រាជធានីភ្នំពេញ ៖ ដោយអនុវត្តតាមបទបញ្ជាពីឯកឧត្តម ឧត្តម សេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងសមត្តកិច្ចនគរបាលការិយាល័យជំនាញព្រហ្មទណ្ឌកម្រិតធ្ងន់រាជាធានីភ្នំពេញ…
រាជធានីភ្នំពេញ ៖ ដោយអនុវត្តតាមបទបញ្ជាពីឯកឧត្តម ឧត្តម សេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងសមត្តកិច្ចនគរបាលការិយាល័យជំនាញព្រហ្មទណ្ឌកម្រិតធ្ងន់រាជាធានីភ្នំពេញ ដឹកនាំដោយលោកវរៈសេនី យ៍ឯក អេង សោភា នាយការការិល័យ ក្រោមការសហការជាមួយនគរបាខណ្ឌទាំង១៤ បានធ្វើការស្រាវជ្រាវ នឹងឃាត់ខ្លួនជនសង្ស័ យជាមុខសញ្ញាលួចម៉ូត និងកង់ចំនួន២ នាក់ ។
ជនសង្ស័យម្នាក់ឈ្មោះ វ៉ន ឌី ភេទប្រុស អាយុ១៩ ឆ្នាំ មុខរបរ នឹងស្នាក់នៅមិនពិតប្រាកដ ។ នឹងម្នាក់ឈ្មោះ រិទ្ធ ណារ៉ុង ភេទប្រុស អាយុ២៩ ឆ្នាំ មុខរបរ នឹងស្នាក់នៅមិនពិតប្រាកដដូចគ្នា ។
លោកវរៈសេនីយ៍ឯក អេង សោភា បានឲ្យដឹងថា កាលពីថ្ងៃទី១៨ ខែកញ្ញា ឆ្នាំ២០២៤ វេលាម៉ោងប្រហែល១ និង ៤០នាទី រំលងអាធ្រាត្រ នៅចំណុចផ្ទះលេខ៥៦E1 ផ្លូវលេខ១៤៦ ក្រុមទី៣៥ ភូមិ១១ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ មានករណីអំពើលួច (លួចម៉ូតូចំនួន៣គ្រឿង និងកង់១គ្រឿង) បង្កឡើងដោយជនសង្ស័យមិនស្គាល់អត្តសញ្ញាណ បានធ្វើសក ម្មភាពលួចយកម៉ូតូចំនួន៣គ្រឿង និងកង់ ១គ្រឿង ដែលចតទុកនៅផ្លូវឡើងកាំជណ្តើររួចគេចខ្លួនបាត់ ។
ក្រោយកើតហេតុកម្លាំងសមត្តកិច្ចការិយាល័យនគរបាលព្រហ្មទណ្ឌកម្រិតធ្ងន់រាជធានីភ្នំពេញ ថ្ងៃទី១៩ ខែកញ្ញា ឆ្នាំ២០២៤ បានស្រាវជ្រាវនឹងឃាត់ខ្លួនជនសង្ស័យ២ នាក់ ដូនមានឈ្មោះខាងលើនេះ ។
នៅពេលឃាត់ ខ្លួនជនសង្ស័យ សមត្តកិច្ចបានធ្វើការដកហូតវត្ថុតាងរួមមាន ៖
-ម៉ូតូ១ គ្រឿង ម៉ាក HONDA PCX ពណ៌ខ្មៅ ស៊េរី២០១៣ គ្មានស្លាកលេខ (ជាម៉ូតូរបស់ជនរងគ្រោះ)
-ម៉ូតូ១ គ្រឿង ម៉ាក Suzuki Smash ពណ៌ក្រហម គ្មានស្លាកលេខ (ជាមធ្យោបាយជិះធ្វើសកម្មភាព)
-ម៉ូតូសណ្តោងរឺម៉ក១ គ្រឿង ម៉ាក HONDA DREAM C125 ពណ៌ខ្មៅ ស៊េរី២០១៤ គ្មានស្លាកលេខ (ជាមធ្យោបាយជិះប្រព្រឹត្តិបទល្មើស) ។
បន្ទាប់ពីឃាត់ខ្លួនជនសង្ស័យ និងវត្តុតាងត្រូវបានសមត្តកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ