យុទ្ធនាការផ្សព្វផ្សាយទីផ្សារស្រាបៀរ និងគ្រឿងស្រវឹងនៅកម្ពុជា នៅតែគគ្រឹកគគ្រេង ទោះបីជាមកដល់ពេលនេះ ក្រសួងព័ត៌មានបានចេញលិខិតជាបន្តបន្ទាប់ ពាក់ព័ន្ធនឹងការណែនាំកុំឲ្យផ្សព្វផ្សាយអោយទាញមនុស្សឲ្យទទួលទានស្រាបៀរដោយប្រើរង្វាន់ជាត្រីមុខក៏ដោយចុះ ។ នៅលើបណ្តាញផ្សព្វផ្សាយផ្លូវការនានាហាក់គោរពគោលការណ៍នេះបានល្អ ប៉ុន្តែនៅលើបណ្តាញសង្គម កំពុងតែផុលផុសខ្លាំងនូវកម្មវិធីផ្សព្វផ្សាយរឿងផឹកស្រាបៀរបានលុយរង្វាន់ផ្សេងៗ…
យុទ្ធនាការផ្សព្វផ្សាយទីផ្សារស្រាបៀរ និងគ្រឿងស្រវឹងនៅកម្ពុជា នៅតែគគ្រឹកគគ្រេង ទោះបីជាមកដល់ពេលនេះ ក្រសួងព័ត៌មានបានចេញលិខិតជាបន្តបន្ទាប់ ពាក់ព័ន្ធនឹងការណែនាំកុំឲ្យផ្សព្វផ្សាយអោយទាញមនុស្សឲ្យទទួលទានស្រាបៀរដោយប្រើរង្វាន់ជាត្រីមុខក៏ដោយចុះ ។
នៅលើបណ្តាញផ្សព្វផ្សាយផ្លូវការនានាហាក់គោរពគោលការណ៍នេះបានល្អ ប៉ុន្តែនៅលើបណ្តាញសង្គម កំពុងតែផុលផុសខ្លាំងនូវកម្មវិធីផ្សព្វផ្សាយរឿងផឹកស្រាបៀរបានលុយរង្វាន់ផ្សេងៗ ។ បងប្អូនអ្នកទទួលទានស្រាបៀរ និងគ្រឿងស្រវឹងទាំងឡាយ សូមរិះគិតឡើងវិញ ប្រសិនបើបងប្អូនគិតតែនាំគ្នាផឹកព្រោះតែរង្វាន់កុំអីល្អជាង ប៉ុន្តែប្រសិនបើផឹក ដើម្បីការជួបជុំម្តងម្កាល នៅក្នុងកម្រិតមួយដែលអាច គ្រប់គ្រងបានហើយ មិនរំលោ.ភច្បាប់ចរាចរណ៍ នោះវា គឺជារឿងមួយផ្សេង ។
សូមកុំយកអាយុជីវិតប្រថុយនឹងរង្វាន់ ប្រសិនបើបងប្អូននាំគ្នាផឹកទៅបានរង្វាន់ក្រុមហ៊ុនផលិតស្រាបៀរ នោះបានលុយពីណាយកមកឲ្យបងប្អូន ។ ក្រុមហ៊ុនគេចែកលុយប៉ុណ្ណេះ គេសង្ឃឹមថា បានលុយរាប់សិប លានដុល្លារពីការផឹករបស់បងប្អូន រាល់ថ្ងៃនេះ ។
តាមការសិក្សារបស់ក្រុមហ៊ុនជប៉ុនមួយ ដែលមានឈ្មោះថា គីរីន (Kirin) ហើយដែលត្រូវបានសារព័ត៌មានមួយចំនួនបានចុះផ្សាយកន្លង បានឲ្យដឹងថា ប្រជាពលរដ្ឋកម្ពុជាយើងជាមធ្យមម្នាក់ទទួលស្រាបៀរប្រហែលជា៧២លីត្រ នៅក្នុង១ឆ្នាំស្មើនឹង២១៨កំប៉ុង ដែលមានចំណុះ៣៣០ មីលីលីត្រ ។
បងប្អូនកុំយកជីវិត និងសុខភាពទៅប្រថុយចង់បានរង្វាន់ក្រែងលោកអ្នកធ្លាក់ខ្លួនមានជំងឺរ៉ាំរ៉ៃហើយស្លា.ប់មុនបានរង្វាន់ពីព្រោះនៅក្នុងមួយឆ្នាំៗ អង្គការសុខភាពពិភពលោកបានព្រមានហើយថា ជាតិអាល់កុល ឬភេសជ្ជៈមានជាតិអេតាណុល ពោល គឺសារធាតុស្រវឹងបានសម្លា.ប់មនុស្សលើសពី២,៦ លាននាក់ ។ ក្នុងចំណោមនោះ អ្នកស្លា.ប់ទាំងនោះមានលើសពី១,៦លាននាក់ មកពីជំងឺមិនឆ្លង៧សែននាក់បានស្លា.ប់ដោយសាររបួស និង៣សែននាក់បានស្លា.ប់ដោយសារជំងឺឆ្លងផ្សេងៗនៅក្នុងអំឡុងពេលផឹក ។
ប្រភពដដែលបានឲ្យដឹងថា ការទទួលទានគ្រឿងស្រវឹង សូម្បីតែក្នុងកម្រិតទាបក៏ដោយក៏វាអាចនាំមកនូវហានិភ័យដល់សុខភាព ប៉ុន្តែគ្រោះថ្នាក់ដែលទាក់ទងនឹងគ្រឿងស្រវឹង ភាគច្រើនកើតចេញពីការទទួលទានគ្រឿងស្រវឹង ជាបន្តបន្ទាប់បន្តិចម្តងៗនេះឯង ។
ការប្រើប្រាស់គ្រឿងស្រវឹង ត្រូវបានគេរកឃើញថា មានតួនាទីបង្កជាជំងឺរបួស និងបញ្ហាសុខភាពផ្សេងៗទៀតជាង២00 ប្រភេទ ។ ការទទួលទានគ្រឿងស្រវឹង ត្រូវបានគេផ្សារភ្ជាប់ជាមួយនឹងហានិភ័យនៃការវិវត្តទៅជាជំងឺមិនឆ្លងដូចជា ជំងឺថ្លើម ជំងឺបេះដូង និងប្រភេទផ្សេងៗនៃជំងឺមហារីកក៏ដូចជា សុខភាពផ្លូវចិត្ត និងស្ថានភាពអាកប្បកិរិយាដូចជា ជំងឺធ្លាក់ទឹកចិត្ត ការថប់បារម្ភ និងការញៀ.ន ។
ដូច្នេះ ការផឹកគ្រឿងស្រវឹងជោគជាំ គឺប្រៀបដូចជា ការនាំទុក្ខ និងជំងឺមកដាក់ខ្លួនអ៊ីចឹង ក្រៅពីការចំណាយលុយកាក់ទៅលើគ្រឿងស្រវឹង ។ សាកគិតទៅមើល បើសិនជាផឹកបានរង្វាន់គ្រប់គ្នានោះ អ្នកផឹកទាំងអស់បានក្លាយជាអ្នកមានបាត់ទៅហើយ ។ ប៉ុន្តែតាមបទពិសោធន៍ជាក់ស្តែង អ្នកផឹកមិនបានក្លាយជាអ្នកមានលុយទេ ប៉ុន្តែអ្នកផឹកបានជំងឺយកមកដាក់ខ្លួនសឹងគ្រប់គ្នា ។
អ្នកផឹកជាច្រើនបាននាំគ្នាស្តាយខ្លួននៅពេលដែលពួកគេកាន់តែចាស់ទៅហើយ ជំងឺកាន់តែធ្ងន់ធ្ងរ ។ ដូច្នេះចូរយើងទាំងអស់គ្នាឈប់គិតទៅថា ផឹកនឹងបានលុយឬរង្វាន់ ។ ប៉ុន្តែចងចាំ ជានិច្ចថា ផឹកច្រើនជំងឺច្រើនវិញ ៕
ចែករំលែកព័តមាននេះ