ខេត្តបន្ទាយមានជ័យ ៖ បុរសម្នាក់ទៅរាស់ដើមស្រូវត្រូវបានពស់ស្រកាចាស់ចឹក ហើយបានបញ្ជូនឱ្យគ្រូខ្មែរជួយមើល តែជាអកុសលមិនអាចជួយបាន ក៏បញ្ជូនបន្តទៅមន្ទីរពេទ្យ ក៏ត្រូវលោកពេទ្យថា បានស្លាប់បាត់ទៅហើយ ហើយត្រូវសាច់ញាតិដឹកសពមកផ្ទៈធ្វើបុណ្យតាមប្រពៃណី នៅថ្ងៃទី១៨…
ខេត្តបន្ទាយមានជ័យ ៖ បុរសម្នាក់ទៅរាស់ដើមស្រូវត្រូវបានពស់ស្រកាចាស់ចឹក ហើយបានបញ្ជូនឱ្យគ្រូខ្មែរជួយមើល តែជាអកុសលមិនអាចជួយបាន ក៏បញ្ជូនបន្តទៅមន្ទីរពេទ្យ ក៏ត្រូវលោកពេទ្យថា បានស្លាប់បាត់ទៅហើយ ហើយត្រូវសាច់ញាតិដឹកសពមកផ្ទៈធ្វើបុណ្យតាមប្រពៃណី នៅថ្ងៃទី១៨ ខែកញ្ញា ឆ្នាំ២០២៤ ស្ថិតនៅភូមិថ្នល់ដាច់ ឃុំស្រុក ស្រុកថ្មពួក ខេត្តបន្ទាយមានជ័យ ។
បើតាមលោកលីវ សុគុណ មេឃុំថ្មពួកបានប្រាប់ថា ជនរងគ្រោះដែលស្លាប់ មានឈ្មោះ ម៉ាក់ ដឿម ភេទប្រុស អាយុ៤៥ឆ្នាំ (មុខរបរធ្វើស្រែ) រស់នៅភូមិកើតហេតុខាងលើ ។លោកបានបញ្ជាក់ទៀតថា ជនរងគ្រោះឈ្មោះ ម៉ាក់ ដឿម បានយកគោយន្តកន្ត្រៃដឹកប្រពន្ធទៅស្រែ ដើម្បីរាស់ដើមស្រូវនៅខាងកើតភូមិប្រមាណ៥ទៅ៦គីឡូម៉ែត្រ ។
នៅពេលដែលរាស់ដើមស្រូវស្រាប់តែពស់ស្រកាចាស់ខាំជើង ហើយប្រពន្ធបានដឹកមកផ្ទះវិញនាំទៅអោយគ្រូខ្មែរ ក្នុងភូមិស្តោះផ្លុំរយៈពេល១ម៉ោងអាការៈកាន់តែធ្ងន់ធ្ងរ ត្រូវបានដឹកបន្តទៅមន្ទីពេទ្យបង្អែកស្រុកថ្មពួកពិនិត្យ ហើយប្រាប់ថា ជនរងគ្រោះបានស្លាប់ហើយ ព្រោះពិសពស់ចូលជ្រាបពេញខ្លួន ។
លោកមេឃុំលីវ សុគុណ បានបញ្ជាក់ថា នេះជាសារផ្តាំផ្ញើដល់បងប្អូនប្រជាពលរដ្ឋ ត្រូវមានការប្រុងប្រយ័ត្ន ព្រោះនេះជារដូវវស្សាទឹកលិចលង់ សត្វអសិរពិសច្រើនណាស់ ហើយត្រូវឆាប់បញ្ជូនមកមន្ទីរពេទ្យភ្លាមៗ កុំឱ្យហួសពេលដូចករណីខាងលើ ។
ចែករំលែកព័តមាននេះ