ខេត្តបន្ទាយមានជ័យ ៖ ក្មេងស្ទាវទំនើង១ក្រុម ព្រួតគ្នាវ៉ៃអ្នករត់ម៉ូតូកង់៣នៅពេលជិះម៉ូតូបុកហើយទូរស័ព្ទហៅគ្នាមកវ៉ៃ តែត្រូវសមត្ថកិច្ចក្របួចបាន នៅថ្ងៃទី២៩ ខែតុលា ឆ្នាំ២០២៤ នៅចំណុចផ្លូវក្បែរក្លឹបកំសាន្តអេផ្លាស់ ក្នុងភូមិក្បាលស្ពានពីរ…
ខេត្តបន្ទាយមានជ័យ ៖ ក្មេងស្ទាវទំនើង១ក្រុម ព្រួតគ្នាវ៉ៃអ្នករត់ម៉ូតូកង់៣នៅពេលជិះម៉ូតូបុកហើយទូរស័ព្ទហៅគ្នាមកវ៉ៃ តែត្រូវសមត្ថកិច្ចក្របួចបាន នៅថ្ងៃទី២៩ ខែតុលា ឆ្នាំ២០២៤ នៅចំណុចផ្លូវក្បែរក្លឹបកំសាន្តអេផ្លាស់ ក្នុងភូមិក្បាលស្ពានពីរ សង្កាត់អូរជ្រៅ ក្រុងប៉ោយប៉ែត។
ប្រជាពលរដ្ឋនៅកន្លែងកើតហេតុប្រាប់ថា នៅមុនពេលមានហិង្សានេះកើតឡើង គឺមានម៉ូតូ១គ្រឿង គ្មានផ្លាកលេខបានជិះបុកជាមួយម៉ូតូកង់៣ ខណៈបើកបរបញ្ច្រាសទិសគ្នា បណ្តាលឱ្យខូចខាតតិចតួច ។ ហើយភ្លាមៗ ឃើញមានការជជែកគ្នារកត្រូវរៀងៗខ្លួន ។ ហើយភ្លាមៗអ្នកខាងម៉ូតូបានទូរស័ព្ទហៅបក្សពួកប្រមាណ៥ ទៅ៦នាក់ បានជជែក ហើយស្ទុះទៅវាយលើអ្នកម៉ូតូកង់៣ម្នាក់ឯង ។
ប្រជាពលរដ្ឋបានបញ្ជាក់ទៀតថា ភ្លាមៗនោះ ឃើញសមត្ថកិច្ចនៅក្បែរកន្លែងកើតហេតុ បានស្ទុះទៅក្របួចបាន៣ ទៅ៤នាក់ និងមានម៉ូតូដែលភាគច្រើន គ្មានផ្លាកលេខដែលស្គាល់ថា ក្រុមក្មេងទំនើងនៅក្រុងប៉ោយប៉ែតជិះម៉ូតូគ្មានផ្លាកលេខ ក្រោយកម្លាំងនគរបាលឃាត់ ហើយនាំយកមកប៉ុស្តិ៍នគរបាលរដ្ឋបាលសង្កាត់អូរជ្រៅដើម្បីសាកសួរ។
ចែករំលែកព័តមាននេះ