ប្រទេសបារាំង ៖ ចិន គឺជាប្រទេសដំបូងគេ ដែលដណ្តើមបានមេដាយទី១០០ នៅក្នុងការប្រកួតព្រឹត្តិការណ៍កីឡាប៉ារ៉ាឡាំពិករដូវក្តៅទីក្រុងប៉ារីស ឆ្នាំ ២០២៤។ ដោយគិតត្រឹមព្រឹកថ្ងៃទី៤ ខែកញ្ញា…
ប្រទេសបារាំង ៖ ចិន គឺជាប្រទេសដំបូងគេ ដែលដណ្តើមបានមេដាយទី១០០ នៅក្នុងការប្រកួតព្រឹត្តិការណ៍កីឡាប៉ារ៉ាឡាំពិករដូវក្តៅទីក្រុងប៉ារីស ឆ្នាំ ២០២៤។ ដោយគិតត្រឹមព្រឹកថ្ងៃទី៤ ខែកញ្ញា ឆ្នាំ២០២៤ ប្រទេសចិន បានឈ្នះមេដាយសរុបចំនួន ១១៥គ្រឿង តាមពីក្រោយដោយចក្រភពអង់គ្លេស ដែលឈ្នះមេដាយសរុបចំនួន ៦១គ្រឿង។
គិតត្រឹមបញ្ចប់ការប្រកួតថ្ងៃទី៨ នៃព្រឹត្តិការណ៍កីឡាប៉ារ៉ាឡាំពិកក្រុងប៉ារីស ឆ្នាំ ២០២៤ ប្រទេសចិនដណ្តើមបានមេដាយសរុបចំនួន ១១៥គ្រឿង មាស ៥៣គ្រឿង ប្រាក់ ៤០គ្រឿង និងសំរឹទ្ធ ២២គ្រឿង។ តាមពីក្រោយដោយចក្រភពអង់គ្លេស ដែលឈ្នះមេដាយសរុបចំនួន ៦១គ្រឿង មាស ៣០គ្រឿង ប្រាក់ ១៨គ្រឿង និងសំរឹទ្ធ ១៣គ្រឿង។
សហរដ្ឋអាមេរិកឈរនៅលេខរៀងទី៣ ក្រោយឈ្នះមេដាយសរុបចំនួន ៥៣គ្រឿង មាស ២០គ្រឿង ប្រាក់ ២២គ្រឿង និងសំរឹទ្ធ ១១គ្រឿង។ ប្រេស៊ីលឈ្នះសរុប ៤៨គ្រឿង មាស ១៤គ្រឿង ប្រាក់ ១១គ្រឿង និងសំរឹទ្ធ ២០គ្រឿង។ ចំណែកម្ចាស់ផ្ទះបារាំង ដែលឈរនៅលេខរៀងទី៥ ឈ្នះមេដាយសរុប ៣៨គ្រឿង មាស ១១គ្រឿង ប្រាក់ ១២គ្រឿង និងសំរឹទ្ធ ១៥គ្រឿង។
ដោយឡេក ប្រទេសមកពីតំបន់អាស៊ីអាគ្នេយ៍វិញ ប្រទេសថៃឈរនៅលើគេ និងទី១៦ នៅតារាងមេដាយបណ្តោះអាសន្ន ដោយឈ្នះមេដាយសរុបចំនួន ១៤គ្រឿង មាស ៤គ្រឿង ប្រាក់ ៤គ្រឿង និងសំរឹទ្ធ ៦គ្រឿង។ តាមពីក្រោយដោយប្រទេសសិង្ហបុរីឈ្នះសរុប ៣គ្រឿង មាស ២គ្រឿង និងប្រាក់ ១គ្រឿង។ ឥណ្ឌូណេស៊ីឈ្នះសរុប ១២គ្រឿង មាស ១គ្រឿង ប្រាក់ ៦គ្រឿង និងសំរឹទ្ធ ៥គ្រឿង និងម៉ាឡេស៊ីឈ្នះសរុប ៣គ្រឿង ១គ្រឿងៗលើគ្រប់ប្រភេទមេដាយ ។
គួរបញ្ជាក់ថា ព្រឹត្តិការណ៍កីឡាប៉ារ៉ាឡាំពិកទីក្រុងប៉ារីស ឆ្នាំ ២០២៤ ធ្វើពិធីបើកកាលពីថ្ងៃទី២៨ ខែសីហា និងដំណើរការរហូតដល់ថ្ងៃទី៨ ខែកញ្ញា ដែលជាថ្ងៃពិធីបិទ៕ (ប្រភព ៖ Paralympic International Committee)
ចែករំលែកព័តមាននេះ