បន្ទាយមានជ័យ ៖ ជនសង្ស័យម្នាក់ប្រើល្បិចដើរលក់មាន់ចូលលួចទូរស័ព្ទក្នុងតូបលក់អីវ៉ាន់ ដែលកំពុងសាកថ្ម ត្រូវបានសមត្ថកិច្ចចាប់ខ្លួនបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៤ ខែកញ្ញា ឆ្នាំ២០២៤ ។ លោកវរៈសេនីយ៍ទោ…
បន្ទាយមានជ័យ ៖ ជនសង្ស័យម្នាក់ប្រើល្បិចដើរលក់មាន់ចូលលួចទូរស័ព្ទក្នុងតូបលក់អីវ៉ាន់ ដែលកំពុងសាកថ្ម ត្រូវបានសមត្ថកិច្ចចាប់ខ្លួនបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៤ ខែកញ្ញា ឆ្នាំ២០២៤ ។
លោកវរៈសេនីយ៍ទោ ឌី ទាវ អធិការនគរបាលស្រុកមង្គលបូរីបានប្រាប់ថា ៖ ជនសង្ស័យដែលត្រូវបានឃាត់ខ្លួនមានឈ្មោះ វ៉ាន់ សុភក្ត្រា ហៅគា ភេទប្រុស អាយុ១៩ឆ្នាំ រស់នៅភូមិសូភី សង្កាត់កំពង់ស្វាយ ក្រុងសិរីសោភ័ណ ។
លោកបានបញ្ជាក់ថា ៖ កាលពីវេលាម៉ោង៧និង៣០នាទីព្រឹក ថ្ងៃទី០៣ ខែកញ្ញា ឆ្នាំ២០២៤ នៅចំណុចផ្សារតាយ៉ាវស្ថិតភូមិហ្លួង ឃុំឫស្សីក្រោក ស្រុកមង្គលបូរី មានជនសង្ស័យម្នាក់ បានប្រើល្បិចដើរលក់មាន់រស់ក្នុងដោយអំពាវនាវលក់ទិញមាន់ទេ ក្នុងផ្សារដើរទៅមកនៅម្ចាស់តូបរវល់លក់អីវ៉ាន់សាកទូរស័ព្ទដៃម៉ាក់អូប៉ូ១គ្រឿងលើតុ ត្រូវបានជនសង្ស័យឈ្លាតឱកាសចូលលួចទូរស័ព្ទ ម្ចាស់ស្រែកឆោឡោឡើង រួចក៏ប្តឹងកម្លាំងអធិការដ្ឋាននគរបាលស្រុកមង្គលបូរីចុះអន្តរាគមន៍ឃាត់បានភ្លាមៗយកបានទូរស័ព្ទមកវិញ ។
លោកវេៈសេនីយ៍ទោ ឌី ទាវ បានបញ្ជាក់ថា ៖ ក្រោយឃាត់ខ្លួនជនសង្ស័យយកបានទូរស័ព្ទមកវិញប្រគល់ជូនម្ចាស់ ហើយជនសង្ស័យនាំយកមកសាកសួរតាមចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីអនុវត្តន៍តាមច្បាប់ ៕
ចែករំលែកព័តមាននេះ