ខេត្តបន្ទាយមានជ័យ ៖ អគ្គិភ័យបានឆាបផ្ទះ១ខ្នងអស់ទាំងស្រុង ដែលធ្វើពីឈើលើថ្មក្រោម កាលពីយប់រំលងអធ្រាត្រ ឈានចូលថ្ងៃទី២៩ ខែកញ្ញា ឆ្នាំ២០២៤ ស្ថិតភូមិថ្មគោល ឃុំផ្គាំ ស្រុកស្វាយចេក ខេត្តបន្ទាយមានជ័យ ។
លោកវរសេនីយ៍ឯក ជា ឈ្លូញ អធិការនគរបាលស្រុកស្វាយចេកបានប្រាប់ថា ម្ចាស់ផ្ទះរងគ្រោះឈ្មោះ មើត មឿន ភេទប្រុស អាយុ៤៤ឆ្នាំ និងប្រពន្ធឈ្មោះ ណាំ នួន អាយុ៤២ឆ្នាំ រស់នៅភូមិខាងលើ។
លោកបានបញ្ជាក់ថា ក្រោយទទួលព័ត៌មានបានដឹងមានអគ្គិភ័យបានឆាបឆេះផ្ទះប្រជាពលរដ្ឋទាំងកណ្តាលយប់កម្លាំងអធិការដ្ឋាននគរបាលស្រុកស្វាយចេកបានចុះជួយអន្តរាគមន៍មានរថយន្តពន្លត់អគ្គីភ័យ១គ្រឿងបានបាញ់ពន្លត់មិនរាលដាល់ផ្ទៈជិតខាងតែអគ្គីភ័យបានឆាបឆេះផ្ទៈនិងសម្ភារៈអស់ស្ទើទាំងស្រុង។
លោកវរៈសេនីយ៍ឯក ជា ឈ្លូញ បានបញ្ជាក់ថា អគ្គិភ័យដែលឆាបឆេះគឺបង្កដោយឆ្លងចរន្តអគ្គីសនីដែលឆាបឆេះផ្ទៈផ្នែកខាងលើហើយម្ចាស់ផ្ទៈដេកខាងក្រោមទើបបង្កអោយមានការឆាបឆេះឡើងជួយអន្តរាគមន៍ មានកម្លាំងនគរបាល កម្លាំងកងរាជអាវុធហត្ថ កម្លាំងយោធាតំបន់ប្រតិបត្តិការសឹករងស្រុករួម ជាមួយប្រជាពលរដ្ឋដែលប្រើប្រាស់រថយន្តពន្លត់អគ្គីភ័យ១គ្រឿងរបស់អធិការដ្ឋាននគស្រុកស្វាយចេកដែលប្រើប្រាស់ទឹកអស់ចំនួន២ឡានទើបបាញ់រលត់ទាំងស្រុង។
អគ្គិភ័យឆាបឆេះមានរងការខូចខាតមានផ្ទៈ១ខ្នងទំហំ៩ម៉ែត្រកន្លៈនិងបណ្តោយ១២ម៉ែត្រនិងសម្ភារៈ-មានសៀវភៅគ្រួសារ អត្តសញ្ញាណប័ណ្ណ សំបុត្រកំណើតនិង ម៉ូតូម៉ាកហុងដាទ្រីម០១ គ្រឿងរងខូចខាតទាំងស្រុង ទូរស័ព្ទដៃ០២គ្រឿង លុយបាត៣០០០បាត ទូរទឹកកកចំ១ម៉ូទ័រកិនម្សៅនំបញ្ចុក០២គ្រឿង ទូបោកខោអាវ០១គ្រឿង អង្ករចំនួន១០ការ៉ុង និងសម្ភារមួយចំនួនទៀត៕
ចែករំលែកព័តមាននេះ