រាជធានីភ្នំពេញ ៖ ខុនដូហាយឡែនត្រូវបានអគ្គិភ័យឆាបឆេះផ្សែងហ៊ុយខ្មួលខ្មាញ់ បណ្ដាលឲ្យបន្ទប់ចំនួន១ នៅជាន់ទី៣ បានរងការខូចខាតទាំងស្រុង ។ ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង៣និង៣០នាទីរសៀល ថ្ងៃទី០៦…
រាជធានីភ្នំពេញ ៖ ខុនដូហាយឡែនត្រូវបានអគ្គិភ័យឆាបឆេះផ្សែងហ៊ុយខ្មួលខ្មាញ់ បណ្ដាលឲ្យបន្ទប់ចំនួន១ នៅជាន់ទី៣ បានរងការខូចខាតទាំងស្រុង ។ ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង៣និង៣០នាទីរសៀល ថ្ងៃទី០៦ ខែតុលា ឆ្នាំ២០២៤ នៅចំណុចខុនដូ ដែលស្ថិតនៅភូមិដីថ្មីសង្កាត់គោកឃ្លាង ខណ្ឌសែនសុខ រាជធានីភ្នំពេញ ។
តាមសាក្សីបានអោយដឹងថា នៅមុនពេលកើតហេតុគេឃើញភ្លើងបានឆេះចេញពីបន្ទប់លេខ៥០៩ នៅជាន់ទី៣ បង្កឲ្យមានការភ្ញាក់ផ្អើលដល់អ្នកជិតខាង និងបុគ្គលិកទាក់ទងរថយន្តពន្លត់អគ្គិភ័យទៅអន្តរាគមន៍បាញ់ពន្លត់ ហើយភ្លើងបានរលត់ទៅវិញ ពុំបណ្ដាលឲ្យឆេះរាលដាលធ្ងន់ធ្ងរឡើយ ។
តាមនគរបាលការិយាល័យបង្ការ ពន្លត់អគ្គីភ័យ និងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍រថយន្តពន្លត់អគ្គីភ័យ១គ្រឿងបានទៅអន្តរាគមន៍ហើយភ្លើងបានរលត់ទៅវិញពុំបណ្ដាលឲ្យឆេះរាលដាលឡើយ ។
តាមនគរបាលឲ្យដឹងទៀតថា បន្ទប់ខុនដូទំហំ៥ម៉ែត្រគុណនឹង៦ម៉ែត្រត្រូវភ្លើងឆេះរងការខូចខាតទាំងស្រុង រួមជាមួយសម្ភារៈមានពូក ខ្នើយ ម៉ាស៊ីនត្រជាក់ ។ តាមនគរបាលឱ្យដឹងទៀតថា អគ្គិភ័យនេះបណ្ដាលមកពីឆ្លងចរន្តអគ្គិសនី ៕
ចែករំលែកព័តមាននេះ