ខេត្តត្បូងឃ្មុំ ៖ បុគ្គលិកធនាគារឯកជនមួយរូបបានស្លាប់ភ្លាមៗ នៅក្នុងហេតុការណ៍គ្រោះថ្នាក់ចរាចរណ៍ដ៏រន្ធត់នៅលើផ្លូវជាតិលេខ៧ រវាងរថយន្តធំនិងរថយន្តកាម៉ារីបាឡែន។ ហេតុការណ៍នេះបានកើតឡើងនៅវេលាម៉ោង១០និង៣៤នាទីថ្ងៃទី៨ កញ្ញា ឆ្នាំ២០២៤ ត្រង់ចំណុចចន្លោះបង្គោលគីឡូម៉ែត្រលេច១៧៧/១៧៨ ស្ថិតនៅភូមិទួលអង្គ្រង…
ខេត្តត្បូងឃ្មុំ ៖ បុគ្គលិកធនាគារឯកជនមួយរូបបានស្លាប់ភ្លាមៗ នៅក្នុងហេតុការណ៍គ្រោះថ្នាក់ចរាចរណ៍ដ៏រន្ធត់នៅលើផ្លូវជាតិលេខ៧ រវាងរថយន្តធំនិងរថយន្តកាម៉ារីបាឡែន។ ហេតុការណ៍នេះបានកើតឡើងនៅវេលាម៉ោង១០និង៣៤នាទីថ្ងៃទី៨ កញ្ញា ឆ្នាំ២០២៤ ត្រង់ចំណុចចន្លោះបង្គោលគីឡូម៉ែត្រលេច១៧៧/១៧៨ ស្ថិតនៅភូមិទួលអង្គ្រង ឃុំក្រែក ស្រុកពញាក្រែក
បន្ទាប់ពីហេតុការណ៍នេះកើតឡើង ត្រូវបានកម្លាំងជំនាញចរាចរណ៍ចុះទៅអន្តរាគមន៍ជាបន្ទាន់។
លោកវរសេនីយ៍ទោប៉ុយ ដាវី អធិការរងនគរបាលផែនសណ្ដាប់ធ្នាប់បានរៀបរាប់ឲ្យដឹងថាគ្រោះថ្នាក់ចរាចរណ៍ខាងលើនេះបានកើតឡើងរវាងរថយន្តនិងរថយន្តរថយន្តកាម៉ារី(បាឡែន) ពណ៌ស ពាក់ផ្លាកលេខ ស្វាយរៀង 2A-3998 បើកបរដោយឈ្មោះ ទុំ សុខហេង ភេទស្រី អាយុ៣៦ឆ្នាំ មានទីលំនៅភូមិជីពាង ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ (ស្លាប់នៅនឹងកន្លែងកើតហេតុ)។បង្កជាមួយរថយន្តម៉ាកហ៊ីយ៉ាន់ដាយ (V1) ពណ៌ស ពាក់ផ្លាកលេខ កំពង់ចាម 3B:0073 សណ្ដោងស៊ឺមីរ៉ម៉ក ពណ៌ខៀវ ពាក់ផ្លាកលេខ កំពង់ចាម 4A:0945 បើកបរដោយឈ្មោះ សុឺន ពិសិដ្ឋ ភេទប្រុស អាយុ១៨ឆ្នាំ ជាតិខ្មែរ មានទីលំនៅភូមិស្រយង់ជើង ឃុំស្រយង់ ស្រុកគូលែន ខេត្តព្រះវិហារ (គ្មានរបួស) ។
ប្រភពដដែលបន្តឲ្យដឹងទៀតថាក្រោយទទួលបទបញ្ជាពីលោកឧត្តមសេនីយ៍ស្នងការនគរបាលខេត្តក៏ដូចជាស្នងការរងទទួលផែនសណ្ដាប់ធ្នាប់ បានឱ្យកម្លាំងជំនាញចុះមកត្រួតពិនិត្យនៅកន្លែងកើតហេតុឃើញថា ទិសដៅបើកបរ: បញ្ច្រាសទិសគ្នា រថយន្តម៉ាកកាម៉ារី(បាឡែន) បើកបរពីលិចទៅកើត លុះមកដល់ចំណុចចុះទួលដែលជាកន្លែងកើតហេតុបានជ្រុលចង្កូតចូលទៅចំណែកផ្លូវម្ខាងទៀត បុកជាមួយរថយន្តម៉ាកហ៊ីយ៉ានដាយ(V1) ដែលបើកបរត្រង់ពីកើតទៅលិចពេញទំហឹង ហើយធ្លាក់ទៅខាងស្ដាំនៃផ្លូវតែម្ដង ។ការខូចខាត: រថយន្ត០២គ្រឿង កម្រិតធ្ងន់ ។
មូលហេតុ: ប្រើប្រាស់ល្បឿន។ក្រោយពីកម្លាំងជំនាញបានធ្វើការវាស់វែងរួចរាល់ សពប្រគល់ជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី។រីឯវត្ថុតាងរថយន្តទាំង០២គ្រឿង ជំនាញបានយកមករក្សាទុកនៅអធិការដ្ឋាននគរបាលស្រុកពញាក្រែក ។ យោងតាមការឯកភាពរបស់លោក គង់ រតនា ព្រះរាជអាជ្ញារង នៃអយ្យការអមសាលាដំបូងខេត្តត្បូងឃ្មុំ សម្រេចអោយសមត្ថិកិច្ចយើងឃាត់ខ្លួនអ្នកបើកបររថយន្តខាងលើ ដើម្បីបំពេញសំណុំរឿងចាត់ការតាមនិតិវិធី។
សមត្ថកិច្ចមួយរូបបានបង្ហើបថាអ្នកស្លាប់បើករថយន្ត camry បាឡែនគឺជាបុគ្គលិកធនាគារឯកជនមួយក្នុងខេត្តត្បូងឃ្មុំ ៕
ចែករំលែកព័តមាននេះ