ADផ្ទាំងផ្សព្វផ្សាយពាណិជ្ជកម្ម

កម្ពុជាគ្រោងនឹងនាំអង្ករចេញទៅកាន់ទីផ្សារអន្តរជាតិនៅក្នុងឆ្នាំ២០៣០ខាងមុខនេះ

15 ម៉ោង មុន

កំពង់ស្ពឺ
២៦ ខែ កញ្ញា ឆ្នាំ ២០២៤ ម៉ោង ១៤:៤២

ខេត្តកំពង់ស្ពឺ ៖ ប្រទេសកម្ពុជាគ្រោងនាំអង្ករចេញទៅកាន់ទីផ្សារអន្តរជាតិប្រមាណ៣០លានតោនក្នុងឆ្នាំ២០៣០ខាងមុខនេះ ។ ជាមួយគ្នានោះ ក៏មានសមាគមអំបោះសូត្រ-សមាគមស្វាយចន្ទី-សមាគមស្រូវអង្ករកម្ពុជា-សមាគមស្វាយកែវរមៀត និងសមាគមផ្សេងៗជាច្រើនទៀតដែលបាននឹងកំពុងរៀបចំធ្វើផែនការឱ្យសមាគមក្នុងការដាំដុះ និងនាំផលិតផលសម្រេចទៅរកទីផ្សារអន្តរជាតិ។ មានប្រសាសន៍បែបនេះ គ្រាដែលឯកឧត្តម…

មានប្រសាសន៍បែបនេះ គ្រាដែលឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញចូលរួមជាអធិបតីក្នុងកិច្ចប្រជុំផ្សព្វផ្សាយស្ដីពីការត្រៀមរៀបចំការបោះឆ្នោតជ្រើសរើសថ្នាក់ដឹកនាំសមាគមស្វាយកំពង់ស្ពឺ ពិធីនេះ ប្រារព្ធធ្វើនៅសាលប្រជុំរបស់មន្ទីរពាណិជ្ជកម្មខេត្តកំពង់ស្ពឺ ថ្ងៃទី២៥ ខែកញ្ញា ឆ្នាំ២០២៤នេះ ដោយមានការចូលរួមពីអភិបាលរងខេត្ត អស់លោក លោកស្រី ប្រធាន អនុប្រធានមន្ទីរ អង្គភាពជុំវិញខេត្ត ដែលជាមន្ត្រីជំនាញផលិតកម្មស្វាយ អ្នកលក់ធាតុចូល ផ្គត់ផ្គង់ ថែទាំ ទីផ្សារ ជំនាញចរចាទីផ្សារទាំងសាធារណៈ និងវិស័យឯកជនសរុបជាង១០០នាក់ ។

ឯកឧត្តមរដ្ឋលេខាធិការក្រសួងពាណិជ្ជកម្មមានប្រសាសន៍បន្តថា នៅពេលដ៏ខ្លីខាងមុខនេះ សហគមន៍ត្រូវចូលរួមបង្កើតឲ្យមានសហព័ន្ធស្វាយកែវរមៀត ដូច្នេះ ការបង្កើតឲ្យមានគោលនយោបាយ និងទស្សនៈដូច្នេះធ្វើឡើងដើម្បីអ្វី? ការគិតប្រមើលមើល តើយើងចង់បានអ្វី? គឺចង់ឱ្យពិភពលោកទទួលស្គាល់កម្ពុជា ជាអ្នកនាំចេញស្វាយកែវរមៀតឈានមុខគេ។ ចង់ឱ្យប្រជា
កសិករទទួលបានប្រាក់ចំណូល ឲ្យសមស្របទៅនឹងការខិតខំប្រឹងប្រែង តាមការវិនិយោគរបស់ពួកគាត់ ប្រកបដោយសីលធម៌ ។ ចង់ឱ្យបងប្អូនទាំងអ្នកដាំ បានទទួលផលចំណេញ អ្នកប្រមូលទិញ និងអ្នកកែច្នៃ នាំចេញបានផលចំណេញដូចគ្នា។

កម្ពុជាមានម្រេច មានស្វាយកែវរមៀត ជាមុខទំនិញកំពុងប្រកួតប្រជែងនៅទីផ្សារអន្តរជាតិ ដូច្នេះកសិករត្រូវពង្រីកផ្ទៃដី បង្កើនទិន្នផលឲ្យបានខ្ពស់ ឬធ្វើយ៉ាងណាដើម្បីតម្រូវការតាមទីផ្សារ ពីស្វាយស្រស់ទៅស្វាយស្ងួត ដើម្បីបានតម្លៃខ្ពស់។ ការនាំចេញត្រូវសិក្សាលម្អិតតាមទីផ្សារនីមួយៗ អង្គរកម្ពុជាបានវាយលុកបានយ៉ាងខ្លាំងខ្លា នូវទីផ្សារអន្តរជាតិ ហើយស្វាយកែវមៀតក៏ធ្វើដូច្នោះដែរ គឺទាំងសោភ័ណភាពការវេចខ្ចប់ ព្រមទាំងដាក់ឈ្មោះប្រទេសរបស់ខ្លួនឲ្យបានច្បាស់លាស់ជៀសវាងផលិតផលកម្ពុជា ហើយក្រោយពេលវេចខ្ចប់គេដាក់និមិត្តសញ្ញាទៅជាប្រទេសផ្សេងទៅវិញ លើកកម្ពស់ជីវភាពសន្តិសុខប្រាក់ចំណូលរបស់ប្រជាកសិករ គឺការអភិវឌ្ឍន៍ប្រទេសជាតិ។

ឯកឧត្តមរដ្ឋលេខាធិការបានបញ្ជាក់ថា បច្ចុប្បន្ននេះ ក្រសួងពាណិជ្ជកម្ម បានយកចិត្តទុកដាក់ខ្លាំង ទៅលើកសិកម្មទំនើប សហគមន៍ទំនើប ឬក៏សហព័ន្ធទំនើប។ សមាគម គឺជាអង្គការមួយតំណាងឲ្យបងប្អូន ជាសមាជិក ហើយមិនរកប្រាក់ចំណេញទេ ប៉ុន្តែសមាជិករកស៊ី គឺគិតពីការរកស៊ីចំណេញ និងខាត មិនខុសពីសភាពពាណិជ្ជកម្ម និងសមាជិកសភា ។

សមាជិកសមាគម នៅតាមបណ្ដាខេត្ត ត្រូវបោះឆ្នោតជ្រើសរើសសហព័ន្ធ ដើម្បីចូលរួមកិច្ចប្រជុំជាមួយប្រមុខដឹកនាំ ក្នុងការចង់ដឹងពីផលលំបាកក្នុងវិស័យស្វាយកែវរមៀត ដើម្បីឲ្យរាជរដ្ឋាភិបាលជួយដោះស្រាយ ដូច្នេះការចូលរួមរបស់បងប្អូន គឺជាកិច្ចការមួយដ៏សំខាន់ ដើម្បីពាំនាំនូវទុក្ខលំបាកទាំងអស់នោះទៅដល់ប្រមុខរាជរដ្ឋាភិបាល។ ដូច្នេះវិស័យឯកជនជាវិស័យមួយដែលមិនអាចខ្វះបានក្នុងការចូលរួមអភិវឌ្ឍន៍សមាគមដាំដុះ ទាំងការនាំចេញ និងតម្លៃផងដែរ៕