ជួយសង្គ្រោះពលរដ្ឋដែលរងគ្រោះដោយជំនន់ទឹកភ្លៀង ស្ថិតនៅភូមិ១ និងភូមិ២ ឃុំអូរត្រេះ ស្រុកស្ទឹងហាវ
- ព្រះសីហនុ
ខេត្តព្រះសីហនុ ៖ នៅវេលាម៉ោង៦ព្រឹក ថ្ងៃទី១៧ ខែកញ្ញា ឆ្នាំ២០២៤ ឯកឧត្តម ម៉ាង ស៊ីណេត អភិបាលខេត្តព្រះសីហនុ…
ខេត្តព្រះសីហនុ ៖ នៅវេលាម៉ោង៦ព្រឹក ថ្ងៃទី១៧ ខែកញ្ញា ឆ្នាំ២០២៤ ឯកឧត្តម ម៉ាង ស៊ីណេត អភិបាលខេត្តព្រះសីហនុ និងសហការគ្នាបានដឹកនាំកម្លាំងចុះជួយប្រជាពលរដ្ឋចំនួន៥១គ្រួសារ ស្ថិតក្នុងភូមិ១ និងភូមិ២ ក្នុងឃុំអូរត្រេះ ស្រុកស្ទឹងហាវ ខេត្តព្រះសីហនុ
ដែលរងគ្រោះដោយជំនន់ទឹកភ្លៀងវា.យប្រហារ នាយប់រំលងអាធ្រាត ឈានចូលថ្ងៃទី១៧ ខែកញ្ញា ឆ្នាំ២០២៤ បណ្តាលជន់លិចលំនៅដ្ឋានរបស់ពួកគាត់អស់ និងជួបការលំបាកក្នុងការធ្វើដំណើរឆ្លងកាត់មកកាន់ទីទួល ឬភូមិដ្ឋានដែលមានសុវត្ថិភាពជាបណ្តោះអាសន្ន។
នៅក្នុងកិច្ចការជួយសង្គ្រោះកម្លាំងគណៈបញ្ជាការឯកភាពខេត្ត ដែលដឹកនាំដោយ ឯកឧត្តម ម៉ាង ស៊ីណេត អភិបាលខេត្តព្រះព្រះសីហនុ បានប្រើប្រាស់ ដូចជា អាវពោងចែកជូនប្រជាពលរដ្ឋ ទូក អូប័រ ខ្នាតមធ្យមសម្រាប់ដឹកជញ្ជូនបងប្អូនប្រជាពលរដ្ឋ និងសម្ភារៈប្រើប្រាស់ផ្សេង មកកាន់ទីតាំដែលមានសុវត្ថិភាពជាបណ្តោះអាសន្ន រង់ចាំទឹកជំនន់ស្រកចុះទៅវិញ ទើបជូនដំណើរពួកគាត់ឲ្យវិលត្រឡប់ទៅកាន់លំនៅដ្ឋានរៀងៗខ្លួនវិញ ។
តាមរបាយការណ៍សមត្ថកិច្ចមូលដ្ឋានបានបញ្ជាក់ឲ្យដឹងថា គិតត្រឹមម៉ោង១២និង០០នាទី នាថ្ងៃ១៧ ខែកញ្ញានេះ ក្រុមការងារគណៈបញ្ជាការឯកភាពស្រុក ខេត្តបានជួយសង្គ្រោះប្រជាពលរដ្ឋដែលរងគ្រោះទាំងអស់ ស្ថិតនៅទីតាំងនោះ មកលើទីតាំងមានសុវត្ថិភាពអស់ហើយ ម្យ៉ាងវិញទៀតមិនមានប្រជាពលរដ្ឋណារងគ្រោះដល់អាយុជីវិតនោះទេ ៕
ចែករំលែកព័តមាននេះ