ខេត្តបន្ទាយមានជ័យ ៖ កម្លាំងនគរបាលក្រុងប៉ោយប៉ែត បានឃាត់ខ្លួនជនសង្ស័យដែលជួញដូរនិងប្រើប្រាស់គ្រឿងញៀនចំនួន៤នាក់ និងដកហូតបានគ្រឿងញៀន និងកាំបិតនិងដាវចំនួន៣ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២៧ ខែតុលា ឆ្នាំ២០២៤។ លោកវរសេនីយ៍ទោ…
ខេត្តបន្ទាយមានជ័យ ៖ កម្លាំងនគរបាលក្រុងប៉ោយប៉ែត បានឃាត់ខ្លួនជនសង្ស័យដែលជួញដូរនិងប្រើប្រាស់គ្រឿងញៀនចំនួន៤នាក់ និងដកហូតបានគ្រឿងញៀន និងកាំបិតនិងដាវចំនួន៣ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២៧ ខែតុលា ឆ្នាំ២០២៤។
លោកវរសេនីយ៍ទោ កែវ ដូល អធិការរងនគរបាលក្រុងប៉ោយប៉ែតាបនប្រាប់ថា៖ជនសង្ស័យចំនួន៤នាក់មាន១-ឈ្មោះ ចាន់ ភារុណ ភេទប្រុសអាយុ២០ឆ្នាំ ២-ឈ្មោះ ហឿន សំនាង ភេទស្រី អាយុ១៦ឆ្នាំ ៣-ឈ្មោះ ហឿន សំនាង ភេទស្រី អាយុ១៦ឆ្នាំ ៤-ឈ្មោះ ប៉ក សារុំ ភេទប្រុស អាយុ៣៥ឆ្នាំដែលស្នាក់នៅភូមិប៉ាលិលេយ្យមួយ សង្កាត់/ក្រុងប៉ោយប៉ែត។
លោកបានបញ្ជាក់ថា នៅពេលឃាត់ខ្លួនជនសង្ស័យ គឺកម្លាំងអធិការដ្ឋាននគរបាលក្រុងប៉ោយប៉ែតបានធ្វើការស្រាវជ្រាវ ហើយកំណត់មុខសញ្ញាចុះប្រតិបត្តិការបង្ក្រាប២ករណីដោយឡែកគ្នាឃាត់ខ្លួនជនសង្ស័យ៤នាក់ ។ ក្នុងនោះ មានស្រី២នាក់ដកហូតវត្ថុតាងគ្រឿងញៀនប្រភេទម្ស៉ៅក្រាមសថ្លាចំនួន៤ថង់តូចនិងសម្ភារៈប្រើប្រាស់គ្រឿងញៀនមានកាំបិតនិងដាវចំនួន៣ដែលបង្ក្រាបកាលពីថ្ងៃទី២៦ ខែតុលា ឆ្នាំ២០២៤ក្នុងភូមិសាស្គ្រក្រុងប៉ោយប៉ែត។
លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែតបានប្រាប់ថា៖ក្រោយឃាត់ខ្លួនជនសង្ស័យប្រុស/ស្រីចំនួន៤នាក់ និងដកហូតមានវត្ថុតាងគ្រឿងញៀនត្រូវបាននាំយកសាកសួរតាមចម្លើយសារភាពត្រូវកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់៕
ចែករំលែកព័តមាននេះ