ខេត្តបន្ទាយមានជ័យ ៖ កាលពីព្រឹកថ្ងៃ ទី១៥ មិថុនា សមត្ថកិច្ចចម្រុះរួមមានសាខាកាំកុងត្រូល ប៉ូលិសប្រឆាំងបទល្មើសសេដ្ឋកិច្ច និងមន្ត្រីពាណិជ្ជកម្មខេត្តបានត្រួតពិនិត្យម្ហូបអាហារ និងភេសជ្ជៈហួសកាលបរិច្ឆេទនៅផ្សារគុត្តសត ស្ថិតក្នុងឃុំកូប ស្រុកអូរជ្រៅ ។ លោកវរសេនីយ៍ត្រីចាប សុផាប្ញទ្ធិ នាយការិយាល័យប្រឆាំងបទល្មើសសេដ្ឋកិច្ចឱ្យដឹងថា
ខេត្តបន្ទាយមានជ័យ ៖ កាលពីព្រឹកថ្ងៃ ទី១៥ មិថុនា សមត្ថកិច្ចចម្រុះរួមមានសាខាកាំកុងត្រូល ប៉ូលិសប្រឆាំងបទល្មើសសេដ្ឋកិច្ច និងមន្ត្រីពាណិជ្ជកម្មខេត្តបានត្រួតពិនិត្យម្ហូបអាហារ និងភេសជ្ជៈហួសកាលបរិច្ឆេទនៅផ្សារគុត្តសត ស្ថិតក្នុងឃុំកូប ស្រុកអូរជ្រៅ ។
លោកវរសេនីយ៍ត្រីចាប សុផាប្ញទ្ធិ នាយការិយាល័យប្រឆាំងបទល្មើសសេដ្ឋកិច្ចឱ្យដឹងថា ដើម្បីធានាបានសុខុមាលភាពរបស់អ្នកប្រើប្រាស់គ្រឿងឧបភោគ បរិភោគ និងភេសជ្ជៈ ទាំងឡាយដែលហួសកំណត់កាលបរិច្ឆេទ និង គ្មានកាលបរិច្ឆេទត្រឹមត្រូវ កម្លាំងសមត្ថកិច្ចចម្រុះរួមមានមន្ត្រីសាខាកាំកុងត្រូល ប៉ូលិសប្រឆាំងបទល្មើសសេដ្ឋកិច្ច និងមន្ត្រីពាណិជ្ជកម្មខេត្តបន្ទាយមានជ័យសហការត្រួតពិនិត្យនៅតាមហាងលក់ទំនិញ និងឃ្លាំងស្តុកដែលសង្ស័យថា មានលក់ទំនិញហួសកាលបរិច្ឆេទប្រើប្រាស់ និងហាមឃាត់នៅក្នុងផ្សារគុត្តសត ដែលស្ថិតក្នុងភូមិយាងថ្មី ឃុំកូប ស្រុកអូរជ្រៅ ខេត្តបន្ទាយមានជ័យ ។
ប្រតិបត្តិការនេះសមត្ថកិច្ចចម្រុះរកឃើញទំនិញហួសកាលបរិច្ឆេទប្រើប្រាស់ និងទំនិញហាមឃាត់១៥មុខ ក្នុងនោះ១-ទឹកក្រូចចំនួន១២០ដប , ២-ទឹកបរិសុទ្ធ ណាមធីប ១២០ដប, ៣-ទឹកក្រូចឡត២៥កញ្ចប់,៤-ចាហួយដូង១០កញ្ចប់, ៥-ទឹកខ្មេះ៩ដប ៦-កម្ទេចមី១៦៩កញ្ចប់, ៧-ទឹកសៃលីយ៉ា ៦កំប៉ុង,៨-ឡេលាបស្បែក១ដប , ៩-ម្សៅទឹកដោះគោក្មេង (Dumex) ១កំប៉ុង, ១០-ទឹកតែអូអិឈិ ២៤០ដប,១១-អំបិលម៉ដ្ឋចំនួន៤០០ដប, ១២-សំបកថង់ប្លាស្ទិក ១ការុង, ១៣-ឧបករណ៍អ៊ុតភ្ជិតមាត់ថង់១គ្រឿង,១៤-ជញ្ជីងថ្លឹងតូចមិនប្រក្រតី១គ្រឿង, ១៥-ប្រេងឆា៥៤គីឡូក្រាម ។
លោកសាន វិជ្ជាសារ៉ាវុធ មន្ត្រីសាខាកាំកុងត្រូលប្រចាំខេត្តបន្ទាយមានជ័យបានអប់រំណែនាំដល់អាជីវករអ្នកលក់ដូរទាំងអស់មុននឹងទិញទំនិញចូលយកមកលក់ដូរត្រូវពិនិត្យពីកាលបរិច្ឆេទឱ្យបានច្បាស់ ចៀសវាងការទិញដោយប្រថុយប្រថាន ប្រសិនបើទំនិញនោះហួសកាលបរិច្ឆេទ និងទំនិញដែលច្បាប់ហាមលក់មិនត្រូវដាក់តាំងលក់ គឺត្រូវយកទៅបោះចោល ឬកំទេចចោល ព្រោះកាលណាអ្នកទិញយកទៅប្រើប្រាស់ និងបរិភោគអាចនាំឱ្យខូចសុខភាព។ ជាមួយគ្នានេះលោកសាន វិជ្ជាសារ៉ាវុធ បានណែនាំផ្សព្វផ្សាយដល់ប្រជាពលរដ្ឋទាំងអស់ត្រូវប្រុងប្រយ័ត្នមុននឹងទិញទំនិញយកទៅបរិភោគ សូមពិនិត្យកាលបរិច្ឆេទឱ្យបានត្រឹមត្រូវជាមុនសិន ៕
ចែករំលែកព័តមាននេះ