ឯកឧត្តមឃួង ស្រេង ថ្លែងអំណរគុណសមាគម AIMF តែងតែផ្តល់ការឧបត្តម្ភគាំទ្រដល់រាជធានីភ្នំពេញតាមរយៈគម្រោងនានាកន្លងមក
ក្រុងប៉ារីស៖ កាលពីព្រលប់ ថ្ងៃ ទី ២ ខែតុលា ឆ្នាំ ២០២៤ នេះ ឯកឧត្ដម…
ក្រុងប៉ារីស៖ កាលពីព្រលប់ ថ្ងៃ ទី ២ ខែតុលា ឆ្នាំ ២០២៤ នេះ ឯកឧត្ដម ឃួង ស្រេង អភិបាល នៃ គណ:អភិបាល រាជធានី ភ្នំពេញ បានទទួលជួបសម្ដែងការគួរសម និងពិភាក្សាការងារ ជាមួយ លោក Frédéric VALLIER អគ្គ ប្រតិភូ នៃ សមាគម អន្តរជាតិ អភិបាលក្រុង ប្រើប្រាស់ ភាសា បារាំង (AIMF)។
លោកស្រីដោ សម្ផស្ស អ្នកនាំពាក្យសាលារាជធានីភ្នំពេញនិងជានាយកទីចាត់ការរដ្ឋបាលសាលារាជធានីភ្នំពេញពីទីក្រុងប៉ារីសនាព្រឹកថ្ងៃទី៣តុលា២០២៤នេះ បានឱ្យដឹងថា ក្នុងជំនួបនោះលោកអគ្គ ប្រតិភូ សមាគម អន្តរជាតិ បាន ស្វាគមន៍ ការ អញ្ជើញ មកបំពេញ ទស្សនកិច្ច នៅ ទីក្រុង ប៉ារីស ប្រទេស បារាំង របស់ គណ:ប្រតិភូ រដ្ឋបាលរាជធានីភ្នំពេញ ដឹកនាំដោយឯកឧត្ដមឃួង ស្រេង អភិបាលរាជធានីភ្នំពេញនា ពេល នេះ។
ជាមួយ គ្នា នេះ ដែរ លោកក៏បានលើកឡើង អំពីកិច្ចសហប្រតិបត្តិការ ក្នុងការអនុវត្តគម្រោងនានារបស់ AIMF នៅរាជធានីភ្នំពេញ ហើយលោកក៏កំពុងពិចារណា ពេលវេលាសមស្រប ដើម្បី ធ្វើទស្សនកិច្ច ផ្លូវ ការនៅរាជធានីភ្នំពេញ និងស្វែងយល់បន្ថែមលើគម្រោងពីមុនរវាង រដ្ឋបាល រាជធានីភ្នំពេញ និង AIMF។ ភ្ជាប់ជាមួយគ្នានេះដែរ លោកអគ្គប្រតិភូ ក៏បានអញ្ជើញ ឯកឧត្ដម អភិបាល រាជធានីភ្នំពេញចូលរួម កិច្ច ប្រជុំ ការិយាល័យ អចិន្ត្រៃយ៍ លេីកទី ១០៣ នៅ ទីក្រុង វ៉េ Hué សាធារណរដ្ឋសង្គម និយម វៀតណាម នៅ ខែមេសា ឆ្នាំ២០២៥ ខាងមុខ ផងដែរ។
លោកស្រីអ្នកនាំពាក្យបានបញ្ជាក់ទៀតថា៖ជាកិច្ច ឆ្លេីយ តប ជាដំបូង ឯកឧត្តម ឃួង ស្រេង អភិបាល នៃ គណ:អភិបាលរាជ ធានី ភ្នំពេញ បាន សម្តែង ការ អបអរ សាទរ ចំពោះ លោក Frédéric VALLIER ដែល ទទួលបាន ការ តែងតាំង ជា អគ្គ ប្រតិភូ AIMF ដែល ជាតួនាទីសំខាន់ របស់ សមាគម។
ឯកឧត្តម អភិបាល រាជធានីក៏បាន ថ្លែង អំណរគុណ ដល់ សមាគម AIMF ដែល តែងតែ ផ្តល់ ការ ឧបត្តម្ភគាំទ្រដល់រាជធានីភ្នំពេញ តាមរយៈគម្រោងនានាកន្លងមក ជាពិសេស គឺការផ្តល់ទំនុកចិត្ត ខ្ពស់ និងបោះឆ្នោតឱ្យរាជធានីភ្នំពេញបន្ត ជាសមាជិកការិយាល័យអចិន្ត្រៃយ៍ និង គាំទ្រ ជា អនុប្រធានអចិន្ត្រៃយ៍ សមាគម អន្តរជាតិ អភិបាល ក្រុង ប្រេីប្រាស់ ភាសា បារាំង AIMF កាលពី ខែឧសភា ឆ្នាំ ២០២៤ ថ្មីៗ នេះ។
លោកស្រីបញ្ជាក់ទៀតថា៖ចំពោះ កិច្ច ប្រជុំ នៅ ទីក្រុង វ៉េ ប្រទេសវៀតណាមឯកឧត្ដម អភិបាល រាជធានីភ្នំពេញនឹង ពិនិត្យ លទ្ធភាព ដើម្បី ចូលរួម តាម កម្មវិធី ជាក់ស្តែង ៕
ចែករំលែកព័តមាននេះ