ក្បួនប្រតិភូជិត២០០នាក់ មកទស្សនាកម្សាន្តតាមរមណីយដ្ឋានសំខាន់ៗក្នុងខេត្តមណ្ឌលគិរី
- មណ្ឌលគិរី
ខេត្តមណ្ឌលគិរី ៖ ក្បួនប្រតិភូជិត២០០នាក់ ក្រោមការដឹកនាំដោយឯកឧត្តមបណ្ឌិត ជីវ កេង ប្រធានតុលាការកំពូល និងលោកជំទាវ ជា លាង…
ខេត្តមណ្ឌលគិរី ៖ ក្បួនប្រតិភូជិត២០០នាក់ ក្រោមការដឹកនាំដោយឯកឧត្តមបណ្ឌិត ជីវ កេង ប្រធានតុលាការកំពូល និងលោកជំទាវ ជា លាង អគ្គព្រះរាជអាជ្ញានៃមហាអយ្យការអមតុលាការកំពូល មានការចូលរួមពី សមាជិក សមាជិកាឧត្តមក្រុមប្រឹក្សានៃអង្គចៅក្រម អនុប្រធានតុលាការកំពូល អគ្គព្រះរាជអាជ្ញារងនៃមហាអយ្យការអមតុលាការកំពូល បានចុះទស្សនកិច្ចតាមខ្សែបន្ទាត់ព្រំដែនកម្ពុជា-វៀតណាម ក្នុងភូមិសាស្ត្រស្រុកកែវសីមា ខេត្តមណ្ឌលគិរី នារសៀលថ្ងៃទី២០ ខែកញ្ញា និងបន្តទស្សនាតាមរមណីយដ្ឋានសំខាន់ៗក្នុងខេត្តមណ្ឌលគិរី នៅព្រឹកថ្ងៃទី២១ ខែកញ្ញា ឆ្នាំ២០២៤ ។
ដំណើរទស្សនកិច្ចរបស់ប្រតិភូថ្នាក់ដឹកនាំនៃស្ថាប័នតុលាការកំពូល និងមហាអយ្យការអមតុលាការកំពូលខាងលើនេះ បានក្លាយជាទឡ្ហីករណ៍រស់ដ៏សំខាន់បញ្ជាក់ពីភាពច្បាស់លាស់ប្រាកដប្រជា និងឆន្ទៈមុះមុតរបស់រាជរដ្ឋាភិបាលកម្ពុជាក្នុងការបន្តបេសកកម្មការពារអធិបតេយ្យភាព បូរណភាពទឹកដី និងបន្តធានាសុខសន្តិភាព និងស្ថិរភាពសង្គមសម្រាប់ជាប្រយោជន៍ដល់ជាតិ និងប្រជាជនកម្ពុជាទាំងអស់។
ដំណើរទស្សនកិច្ចនេះក៏បានបង្កើតនូវរូបភាពវិជ្ជមានមួយបន្ថែមទៀត សម្រាប់ជាតិកម្ពុជាទាំងមូល និងដើម្បីបង្ហាញដល់សកលលោកឱ្យបានដឹងថា កម្ពុជាមានសាមគ្គីភាពរឹងមាំជាធ្លុងមួយក្នុងភាពជាម្ចាស់ប្រទេស ដោយមិនអនុញ្ញាតឱ្យបាត់បង់ទឹកដីសូម្បីមួយមីលីម៉ែត្រសោះឡើយ ។ ហើយប្រជាជនកម្ពុជានឹងបន្តរួមកំលាំងសាមគ្គីគ្នា ដើម្បីចូលរួមជាមួយរាជរដ្ឋាភិបាលក្នុងសកម្មភាពអភិវឌ្ឍនានា ព្រមទាំងចូលរួមប្រឆាំងព័ត៌មានក្លែងក្លាយ និងបំផ្លាញចោលរាល់ការបំភ្លៃការពិតពីសំណាក់ក្រុមជ្រុលនិយមក្រៅច្បាប់មួយក្តាប់តូច ដើម្បីរួមចំណែកថែរក្សាស្ថិរភាពក្នុងសង្គម និងចូលរួមក្នុងសកម្មភាពដើម្បីកំណើនសេដ្ឋកិច្ច។
គេសង្កេតឃើញថា នៅរង្វង់មូលគោព្រៃនាថ្ងៃសៅរ៍ចុងសប្តាហ៍នេះ មានភ្ញៀវទេសចរភ្លូកទឹកភ្លូកដី និងក្បួនរថយន្តរាប់រយគ្រឿង បានចរាចរណ៍តាមដងផ្លូវយ៉ាងកុះករ ដើម្បីទស្សនាកម្សាន្តតាមទីរមណីយដ្ឋាននានាក្នុងខេត្តមណ្ឌលគិរី ។
ជាងនេះទៅទៀត កងកម្លាំងសមត្ថកិច្ចក៏ត្រូវបានដាក់ពង្រាយតាមគោលដៅសំខាន់ៗ ដើម្បីជួយសម្រួលការធ្វើដំណើរ និងការពារសុវត្ថិភាពរបស់ប្រជាពលរដ្ឋ ភ្ញៀវទេសចរជាតិ-អន្តរជាតិផង
ដែរ៕
ចែករំលែកព័តមាននេះ