រាជធានីភ្នំពេញ ៖ សម្តេចតេជោ ហ៊ុន សែន អតីតនាយករដ្ឋមន្ត្រីប្រធានព្រឹទ្ធសភា និងជាប្រធានគណបក្សប្រជាជនកម្ពុជាបានអធ្យាស្រ័យដល់ លោកហៃ វណ្ណា និងសង្ឃឹមថា…
រាជធានីភ្នំពេញ ៖ សម្តេចតេជោ ហ៊ុន សែន អតីតនាយករដ្ឋមន្ត្រីប្រធានព្រឹទ្ធសភា និងជាប្រធានគណបក្សប្រជាជនកម្ពុជាបានអធ្យាស្រ័យដល់ លោកហៃ វណ្ណា និងសង្ឃឹមថា អ្នកផ្សេងទៀតផ្តាច់ខ្លួនចេញពីមេក្រុមជ្រុលនិយមមកចូលរួមកសាងប្រទេស ។ ការអធ្យាស្រ័យរបស់សម្តេចតេជោ ហ៊ុន សែន បន្ទាប់ពីលោក ហៃ វណ្ណា បានប្រកាសសារភាពកំហុសរបស់ខ្លួន និងសុំទោសសម្តេច និងថ្នាក់ដឹកនាំប្រជាពលរដ្ឋដែលបានធ្វើខុសកន្លងមក ។
សម្តេចតេជោ ហ៊ុន សែន បានសរសេរលើបណ្តាញសង្គម នៅថ្ងៃទី១៨ ខែតុលា ឆ្នាំ២០២៤ យ៉ាងដូច្នេះថា៖« ក្នុងនាមគណបក្សប្រជាជនកម្ពុជាខ្ញុំ សូមស្វាគមន៍យ៉ាងកក់ក្តៅចំពោះ លោកហៃ វណ្ណា ដែលបានធ្វើការសូមអភ័យទោសចំពោះការខុសឆ្គងរបស់ខ្លួន កាលពីថ្ងៃ១៨ សីហា២០២៤ និងបានប្រកាសផ្តាច់ខ្លួនចេញពីក្រុមប្រឆាំងជ្រុលនិយមមកចូលរួមជីវភាពនយោបាយជាមួយគណប្រជាជន និងនាំយកចំណេះដឹងដើម្បីចូលរួមកសាងប្រទេសជាតិវិញ» ។
សម្តេចតេជោ បានបញ្ជាក់ថា៖« ខ្ញុំក៏សូមការយោគយល់អាធ្យាស្រ័យ ពីសំណាក់បងប្អូនជនរួមជាតិដែលខឹងសម្បាចំពោះលោក ហៃ វណ្ណាកន្លងមក និងបញ្ចប់ការខឹងសម្បានេះ ដើម្បីចាប់ដៃគ្នាកសាងអនាគតរបស់ កម្ពុជា ។ ខ្ញុំសង្ឃឹមថា បងប្អូនផ្សេងទៀតនឹងយកគំរូតាមលោកហៃ វណ្ណា ដោយផ្តាច់ខ្លួនចេញពីមេក្រុមជ្រុលនិយមមកចូលរួមកសាងប្រទេស ។
ជាមួយគ្នានោះដែរ សម្តេចក៏អំពាវនាវយ៉ាងដូច្នេះថា សូមកុំធ្វើនយោបាយដង្ហែស.ពមេក្រុមប្រឆាំងជ្រុលនិយមចូលរណ្តៅ ព្រោះខ្លួនគេជួយខ្លួនមិនបានផងថែមទាំងចោលស្រុកថែមទៀត ៕
ចែករំលែកព័តមាននេះ