ភ្លៀងមួយមេធំលាយឡំខ្យល់កន្ត្រាក់ និងរន្ទះបានបា.ញ់ចំស្តុបចុងកៅស៊ូ ក្នុងក្រុងសៀមរាប
- សៀមរាប
ខេត្តសៀមរាប ៖ បើតាមប្រសាសន៍របស់លោក លី វណ្ណៈ អ្នកនាំពាក្យ និងជានាយករដ្ឋបាលខេត្តសៀមរាបបានអះអាងថា កាលពីល្ងាចថ្ងៃទី៣ ខែតុលា ឆ្នាំ២០២៤នេះ…
ខេត្តសៀមរាប ៖ បើតាមប្រសាសន៍របស់លោក លី វណ្ណៈ អ្នកនាំពាក្យ និងជានាយករដ្ឋបាលខេត្តសៀមរាបបានអះអាងថា កាលពីល្ងាចថ្ងៃទី៣ ខែតុលា ឆ្នាំ២០២៤នេះ មានករណី ភ្លៀង ផ្គរ រន្ទះបានបា.ញ់ប៉ះចំស្តុបភ្លើងនៅចុងកៅស៊ូ បណ្តាលឱ្យមិនដំណើរការបានដែលមានទីតាំងស្ថិតនៅក្នុងភូមិ ចុងកៅស៊ូ សង្កាត់ ស្លក្រាម ក្រុងសៀមរាប ។
លោក លី វណ្ណៈ បានបញ្ជាក់ថា នៅក្នុង «ក្រុមផ្តល់ព័ត៌មានពីពលរដ្ឋបានផ្តល់មកកាន់រដ្ឋបាលសាលាខេត្តសៀមរាប» នៅថ្ងៃសុក្រទី៤ ខែតុលា ឆ្នាំ២០២៤នេះថា ម្សិលមិញមាន រន្ទះបា.ញ់នៅស្តុបចុងកៅស៊ូ ឥឡូវមានសភាពមិនប្រក្រតី ដូចស្តុកស្មាយលីង លើកមុនដែរ ។
ចំពោះករណីខាងលើនេះ លោក លី វណ្ណៈ បានបន្ថែមទៀតថា ក្រុមការងារយើងបានចុះពិនិត្យរួចរាល់ហើយ ករណីខាងសាលាមិនអាចជួសជុលបានទេ លុះត្រាតែអ្នកបច្ចេកទេស មកពីភ្នំពេញមកពិនិត្យ ទើបអាចធ្វើបាន និងដំណើរការឡើងវិញ ។
សូមជម្រាបថា គិតត្រឹមម៉ោង៨និង៥៥នាទីព្រឹក ថ្ងៃទី៤ ខែតុលា ឆ្នាំ២០២៤នេះ ភ្លើងស្តុប នៅចំណុចចុងកៅស៊ូ ក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប មិនទាន់បានដំណើរការនៅឡើយទេ បន្ទាប់ពីមានករណីរន្ទះបា.ញ់ កាលពីល្ងាចថ្ងៃទី៣ ខែតុលា ឆ្នាំ២០២៤ ។ ដូច្នេះសូមបងប្អូនប្រជាពលរដ្ឋ ជ្រាបថា ព័ត៌មាន និងសូមបើកបរដោយមានការប្រុងប្រយ័ត្នខ្ពស់ ដើម្បីបង្កាការគ្រោះថ្នាក់ចរាចរណ៍ជាយថាហេតុ ៕
ចែករំលែកព័តមាននេះ