ខេត្តកំពង់ស្ពឺ ៖ កម្លាំងអគ្គស្នងការដ្ឋាននគរបាលជាតិ នៅវេលាថ្ងៃត្រង់ ថ្ងៃទី២៤ ខែតុលា ឆ្នាំ២០២៤នេះ បើកប្រតិបត្តិការទ្រង់ទ្រាយធំ ដោយឆ្មក់ចូលបង្ក្រាបទីតាំងដ៏ធំមួយកន្លែង ឃាត់ខ្លួនជនបរទេសចម្រុះជាតិសាសន៍…
ខេត្តកំពង់ស្ពឺ ៖ កម្លាំងអគ្គស្នងការដ្ឋាននគរបាលជាតិ នៅវេលាថ្ងៃត្រង់ ថ្ងៃទី២៤ ខែតុលា ឆ្នាំ២០២៤នេះ បើកប្រតិបត្តិការទ្រង់ទ្រាយធំ ដោយឆ្មក់ចូលបង្ក្រាបទីតាំងដ៏ធំមួយកន្លែង ឃាត់ខ្លួនជនបរទេសចម្រុះជាតិសាសន៍ ប្រមាណជាង១,០០០នាក់ ដែលភាគច្រើនជាជនជាតិចិន និងកូរ៉េ ។
ប្រតិបត្តិការខាងលើនេះ ដឹកនាំដោយលោកឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងមានការបញ្ជាផ្ទាល់ពីនាយឧត្តមសេនីយ៍ ស ថេត អគ្គស្នងការនគរបាលជាតិ បានឆ្មក់ចូលអគារដ៏ធំមួយ ស្ថិតនៅជាប់បណ្ដោយផ្លូវជាតិលេខ៣ ចន្លោះគីឡូម៉ែត្រលេខ៣២ ស្ថិតក្នុងភូមិដើមអង្គ្រង ឃុំអង្គពពែល ស្រុកគងពិសី ខេត្តកំពង់ស្ពឺ ។
យ៉ាងណា សមត្ថកិច្ចនៅមិនទាន់បញ្ជាក់ពីបទល្មើសក្នុងអគារដ៏ធំខាងលើនោះ នៅឡើយទេ ប៉ុន្តែប្រភពបានបង្ហើបឱ្យដឹងថា ទីតាំងដែលបង្ក្រាបនេះ សង្ស័យលួចបើកល្បែងអនឡាញដ៏ធំ ជ្រកក្នុងរូបភាពជារោងចក្រផលិតដំណាប់ស្វាយ បានបើកលេងយូរឆ្នាំមកហើយ ដោយមានការលាក់បាំង និងយាមកាម ដ៏តឹងរឹងបំផុតពីក្រុមសន្តិសុខ ៕
ចែករំលែកព័តមាននេះ