រាជធានីភ្នំពេញ ៖ មន្ត្រីជំនាញបានអះអាងថា ថ្ងៃទី២៦ ខែកញ្ញានេះ កម្ពស់ទឹកទន្លេចតុមុខ៩.០៨ម៉ែត្រ ចំណុចដែលត្រូវប្រុងប្រយ័ត្ន១០.៥០ម៉ែត្រ ដែលជំនន់ទឹកទន្លេនេះមិនអាចគំរា.មកំហែ.ងដល់រាជធានីភ្នំពេញបានទេ ពីព្រោះរាជធានីភ្នំពេញមានទំនប់ការពារ ណាមួយទឹកទន្លេផ្នែកខាងលើ…
រាជធានីភ្នំពេញ ៖ មន្ត្រីជំនាញបានអះអាងថា ថ្ងៃទី២៦ ខែកញ្ញានេះ កម្ពស់ទឹកទន្លេចតុមុខ៩.០៨ម៉ែត្រ ចំណុចដែលត្រូវប្រុងប្រយ័ត្ន១០.៥០ម៉ែត្រ ដែលជំនន់ទឹកទន្លេនេះមិនអាចគំរា.មកំហែ.ងដល់រាជធានីភ្នំពេញបានទេ ពីព្រោះរាជធានីភ្នំពេញមានទំនប់ការពារ ណាមួយទឹកទន្លេផ្នែកខាងលើ ដូចជា កំពង់ចាម ជាដើម បានស្រកចុះជាបណ្តើរៗហើយ ហើយរាជធានីភ្នំពេញកម្ពស់ទឹកអាចឡើងមួយថ្ងៃទៀតនឹងស្រកទៅវិញដែរ ។
លោក ម៉ៅ ប៊ុនធឿន ប្រធានមន្ទីរធនធានទឹក និងឧតុនិយមរាជធានីភ្នំពេញបានឱ្យដឹងថា សម្រាប់ថ្ងៃទី២៦ ខែកញ្ញា ឆ្នាំ២០២៤នេះ កម្ពស់ទឹកទន្លេបាសាក់ចតុមុខ នៅរាជធានីភ្នំពេញ៩.០៨ម៉ែត្រ នៅមិនទាន់ដល់ចំណុចប្រុងប្រយ័ត្នទេ ហើយចំណុចដែលត្រូវប្រុងប្រយ័ត្នមានកម្ពស់១០.៥០ម៉ែត្រ ។
លោកបន្តថា ចំពោះស្ថានភាពទឹកស្ទឹង គឺទឹកស្ទឹងរលាំងជ្រៃមានកម្ពស់៧.២៧ម៉ែត្រ ស្រកចុះ០.០៥ម៉ែត្រចំណុចដែលត្រូវប្រុងប្រយ័ត្ន៧.៨០ម៉ែត្រ ស្ទឹង៧មករា មានកម្ពស់៨.២០ម៉ែត្រ ស្រកចុះ០.៧០ម៉ែត្រ ចំណុចដែលត្រូវប្រុងប្រយ័ត្នកម្ពស់១២ម៉ែត្រ ។
លោក ម៉ៅ ប៊ុនធឿន បានឱ្យដឹងទៀតថា ចំណែកកម្រិតទឹកភ្លៀង នៅគួរស្រូវមានកម្ពស់៦.២មីលីម៉ែត្រ ចោមចៅ៣មីលីម៉ែត្រ ទួលសង្កែ៣៤មីលីម៉ែត្រ ចតុមុខ៣.៤មីលីម៉ែត្រ ។
លោក ម៉ៅ ប៊ុនធឿន ប្រធានមន្ទីរធនធានទឹក និងឧតុនិយម រាជធានីភ្នំពេញបានបញ្ជាក់ថា ចំពោះជំនន់ទឹកទន្លេមិនអាចបង្កការគំរា.មកំហែ.ងដល់រាជធានីភ្នំពេញបានទេ ពីព្រោះទឹកទន្លេផ្នែកខាងលើដូចជា កំពង់ចាម បានស្រកបណ្តើរៗហើយ ហើយភ្នំពេញកម្ពស់ទឹកអាចឡើង ថ្ងៃស្អែកមួយថ្ងៃទៀត នឹងស្រកទៅវិញដែរហើយ ។ ប៉ុន្តែទោះជាយ៉ាងណា ស្ថានភាពគ្រោះធម្មជាតិយើងមិនអាចសន្និដ្ឋានបានច្បាស់លាស់ដែរ ប៉ុន្តែយើងនឹងបន្តតាមដានដោយយកចិត្តទុកដាក់ជាបន្តទៀត ៕
ចែករំលែកព័តមាននេះ