ខេត្តត្បូងឃ្មុំ ៖ បុរសចំនួនពីរនាក់បានស្លាប់ភ្លាមៗដោយសារតែជិះម៉ូតូបត់កាត់ទទឹងផ្លូវ ដោយខ្វះការប្រុងប្រយ័ត្នហើយត្រូវបានរថយន្តម៉ាក់ព្រុសបុកពេញទំហឹងនៅលើកំណាត់ផ្លូវជាតិលេខ៧១ សេ វេលាម៉ោង០៨:៣០នាទី ថ្ងៃទី៣០កញ្ញា ឆ្នាំ២០២៤ ត្រង់ចំណុចមុខផ្ទះឈ្មោះ ព្រុំ…
ខេត្តត្បូងឃ្មុំ ៖ បុរសចំនួនពីរនាក់បានស្លាប់ភ្លាមៗដោយសារតែជិះម៉ូតូបត់កាត់ទទឹងផ្លូវ ដោយខ្វះការប្រុងប្រយ័ត្នហើយត្រូវបានរថយន្តម៉ាក់ព្រុសបុកពេញទំហឹងនៅលើកំណាត់ផ្លូវជាតិលេខ៧១ សេ វេលាម៉ោង០៨:៣០នាទី ថ្ងៃទី៣០កញ្ញា ឆ្នាំ២០២៤ ត្រង់ចំណុចមុខផ្ទះឈ្មោះ ព្រុំ សំណាង ភេទប្រុស ស្ថិតនៅភូមិល្វាតូច ឃុំគរ ស្រុកត្បូងឃ្មុំ ខេត្តត្បូងឃ្មុំ។
នគរបាលចរាចរណ៍ស្រុកត្បូងឃ្មុំបានឱ្យដឹងថា: មុនពេលកើតហេតុបុរសដែលជិះម៉ូតូស្លាប់ពីអ្នកនោះគឺបានជិះបញ្ច្រាសទើសគ្នាជាមួយនឹងរថយន្ត។ខណៈពេលមកដល់កន្លែងកើតហេតុបានបត់ម៉ូតូជិះឆ្លងផ្លូវសំដៅចូលផ្ទះរបស់ខ្លួន ចៃដន្យមិនបានប្រុងប្រយ័ត្នរថយន្តម៉ាក់ព្រុស មកដល់បុកពេញទំហឹងតែម្ដងបណ្ដាលឱ្យស្លាប់ប្លោងចេញពីម៉ូតូ។ ចំណែកអ្នកបើកបររថយន្តក៏មិនបានរត់គេចទៅទីណាដែរ។
នគរបាលចរាចរណ៍ស្រុកត្បូងឃ្មុំបន្តឲ្យដឹងទៀតថា គ្រោះថ្នាក់ចរាចរណ៍រវាងម៉ូតូនិងរថយន្ត ម៉ូតូម៉ាកហុងដាឌ្រីម ពណ៌ខ្មៅ ពាក់ផ្លាកលេខ ភ្នំពេញ1JQ-3351 បើកបរដោយឈ្មោះណាង ផានិត ភេទប្រុស អាយុ៣០ឆ្នាំ ជនជាតិខ្មែរ នៅភូមិល្វាតូច ឃុំគរ ស្រុកត្បូងឃ្មុំ ខេត្តត្បូងឃ្មុំ(ស្លាប់នៅនិងកន្លែងកើតហេតុ)- បានឌុប ឈ្មោះ គក់ ឈីត ភេទប្រុស អាយុ៣០ឆ្នាំ ជនជាតិខ្មែរ នៅភូមិពាម ឃុំរកាកោង១ ស្រុកមុខកំពូល ខេត្តកណ្ដាល (ស្លាប់នៅនិងកន្លែងកើតហេតុ) ។ បង្កជាមួយរថយន្តម៉ាកព្រុស(PRIUS) ពណ៌ស ពាក់ផ្លាកលេខ ភ្នំពេញ 2CA-5994 បើកបរដោយឈ្មោះ ឡេង ដារិទ្ធ ភេទប្រុស អាយុ២៥ឆ្នាំ ជនជាតិខ្មែរ នៅភូមិស្រែប្រាំង ឃុំស្វាយទាប ស្រុកចំការលើ ខេត្តកំពង់ចាម (គ្មានរបួស) ។
ទិសដៅៈបញ្ច្រាសទិសគ្នា រថយន្តបើកបរពីជើងទៅត្បូងបុកម៉ូតូបើកបរពីត្បូងទៅជើងឆ្លងផ្លូវពីកើតទៅលិច ។
-មូលហេតុៈ ឆ្លងផ្លូវគ្រោះថ្នាក់
-ខូចខាតៈ ម៉ូតូចំនួន០១គ្រឿងកម្រិតធ្ងន់ រថយន្ត០១គ្រឿងកម្រិតស្រាល។
ក្រោយពីកើតហេតុកម្លាំងប៉ុស្តិ៍រដ្ឋបាលមូលដ្ឋានបានទៅដល់ហ្នឹងរាយការណ៍ឲ្យជំនាញនគរបាលចរាចរណ៍ទទួលផែនសណ្ដាប់ធ្នាប់ចុះទៅជាបន្ទាន់ដោយបានឃាត់អ្នកបើកបររថយន្តបញ្ជូនមកកាន់អធិការដ្ឋាននគរបាលស្រុកដើម្បីសួរនាំ។
ក្រោយពីបានដឹងអង្កហេតុកើតឡើងលោកព្រះរាជអាជ្ញាអមសាលាដំបូងខេត្តត្បូងឃ្មុំ បានអនុញ្ញាតឱ្យអ្នកបើកបររថយន្តត្រឡប់ទៅកាន់លំនៅឋានវិញ តែវត្ថុតាងរក្សាទុកនូវអធិការដ្ឋាននគរបាលស្រុក។ ដោយពិនិត្យឃើញអ្នកបើកបររថយន្តមិនមានកំហុសក៏អនុញ្ញាតឱ្យនៅក្រៅឃុំ។តែត្រូវបានណាត់ជួបតាមការអញ្ជើញរបស់ជំនាញសាលាដំបូងពេលដែលត្រូវកោះហៅក្នុងពេលណាមួយគឺត្រូវចូលខ្លួនមកដោះស្រាយ ហើយអ្នកបើករថយន្តក៏សុខចិត្តព្រមទទួលយកតាមគោលការណ៍បែបនេះផងដែរ ៕
ចែករំលែកព័តមាននេះ