ធាត់​ដុះ​ពោះ​លើស​ទម្ងន់​ក្នុង​វ័យ18ឆ្នាំប្រឈម​ជំ​ងឺ​មហារីក​ខ្ពស់


បណ្តា​អ្នក​វិទ្យា​សាស្ត្រ​បាន​ព្រមាន​ថា ការ​ធាត់​ដុះ​ពោះ​លើស​ទម្ងន់​ក្នុង​អាយុ​១៨​ឆ្នាំ​ អាច​បង្កើន​អត្រា​ស្លាប់​ដោយ​ជំ​ងឺ​មហារីក​នៅ​ពេល​ខាង​មុខ​ក្នុង​កម្រិត​ខ្ពស់​ ។
ការ​សិក្សា​ថ្មី​មួយ​បាននិយាយ​ថា បុរសដែល​លើសទម្ងន់​ឬក៏​ធាត់​ដុះ​ពោះ ​ស្ថិត​ក្នុង​វ័យ​ជំ​ទង់​(១៨​-១៩ឆ្នាំ)​៣៥%ប្រឈម​នឹង​ការ​ស្លាប់​ដោយ​ជំងឺ​មហារីក​។ បើ​ទោះ​ណា​គេ​ព្យាយាម​បញ្ចុះ​ទម្ងន់​ឱ្យមក​នៅ​ធម្មតា​វិញ​អំ​ឡុង​វ័យ​កណ្តាល​ក៏​ដោយ​ ក៏​ប៉ុន្តែ​អត្រា​ប្រឈម​ទ្វេដង​នៃជំ​ងឺ​មហារីក​មាន​ដូចជា​សួត ស្បែក តម្រង​នោម​ ក្រពេញ​ប្រូ​ស្តាត​នៅ​តែ​មាន​ជា​ដដែល​។

សូម​បញ្ជាក់​ថា ការ​សិក្សា​លើក​នេះគេ​ពិ​និត្យ​ទៅ​លើ​តែ​បុរស​ប៉ុណ្ណោះ​ ប៉ុន្តែ​ចំពោះ​ស្ត្រី​វិញ​ការ​ប្រឈម​ប្រហែល​ជា​មាន​ដូច​គ្នា​។
បណ្តា​អ្នក​ជំ​នាញ​អង់គ្លេសដែល​ជា​អ្នក​ដឹក​នាំ​ការ​សិក្សា​លើក​នេះទៅ​លើ​បុរស​ជិត​២០.០០០​​នាក់​​បាននិយាយ​ថា ការ​រក​ឃើញ​ទាំង​ឡាយ​សុទ្ធ​តែ​បាន​បង្ហាញ​អំពី​សារ​សំ​ខាន់​នៃ​ការ​ថែ​រក្សា​ទម្ងន់​ខ្លួន​ក្នុង​កម្រិត​មួយ​ដែល​មាន​សុខភាព​។ វេជ្ជ​បណ្ឌិត​លីនសេ ហ្គ្រេ អ្នក​ស្រាវ​ជ្រាវ​មក​ពី​​ក្រុម​​ប្រឹក្សា​ស្រាវ​ជ្រាវ​វេជ្ជ​សាស្ត្រ​(MRC)​បាននិ​​​​​យាយ​ថា​​ ​​​​​​​​​​​​​​​​​​​​​​​​​​​​​​​​​​​​​គឺជាលើកទី​១ហើយ​ដែល​ផល​ប៉ះ​​​ពាល់​​​លើ​ការធាត់​លើសទម្ងន់ក្នុងវ័យជំទង់​​​​​​​​​​​​​​​​​​​​​​​​​​​​​​​​​​​​ធ្វើ​ឱ្យ​​​កើតជំងឺមហារីកពេល​ក្រោយ​ ក្នុងជីវិត​​​ត្រូវ​បាន​គេ​ធ្វើ​ការ​ពិនិត្យ​យ៉ាង​ល្អិតល្អន់​។

លោកស្រី​វេជ្ជ​បណ្ឌិត​បាន​បន្ត​ថា​៖«វា​​ធ្វើ​ឱ្យ​មានការ​​ចាប់​អារម្ម​ណ៍​ជា​ខ្លាំង​ដែល​BMI(ប្រព័ន្ធ​វាស់​កម្ពស់​ឱ្យ​​ត្រូវ​គ្នា​នឹង​ទម្ងន់​ខ្លួន​)​ខ្ពស់នៅ​អាយុ​១៨​ឆ្នាំ​ នាំ​ទៅ​រក​អត្រា​ប្រឈម​ខ្ពស់ទៅ​នឹង​ជំ​ងឺ​មហារីក​ជាង​អ្នក​ដែល​មាន​BMIខ្ពស់​ក្នុង​វ័យ​កណ្តាល​។ នេះ​ជា​សារ​មួយ​ដែល​ច្បាស់​លាស់និង​ពិត​ប្រាកដ​។ រក្សា​ទម្ងន់​​ខ្លួន​របស់​អ្នកឱ្យ​នៅ​ធម្មតា ​ពិត​ជា​អាច​កាត់​បន្ថយ​​ឱកាស​នៃ​ការ​កើត​ជំ​ងឺ​មហារី​ក​ក្នុង​ថ្ងៃ​ខាង​មុខ​» ៕

Facebook Google Twitter Email

គួរ​យល់​ដឹង

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ