ខេត្តរតនគិរី ៖ គ្រឿងចក្ររុញដីមួយគ្រឿង និងរថយន្តមួយគ្រឿងដែលក្រុមឈ្មួញជាច្រើននាក់បានប្រើប្រាស់ជាមធ្យោបាយសំរាប់ជីកត្បូងនោះ ត្រូវបានកម្លាំងអធិការនគបាលស្រុកបរកែវចុះបង្ក្របរឹបអូសបានមករក្សាទុកនៅប៉ុស្តិ៍រដ្ឋបាលឃុំឡាមិញ ។ ការចុះបង្ក្រាបគ្រឿងចក្រឈូសលុបរណ្តៅត្បូង និងរយន្តមួយគ្រឿងផងនោះ កម្លាំងសមត្ថកិច្ចបានធ្វើឡើងនៅថ្ងៃទី១ វិច្ឆិកា…
ខេត្តរតនគិរី ៖ គ្រឿងចក្ររុញដីមួយគ្រឿង និងរថយន្តមួយគ្រឿងដែលក្រុមឈ្មួញជាច្រើននាក់បានប្រើប្រាស់ជាមធ្យោបាយសំរាប់ជីកត្បូងនោះ ត្រូវបានកម្លាំងអធិការនគបាលស្រុកបរកែវចុះបង្ក្របរឹបអូសបានមករក្សាទុកនៅប៉ុស្តិ៍រដ្ឋបាលឃុំឡាមិញ ។
ការចុះបង្ក្រាបគ្រឿងចក្រឈូសលុបរណ្តៅត្បូង និងរយន្តមួយគ្រឿងផងនោះ កម្លាំងសមត្ថកិច្ចបានធ្វើឡើងនៅថ្ងៃទី១ វិច្ឆិកា ឆ្នាំ២០២៤ ស្ថិតនៅក្នុងបរិវេណដីចម្ការកៅស៊ូ ក្នុងភូមិត្រុំ ឃុំឡាមិញ ស្រុកបរកែវ ខេត្តរតនគិរី ។
ការចុះបង្ក្រាបនោះដែរ គឺយោងតាមបណ្តឹងរបស់ប្រជាពលរដ្ឋចូលទៅស្ថាប័នអយ្យរការអមសាលាដំបូងខេត្តហើយក៏ឈានដល់មានការបង្ក្រាបតែម្តង ដឹកនាំដោយលោក មុត សម្បុត្តិ. ព្រះរាជអាជ្ញារងអមសាលាដំបូងខេត្ត។
ក្នុងពេលកម្លាំងចុះបង្ក្រាបនៅទីតាំងជីកត្បូងខាងលើនោះ កម្លាំងកម្មករក៏បាននាំគ្នារត់ប្រសេចប្រសាចអស់ដោយបន្សល់ទុកនូវគ្រឿងចក្រអាបុលរុញដីលុបរណ្តៅត្បូងមួយគ្រឿង និងរថយន្តដឹកមួយគ្រឿងផងដែរ។ នៅទីតាំងបង្ក្រាបនោះដែរ កោះសន្តភាពយើងក៏ធ្លាប់ធ្វើការចុះផ្សាយរួចផងដែរ កាលពីពេលកន្លងមក តែហាក់មិនដែលឃើញមានសមត្ថកិច្ចឬអាជ្ញាធរចុះធ្វើការបង្ក្រាបនោះទេ ទើបតែពេលនេះមានប្រជាពលរដ្ឋធ្វើការប្តឹងចូលស្ថាប័នអយ្យរការអមសាលាដំបូងខេត្តបានមានការចុះបង្ក្រាបបែបនេះតែម្តង។
ប្រជាពលរដ្ឋរស់នៅទីនោះ ក៏បានធ្វើការសំណូមពរផងដែរដល់អភិបាលខេត្ត និងមន្ត្រីជំនាញ ពាក់ព័ន្ធទាំងអស់សុំឲ្យជួយយកចិត្តទុកដាក់ក្នុងការទប់ស្កាត់រាល់ការប្រព្រឹត្តបទល្មើសធនធានរ៉ែដោយខុសច្បាប់នោះផង។
ព្រោះមានក្រុមឈ្មួញខឹលខូចជាច្រើននាក់ ដែលតែងតែលួចចូលឆ្មក់ធ្វើសកម្មភាពជីករ៉ែត្បូងដោយអនាធិបតេយ្យតាមទីតាំងជាច្រើនក្នុងទឹកដីនៃស្រុកបរកែវខេត្តរតនគិរីនេះ ពុំឃើញមានសមត្ថកិច្ចជំនាញពាក់ព័ន្ធណាចុះបង្ក្រាបឡើយ៕
ចែករំលែកព័តមាននេះ