ខេត្តព្រះសីហនុ ៖ កាលពីវេលាម៉ោង០៣:៤០នាទីទៀបភ្លឺឈានចូលថ្ងៃទី២៤ ខែកញ្ញា ឆ្នាំ២០២៤ មានករណីចោរលួចកាត់ខ្សែភ្លើងបំភ្លឺតាមផ្លូវសាធារណៈ នៅចំណុចក្បែរសណ្ឋាគារឯករាជ្យ ស្ថិតនៅភូមិ១ សង្កាត់លេខ៣ ក្រុងព្រះសីហនុ…
ខេត្តព្រះសីហនុ ៖ កាលពីវេលាម៉ោង០៣:៤០នាទីទៀបភ្លឺឈានចូលថ្ងៃទី២៤ ខែកញ្ញា ឆ្នាំ២០២៤ មានករណីចោរលួចកាត់ខ្សែភ្លើងបំភ្លឺតាមផ្លូវសាធារណៈ នៅចំណុចក្បែរសណ្ឋាគារឯករាជ្យ ស្ថិតនៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ។
មន្ត្រីមូលដ្ឋានកងរាជអាវុធហត្ថក្រុងព្រះសីហនុបានឲ្យដឹងថា បន្ទាប់ពីទទួលបានព័ត៌មានខាងលើ កម្លាំងមូលដ្ឋានកងរាជអាវុធហត្ថក្រុងព្រះសីហនុ បានចុះស្រាវជ្រាវតាមជំនាញ និងកំណត់បានមុខសញ្ញាជនសង្ស័យប្រព្រឹត្តបទល្មើសមានគ្នាចំនួនពីរនាក់ ជិះម៉ូតូសណ្តោងរទេះមកធ្វើសកម្មភាពលួចកាត់យកខ្សែភ្លើងបំភ្លឺផ្លូវនៅចំណុចក្បែរកំពង់ផែស្វយ័តក្រុងព្រះសីហនុ ស្ថិតនៅភូមិ៣ សង្កាត់លេខ៣ ក្រុងព្រះសីហនុ។ បន្ទាប់ពីកម្លាំងសមត្ថកិច្ចមូលដ្ឋានកងរាជអាវុធហត្ថក្រុងព្រះសីហនុ បើកការស៊ើបអង្កេតស្រាវជ្រាវតាមសេចក្តីរាយការណ៍ក៍កំណត់បានមុខសញ្ញានិងឈានដល់ឃាត់ខ្លួនបាន។
ជនសង្ស័យទី១.ឈ្មោះ ថន ម៉ាប់ ភេទប្រុស អាយុ ១៧ឆ្នាំ ជនជាតិខ្មែរ មុខរបររើសអេតចាយ ទីលំនៅបច្ចុប្បន្ន ក្រុម៣៦ ភូមិ៣ សង្កាត់លេខ១ ក្រុងព្រះសីហនុ។
២/.ឈ្មោះ លឹម ឈិន ភេទប្រុស អាយុ ៣១ឆ្នាំ ជនជាតិខ្មែរ មុខរបររើសអេតចាយ ទីលំនៅបច្ចុប្បន្ន ក្រុម៣៦ ភូមិ៣ សង្កាត់លេខ១ ក្រុងព្រះសីហនុ។
ជនសង្ស័យទាំងពីរ បានឆ្លើយសារភាពថា ខ្លួនពិតជាបានរួមគ្នាធ្វើសកម្មភាព លួចកាត់ខ្សែភ្លើងបំភ្លឺតាមផ្លូវសាធារណៈ នៅចំណុចក្បែរសណ្ឋាគារឯករាជ្យ ស្ថិតនៅភូមិ១ សង្កាត់លេខ៣ ក្រុង/ខេត្តព្រះសីហនុ កាលពីថ្ងៃទី២៣ ខែកញ្ញា ឆ្នាំ ២០២៤ ពិតប្រាកដមែន។
ក្នុងនោះវត្ថុតាងចាប់យកបានរួមមាន៖ ម៉ូតូចំនួន១គ្រឿង ម៉ាក់ Honda scoopy ពណ៌ខ្មៅលាយទឹកប្រាក់ ពាក់ផ្លាកលេខ ភ្នំពេញ1BC- 5811 , រទេះអូស ចំនួន ១គ្រឿង, អំពូលសូឡា ចំនួន ១, កាំបិត ចំនួន ២ដើម, ពូថៅ ចំនួន ១ដើម, ទូរស័ព្ទដៃ ចំនួន ១គ្រឿង, ផ្លែរណាអាដែក ចំនួន ២ដើម និង៨ទួរនឺវីស ចំនួន ៣ដើម សោរមាត់ និងសោរខ្វែង ចំនួន ៦ដើម។
បច្ចុប្បន្ន ជនសង្ស័យទាំងពីរនាក់ខាងលើ រួម និងវត្ថុតាងត្រូវបានបញ្ចូនទៅការិយាល័យព្រហ្មទណ្ឌអាវុធហត្ថខេត្តដើម្បីចាត់ការតាមនីតិវិធី ៕
ចែករំលែកព័តមាននេះ