បន្ទាយមានជ័យ ៖ ភ្ញៀវជាតិ និងអន្តរជាតិ ដែលចេញចូលតាមច្រកទ្វារអន្តរជាតិប៉ោយប៉ែត១ថ្ងៃ មានប្រមាណជាង៤ម៉ឺននាក់ នៅថ្ងៃទី២៩ ខែសីហា ឆ្នាំ២០២៤ នៅក្រុងប៉ោយប៉ែត…
បន្ទាយមានជ័យ ៖ ភ្ញៀវជាតិ និងអន្តរជាតិ ដែលចេញចូលតាមច្រកទ្វារអន្តរជាតិប៉ោយប៉ែត១ថ្ងៃ មានប្រមាណជាង៤ម៉ឺននាក់ នៅថ្ងៃទី២៩ ខែសីហា ឆ្នាំ២០២៤ នៅក្រុងប៉ោយប៉ែត ។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថា ៖ ភ្ញៀវជាតិ និងអន្តរជាតិដែលចេញចូលតាមច្រកទ្វារអន្តរជាតិប៉ោយប៉ែតរយៈពេល១ថ្ងៃ មានចំនួន៤០.៨៩៨នាក់ ស្រី១៨.៩២៩នាក់ ក្នុងនោះមានភ្ញៀវបរទេសចំនួន១៧.៣៩៧នាក់ ស្រី៧.៩១២នាក់ ។
លោកបានបញ្ជាក់ថា ៖ ដោយឡែកភ្ញៀវជាតិ និងអន្តរជាតិ ដែលចូលមកកម្ពុជាមានចំនួន១៩.៩៥១នាក់ ស្រី៩.៥០២នាក់ និងភ្ញៀវបរទេស មានចំនួន៨.៧១៣នាក់ ស្រី៣.៩៦១នាក់ និងភ្ញៀវដែលចេញទៅប្រទេសថៃ មានចំនួន២០.៩៦៧នាក់ ស្រី៩.៤២៧នាក់ និងភ្ញៀវបរទេសចំនួន៨.៦៨៤នាក់ ស្រី៣.៩៥១នាក់ ។
លោក វ៉ាន់ ដារ៉ាន់ បានបញ្ជាក់ថា ៖ ភ្ញៀវដែលចូលមកលេងកាស៊ីណូក្រុងប៉ោយប៉ែត មានចំនួន៨.០៩៣នាក់ ស្រី៣.៧៥៨នាក់ និងភ្ញៀវដែលលេងកាស៊ីណូ ហើយត្រឡប់ចេញទៅប្រទេសថៃវិញ មានចំនួន៨.០៦០នាក់ ស្រី៣.៩៦២នាក់ និងពលរដ្ឋខ្មែរដែលចូលមកកម្ពុជា១១.២៣៨នាក់ ស្រី៥.៥៤១នាក់ ពលរដ្ឋខ្មែរចេញទៅប្រទេសថៃមានចំនួន១២.២៨៣នាក់ ស្រី៥.៤៧៦នាក់ ៕
ចែករំលែកព័តមាននេះ