ខេត្តព្រះសីហនុ ៖ មនុស្ស៤នាក់ បានរងរបួសធ្ងន់ និង២នាក់ រងរបួសស្រាល ក្នុងហេតុការណ៍គ្រោះថ្នាក់ចរាចរណ៍ ចំនួន០២ករណីផ្សេងគ្នា កើតឡើងរវាងម៉ូតូ និងម៉ូតូ…
ខេត្តព្រះសីហនុ ៖ មនុស្ស៤នាក់ បានរងរបួសធ្ងន់ និង២នាក់ រងរបួសស្រាល ក្នុងហេតុការណ៍គ្រោះថ្នាក់ចរាចរណ៍ ចំនួន០២ករណីផ្សេងគ្នា កើតឡើងរវាងម៉ូតូ និងម៉ូតូ នៅលើផ្លូវជាតិលេខ៤ ។
ករណីទី១ ៖ មនុស្ស០៣នាក់ រងរបួសធ្ងន់ និងម្នាក់របួសស្រាល ក្នុងករណីគ្រោះថ្នាក់ចរាចរណ៍មួយកើតឡើង រវាងម៉ូតូ និងម៉ូតួ ក្នុងទិសដៅបញ្ច្រាស់គ្នា នៅវេលាម៉ោង០៥និង២៥នាទីល្ងាចថ្ងៃទី២៩ ខែកញ្ញា ឆ្នាំ២០២៤ លើដងផ្លូវជាតិលេខ០៤ ចន្លោះគីឡូម៉ែត្រលេខ១៩៥-១៩៦ ស្ថិតក្នុងភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
ករណីគ្រោះថ្នាក់ចរាចរណ៍នេះ បានកើតឡើងរវាងម៉ូតូ០១គ្រឿងម៉ាកហុងដា សេ១២៥ ពណ៍ខ្មៅ ពាក់ស្លាកលេខ កំពត 1H-9606 មានទិសដៅពីព្រះសីហនុ-ភ្នំពេញ នៅពេលធ្វើដំណើរមកដល់ចំណុចកើតហេតុខាងលើ ត្រូវបានប៉ះបុកនឹងម៉ូតូ០១គ្រឿងទៀត ម៉ាកហុងដាវ៉េវ ពណ៍ខៀវ គ្មានពាក់ស្លាកលេខ មានទិសដៅបញ្ច្រាស់គ្នា ។
ករណីនេះ បណ្ដាលឱ្យ ទី១.អ្នកបើកបរម៉ូតូម៉ាកវ៉េវ ឈ្មោះ ជា កវី ភេទប្រុស អាយុ២៨ឆ្នាំ មុខរបរកម្មកររោងចក្រ រស់នៅភូមិបឹងតាព្រាប ឃុំត្រើយកោះ ស្រុកកំពង់បាយ ខេត្តកំពត (រងរបួសធ្ងន់)។ និងទី២.អ្នកបើកបរម៉ូតូ Honda ឈ្មោះ ស៊ីវ វុថា ភេទប្រុស អាយុ៤៦ឆ្នាំ រស់នៅភូមិមនោសុខ ឃុំត្រាំងស្នាយ ស្រុកឈូក ខេត្តកំពត មុខរបរកម្មករសំណង់(រងរបួសធ្ងន់) និងមានអ្នករួមដំណើរ ចំនួន០២នាក់ រួមមាន ៖
១-ឈ្មោះ ស៊ីវ រ៉េ ភេទប្រុស អាយុ៤៥ឆ្នាំ រស់នៅភូមិឃុំដូចជាមួយអ្នកបើកបរម៉ូតូHonda មុខរបរកម្មករសំណង់ដែរ(រងរបួសស្រាល)។
២-មិនទាន់ស្គាល់អត្តសញ្ញាណច្បាស់លាស់(រងរបួសធ្ងន់)
បច្ចុប្បន្ន អ្នករងរបួសធ្ងន់ និងស្រាលខាងលើ ត្រូវបានបញ្ជូនមកសម្រាកព្យាបាលនៅមន្ទីរពេទ្យឯកជន ផេង ហុល ឃុំអូរឧកញ៉ាហេង រីឯវត្ថុតាង(ម៉ូតូចំនួន០២គ្រឿង) បានយកមករក្សាទុកបណ្ដោះអាសន្ន នៅអធិការដ្ឋាននគរបាលស្រុកព្រៃនប់ ។
ករណីទី២ ៖ មនុស្សម្នាក់បានរងរបួសធ្ងន់ និងម្នាក់ទៀតបានរងរបួសស្រាល ក្នុងហេតុការណ៍គ្រោះថ្នាក់ចរាចរណ៍មួយកើតឡើងរវាងម៉ូតូ និងម៉ូតូ កាលពីវេលាម៉ោង២០និង៥០នាទី ថ្ងៃទី២៩ ខែកញ្ញា ឆ្នាំ២០២៤ លើដងផ្លូវជាតិលេខ៤ ចន្លោះគីឡូម៉ែត្រលេខ១៧៥-១៧៦ ស្ថិតក្នុងភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ។
តាមសមត្ថកិច្ចឲ្យដឹងថា ករណីគ្រោះថ្នាក់ចរាចរណ៍នេះ បានកើតឡើង រវាងម៉ូតូ ០១គ្រឿង ម៉ាកហុងដា (សង់០២២) ពណ៌ខ្មៅ ពាក់ស្លាកលេខ ព្រះសីហនុ 1J-4569 ទិសដៅពីភ្នំពេញឆ្ពោះទៅខេត្តព្រះសីហនុ។ លុះមកដល់ចំណុចកើតហេតុខាងលើ បានប៉ះបុកជាមួយម៉ូតូ ០១គ្រឿង ម៉ាកហុងដា(សង់ ០២២) ពណ៌ខ្មៅ ពាក់ស្លាកលេខ កំពង់ចាម 1T-3337 ទិសដៅ(ផ្ទុយគ្នា) ។
ករណីគ្រោះថ្នាក់ចរាចរណ៍ខាងលើបណ្តាលអោយ ទី១. អ្នកបើកបរម៉ូតូ ម៉ាកហុងដា(សង់០២២) ពណ៌ខ្មៅ ពាក់ស្លាកលេខ ព្រះសីហនុ 1J-4569 ឈ្មោះ សយ ឯម ភេទប្រុស អាយុ ២១ឆ្នាំមុខរបរកម្មកររោងចក្រ ទីលំនៅភូមិគិរីវន្ត ឃុំស្ទឹងឆាយ ស្រុកកំពង់សិលា ខេត្តព្រះសីហនុ (រងរបួសធ្ងន់)។
និងទី២. អ្នកបើកបរម៉ូតូ ម៉ាកហុងដា(សង់ ០២២) ពណ៌ខ្មៅ ពាក់ស្លាកលេខ កំពង់ចាម 1T-3337 ឈ្មោះ អែល ហ្សះរី ភេទប្រុស អាយុ២១ឆ្នាំ មុខរបរកម្មកររោងចក្រ ទីលំនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ (រងរបួសស្រាល) ។
បច្ចុប្បន្ន អ្នករងរបួស បានបញ្ជូនទៅសង្គ្រោះនៅគ្លីនិកឯកជន វាលរេញ ចំណែកវត្ថុតាងបានយកទៅរក្សាទុកនៅប៉ុស្តិ៍នគរបាលរដ្ឋបាលឃុំជើងគោ៕
ចែករំលែកព័តមាននេះ