ខេត្តកំពង់ឆ្នាំង ៖ សមត្ថកិច្ចនគរបាលការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តកំពង់ឆ្នាំង សហការជាមួយកម្លាំងមន្ទីរ៉ែ និងថាមពលខេត្ត បានចុះបង្ក្រាបសកម្មភាពបូមខ្សាច់មួយកន្លែង សង្ស័យគ្មានច្បាប់អនុញ្ញាត ។ កិច្ចសហការបង្ក្រាបនេះ នៅថ្ងៃទី២៣…
ខេត្តកំពង់ឆ្នាំង ៖ សមត្ថកិច្ចនគរបាលការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តកំពង់ឆ្នាំង សហការជាមួយកម្លាំងមន្ទីរ៉ែ និងថាមពលខេត្ត បានចុះបង្ក្រាបសកម្មភាពបូមខ្សាច់មួយកន្លែង សង្ស័យគ្មានច្បាប់អនុញ្ញាត ។ កិច្ចសហការបង្ក្រាបនេះ នៅថ្ងៃទី២៣ ខែតុលា ឆ្នាំ២០២៤ ស្ថិតនៅក្នុងភូមិសាស្ត្រស្ទឹងបរិបូណ៌ ក្នុងភូមិដំបូងក្រហម ឃុំផ្សារ ស្រុកបរិបូណ៌ ខេត្តកំពង់ឆ្នាំង ។
លោក អេង ខេង ប្រធានការិយាល័យធនធានរ៉ែ និងប្រធានក្រុមការងារបានចុះត្រួតពិនិត្យនៅទីតាំងខាងលើ ទី១-របស់លោកម៉ុន ប៉េង រស់នៅភូមិថ្នល់អន្លង់ក្រចុះ ឃុំបន្លាយមាស ស្រុកកំពង់លែង និងសាឡង់ទី២-ដឹកសាច់ចំណុះ១៥ម៉ែត្រគូបរបស់លោកឈាម សុខ រស់នៅភូមិថ្នល់តាសែង ឃុំក្រាំងដីមាស ក្រុងកំពង់ឆ្នាំង ។
ដោយឡែក លោកពៅ ស៊ីម ប្រធានមន្ទីររ៉ែថាមពលខេត្តកំពង់ឆ្នាំងឲ្យដឹងថា ក្រោយពីបានទទួលព័ត៌មាន ពីសារព័ត៌មានថា មានការបូមខ្សាច់នៅតំបន់ចុងស្ទឹងបរិបូរណ៍ ក្នុងឃុំផ្សារ ស្រុកបរិបូរណ៍ ខេត្តកំពង់ឆ្នាំង រួចមក មន្ទីរបានចាត់ឲ្យលោកប្រធានការិយាល័យ និងអនុប្រធានការិយាល័យធនធានរ៉ែ ចុះទៅដល់ទីតាំងដែលកំពុងធ្វើការបូមយកខ្សាច់តែម្ដង ជាលទ្ធផលរួមមាន៖ មានសាឡាងចំនួន០២គ្រឿង និងទូកម៉ាស៊ីនចំនួន០៦ទូក ក្នុង០១សាឡាង ចំណុះ 15m3 មានមនុស្សចំនួន ០២នាក់ (០២សាឡាង ចំនួន០៤នាក់) និង ក្នុង ០១ទូក ចំណុះ 3m3 មានមនុស្សចំនួន ០២នាក់(០៦ទូក ចំនួន ១២នាក់) ។ ប្រភពនៅទីនោះគាត់ប្រាប់ថា ពួកគាត់យកទៅប្រើប្រាស់ ក្នុងការបណ្ដុះកូនម្ទេស (ក្រាលផ្នែកក្រោម ដាក់ជីពីលើ ដើម្បីបណ្ដុះកូនម្ទេសសម្រាប់ដាំក្នុងរដូវកាលទឹកសម្រកខាងមុខនេះ)។
១.ដោយយល់ឃើញថា ជាលើកទី១ ក្រុមការងារធ្វើការបញ្ឈប់សកម្មភាព អប់រំ ណែនាំ ដោះលែង(បើមានលើកទី២ ចាប់ឃាត់ ដកហូត អនុវត្តវិធានការច្បាប់)។
២.ការបូមនេះ មិនមែនជាបែបពាណិជ្ជកម្ម ប្រើប្រាស់ផ្ទាល់ក្រុមគ្រួសារ អាចលើកលែងបាន។
៣.ករណីចង់បូមចែកចាយ លក់បន្ត ធ្វើអាជីវកម្ម(បែបពាណិជ្ជកម្ម) ត្រូវតែច្បាប់ជាដាច់ខាត៕
ចែករំលែកព័តមាននេះ