡើងកាលពីវេលាម៉ោងប្រហែល១២និង២០នាទីថ្ងៃទី០៣ ខែវិច្ឆិកា ឆ្នាំ២០២៤ នៅចំណុចមុខផ្ទះលេខ២០ ផ្លូវលេខ២៤៧ ក្រុមទី២៥ ភូមិ១០ សង្កាត់បឹងសាឡាង ខណ្ឌទួលគោក ។
ជនសង្ស័យមានឈ្មោះ សុខ សេន ហៅសេន ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅអាគារបូរីកីឡាលេខ២ ជាន់ទី៦ បន្ទប់លេខ១០B ម្តុំបូរីកីឡា ផ្លូវលេខ២១១ ភូមិ១២ សង្កាត់វាល់វង ខណ្ឌ៧មករា រាជធានីភ្នំពេញ ។ ជនសង្ស័យរូបនេះ ធ្លាប់ជាប់ពន្ធនាគារជាច្រើនលើកមកហើយ ពីបទ អំពើហិ.ង្សា កាប់ចាក់បែបនេះ ។
វត្ថុតាង ដែលសមត្ថកិច្ចចាប់ដកហូតបាន រួមមាន ៖ ម៉ូតូ០១គ្រឿងម៉ាក ហុងដាឌ្រីម សេ១២៥ ពណ៌ខ្មៅ ពាក់ស្លាកលេខ ភ្នំពេញ 1KO-1780 និងកាំបិតប៉័ងតោ ។
ជនរងគ្រោះឈ្មោះ គង់ រុណ្តា ភេទប្រុស អាយុ៣១ឆ្នាំ ជនជាតិខ្មែរ មុខរបរជាងជួសជុលម៉ូតូ ស្នាក់នៅផ្ទះជួលលេខ២៧៩ ផ្លូវលេខ២៧១ សង្កាត់ទំនប់ទឹក ខណ្ឌបឹងកេងកង ។ ជនរងគ្រោះ រងរបួសកំភួនដៃឆ្វេង ដេរ០៣ថ្នេរ និងក្បាលពោះក្រោមចុងដង្ហើម ដេរ០៨ដ្នេរ និងមាត់ហើមបបូរមាត់ក្រោម ។ រងការខូចខាត ម៉ូតូម៉ាក Honda Scoopy ពណ៍ខ្មៅ បែកចង្កៀងមុខ និងកុងទ័រ ។
បើតាមការចែកចាយវីដេអូពីកាមេរ៉ាសុវត្ថិភាព បានបង្ហាញពីសកម្មភាពជនសង្ស័យ និងជនរងគ្រោះ បង្កអោយកើតមានហិ.ង្សា ដោយសារតែមានទំនាស់ពាក្យសំដីគ្នារឿងសុំផ្លូវជិះ ព្រោះមានរថយន្តប្រមូលសំរាម មកប្រមូលត្រង់ចំណុចជនសង្ស័យឈប់ម៉ូតូ ហើយកំពុងចុចទូរសព្ទ ។ ពេលនោះ ជនរងគ្រោះក៏ជិះម៉ូតូឌុបម្តាយ ហើយស្ទះឡានដឹកសំរាម ក៏ជិះមកផ្លូវម្ខាងទៀត ដើម្បីសុំផ្លូវម៉ូតូរបស់ជនសង្ស័យ ដើម្បីធ្វើដំណើរទៅមុខទៀត ប៉ុន្តែជនសង្ស័យធ្វើមិនដឹង មិនព្រមជៀស ហើយក៏មិនខ្វល់ រហូតបង្កជាទំនាស់ពាក្យសម្តីនឹងគ្នា រួចជនសង្ស័យក៏បានធាក់ម៉ូតូជនរងគ្រោះ រហូតបង្កជាករណីអំពើហិ.ង្សា ដោយជនសង្ស័យយកខ្សែក្រវ៉ាត់វាយទៅលើជនរងគ្រោះ រួចជនរងគ្រោះក៏បានតដៃគ្នាទៅវិញទៅមក ពេលនោះ ជនសង្ស័យក៏បានដកកាំបិតបុ័ងតោ ចេញពីក្នុងកាបូប រួចកា.ប់ទៅលើបុរសជនរងគ្រោះ បណ្តាលឲ្យរងរបួសដៃ និងចុងដង្ហើម ត្រូវបញ្ជូនទៅកាន់មន្ទីពេទ្យ ។ ចំណែកជនសង្ស័យក៏បានយកកាំបិតទៅកាប់ម៉ូតូជនរងគ្រោះជាច្រើនកាំបិតថែមទៀត រួចជិះម៉ូតូគេចខ្លួនបាត់ តែម្តង ។
រហូតនៅព្រឹកថ្ងៃទី៤ ខែវិច្ឆិកាឆ្នាំ២០២៤នេះ កម្លាំងព្រហ្មទណ្ឌកម្រិតស្រាល នៃក្រសួងមហាផ្ទៃ សហការជាមួយកម្លាំងអធិការដ្ឋាននគរបាលខណ្ឌ៧មករា និងខណ្ឌទួលគោក តាមឃាត់ខ្លួនជនសង្ស័យ បាននៅចំណុចផ្ទះជនសង្ស័យ ក្នុងបុរីកីឡា សង្កាត់វាល់វង់ ខណ្ឌ៧មករា រាជធានីភ្នំពេញ ។
បច្ចុប្បន្ន កម្លាំងការិយាល័យព្រហ្មទណ្ឌកំរិតស្រាល នាយកដ្ឋាននគរបាលព្រហ្មទណ្ឌ បាននាំយកជនសង្ស័យដៃដល់ខាងលើ នាំយកទៅការិយាល័យព្រហ្មទណ្ឌកំរិតស្រាល នាយកដ្ឋានព្រហ្មទណ្ឌ ដើម្បីធ្វើការសួរនាំ ដើម្បីអនុវត្តនីតិវិធី ៕
ចែករំលែកព័តមាននេះ