ខេត្តបន្ទាយមានជ័យ ៖ ប្រមូលផលស្រូវស្រាលដំបូងឆ្នាំ២០២៤តំលៃទាបជាងឆ្នាំ២០២៣រហូតដល់ថ្ងៃទី២៧ ខែសីហា ឆ្នាំ២០២៤ នៅស្រុកភ្នំស្រុក។ ប្រជាកសិករបានប្រាប់ថា មានតែស្រុកភ្នំស្រុកទេដែលប្រជាកសិករដែលបង្កបង្កើនផលស្រូវស្រាលប្រមូលផលមុនគេ ក្រោយរួចបុណ្យចូលឆ្នាំថ្មី ប្រជាកសិករបានចាប់ផ្តើមបង្កបង្កើនផើលស្រូវស្រាល…
ខេត្តបន្ទាយមានជ័យ ៖ ប្រមូលផលស្រូវស្រាលដំបូងឆ្នាំ២០២៤តំលៃទាបជាងឆ្នាំ២០២៣រហូតដល់ថ្ងៃទី២៧ ខែសីហា ឆ្នាំ២០២៤ នៅស្រុកភ្នំស្រុក។
ប្រជាកសិករបានប្រាប់ថា មានតែស្រុកភ្នំស្រុកទេដែលប្រជាកសិករដែលបង្កបង្កើនផលស្រូវស្រាលប្រមូលផលមុនគេ ក្រោយរួចបុណ្យចូលឆ្នាំថ្មី ប្រជាកសិករបានចាប់ផ្តើមបង្កបង្កើនផើលស្រូវស្រាល ឬស្រូវមិនប្រកាន់រដូវ មានដូចជាស្រូវអ៊ីអ៊ារយៈពេលជិត៣ខែប្រមូលផល និងស្រូវស្រង៉ែរយៈពេលជិត៣ខែជាងប្រមូលផល និងស្រូវសែនក្រអូបរយៈពេលជិត៤ខែប្រមូលផល ខណៈពេលរំពឹងទឹងអាងត្រពាំងថ្ម ស្រុកភ្នំស្រុក សម្រាប់ផ្គត់ផ្គង់កសិកម្មធ្វើស្រែ។
ប្រជាកសិករបានបញ្ជាក់ថា រហូតដល់ខែសីហា ឆ្នាំ២០២៤នេះ នៅស្រុកភ្នំស្រុកត្រូវបានប្រជាកសិករបានចាប់ផ្តើមប្រមូលផលស្រូវប្រភេទស្រូវអ៊ីអ៊ា៥៤និង៥១ចាប់ផ្តើមប្រមូលផលនៅពាក់កណ្តាលខែសីហារហូតដល់ពេលនេះស្រូវប្រភេទអ៊ីអ៊ាឈ្មួញទិញ១តោនតំលៃ៨០ម៉ឺនរៀលទៅ៩០ម៉ឺនរៀល បើប្រៀបធៀបកាលពីឆ្នាំ២០២៣កន្លងទៅ ស្រូវអ៊ីអ៊ា១តោនតំលៃ១លានមួយសែនរៀលទៅ១លាន២សែនរៀលគឺតំលៃខ្ពស់ជាងឆ្នាំនេះ។
លោក ប៉ុក ឡៃជី ប្រធានមន្ទីពាណិជ្ជកម្មខេត្តបន្ទាយមានជ័យបានប្រាប់ថា នៅឆ្នាំ២០២៤នេះប្រជាកសិករដែលប្រមូលផលស្រូវមុនគេមានតែស្រុកភ្នំស្រុកទេដែលប្រមូលផលនៅពាក់កណ្តាលខែសីហា រហូតដល់ពេលនេះដែលប្រមូលផលប្រភេទស្រូវអ៊ីអ៊ាមាន៥៤និង៥១ដែលជាស្រូវស្រាលមិនប្រកាន់រដូវដែលឈ្មួញទិញដាក់តាមរោងម៉ាស៊ីនក្នុង១តោនជាមធ្យោមតំលៃ១លានរៀល បើប្រៀបធៀបឆ្នាំ២០២៣តំលៃស្រូវអ៊ីអ៊ែរប្រភេទស្រូវស្រាល១លានប្រាំម៉ឺនរៀលទៅ១លាន៧ម៉ឺនរៀលគឺតំលៃខ្ពស់ជាងឆ្នាំមុនបើតំលៃស្រូវសែនក្រអូបដែលទើបប្រមូលបានខ្លៈឈ្មួញទិញ១តោនតំលៃ១.២០០.០០០រៀលទៅ១.៣០០.០០០រៀល បើប្រៀបធៀបឆ្នាំមុនតំលៃប្រហាក់ប្រហែលគ្នាឆ្នាំនេះ ៕
ចែករំលែកព័តមាននេះ