ADផ្ទាំងផ្សព្វផ្សាយពាណិជ្ជកម្ម

ដឹងមូលហេតុហើយ! ករណីអគ្គីភ័យឆេះផ្ទះនៅគីឡូម៉ែត្រលេខ៩ អស់ចំនួន៨ខ្នង

2 ខែ មុន

ភ្នំពេញ
២៩ ខែ កញ្ញា ឆ្នាំ ២០២៤ ម៉ោង ១៦:០០

រាជធានីភ្នំពេញ ៖ ផ្ទះរបស់ពលរដ្ឋអ៊ិស្លាមរស់តាមដងទន្លេសាបនៅគីឡូម៉ែត្រលេខ៩ចំនួន៨ខ្នងត្រូវបានអគ្គិភ័យយ៉ាងសន្ធោសន្ធៅបណ្តាលអោយ២ខ្នងបានរងការខូចខាតទាំងស្រុងនិង៦ខ្នងទៀតអស់ប្រមាណ៣០ភាគរយ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១២ថ្ងៃត្រង់ថ្ងៃទី២៩ខែកញ្ញាឆ្នាំ២០២៤នៅតាមផ្លូវជាតិលេខ៥ មុខវិហារអ៊ិស្លាមគីឡូម៉ែត្រលេខ៩ក្នុងភូមិទី១ សង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ ។ តាមព័ត៌មានឱ្យដឹងថា…

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១២ថ្ងៃត្រង់ថ្ងៃទី២៩ខែកញ្ញាឆ្នាំ២០២៤នៅតាមផ្លូវជាតិលេខ៥ មុខវិហារអ៊ិស្លាមគីឡូម៉ែត្រលេខ៩ក្នុងភូមិទី១ សង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ ។

តាមព័ត៌មានឱ្យដឹងថា នៅមុនពេលកើតហេតុគេឃើញភ្លើងបានឆាប់ឆេះពីផ្ទះផ្ទះដែកប្រក់ស័ង្កសីមួយខ្នងរបស់ពលរដ្ឋអ៊ិស្លាមដែលត្រូវទឹកទន្លេជនយ៉ាងសន្ធោសន្ធៅផ្សែងហុយខ្មួលខ្មាញ់ហើយបានឆេះរាលដាល់ទៅផ្ទះនៅជាប់នោះយ៉ាងរហ័ស។ភ្លាមៗបង្កឲ្យមានការភ្ញាក់ផ្អើលយ៉ាងខ្លាំងដល់ប្រជាពលរដ្ឋខ្មែរឥស្លាមដែលរស់នៅតំបន់នោះដើម្បីជួយដងទឹកពន្លត់។អាជ្ញាធរនិងសមត្ថកិច្ចមូលដ្ឋានក៏បានទាក់ទងរថយន្តពន្លត់អគ្គិភ័យនិងកប៉ាល់នគរបាលជើងទឹក មកអន្តរាគមន៍បាញ់
ពន្លត់។ដោយសារតែតំបន់នោះបងប្អូនពលរដ្ឋសង់ផ្ទះជាប់គ្នាមានផ្លូវតូចចង្អៀតនិងម្យ៉ាងទៀតផ្ទះត្រូវទឹកលិចរថយន្តពុំអាចចូលទៅដល់ឡើយគឺតទុយោបាញ់ពន្លត់។ទោះបីជាយ៉ាងណាភ្លើងពុំបានឆេះរាលដាល់ធ្ងន់ធរឡើយ។

តាមនគរបាលការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថានៅក្នុងហេតុការណ៍នេះរថយន្តពន្លត់អគ្គីភ័យចំនួន៥ គ្រឿងនិងកាណូតអគ្គីភ័យទៅអន្តរាគមន៍ចំនួន ៣ គ្រឿងហើយភ្លើងបានរលត់ទៅវិញនៅវេលាម៉ោង១និង៣០នាទីរសៀល។

តាមនគរបាលការិយាល័យបង្ការពន្លត់អគ្គីភ័យនិងសង្គ្រោះបានឲ្យដឹងទៀតថា នៅក្នុងហេតុការណ៍នេះបណ្តាលអោយផ្ទះចំនួន២ខ្នងងបានរងការខូចខាតទាំងស្រុងក្នុងនោះ
១ខ្នង.ជាផ្ទះដើមភ្លើងមានទំហំ៥ម៉ែត្រគុណ៧ម៉ែត្រ ដែលមានម្ចាស់ឈ្មោះហ្វាទី ម៉ាស់ ភេទស្រីអាយុ៦១ ឆ្នាំ ជនជាតិ ឥស្លាមមុខរបរ: លក់ដូនិងមួយខ្នងទៀតម្ចាស់ឈ្មោះកូប សុះ ភេទប្រុសអាយុ ៧៣ឆ្នាំ ជនជាតិ ឥស្លាមនិងចំនួន៦ខ្នងទៀតត្រូវគ្រឿងឆេះអស់ប្រមាណជា៣០ភាគរយ។នៅក្នុងហេតុការណ៍នេះបណ្តាលអោយក្រុមពន្លត់អគ្គិភ័យកាណូតម្នាក់ឈ្មោះ ស្មាស់ ការីម ភេទប្រុស អាយុ៤៧ ឆ្នាំបានរងរបួស។

តាមនគរបាលឲ្យដឹងទៀតថាអគ្គិភ័យនេះបណ្ដាលមកពីឆ្លងចរន្តអគ្គិសនី៕