ខេត្តបន្ទាយមានជ័យ ៖ បុរសម្នាក់ត្រូវពស់ស្រកាចាស់ចឹក បណ្តាលឱ្យស្លាប់បាត់បង់ជីវិត កាលពីវេលាម៉ោងប្រហែល១១និង៣០នាទីយប់ថ្ងៃទី២៤ ខែសីហា ឆ្នាំ២០២៤ ខណៈពេលដើរចាប់កណ្តូបនៅចំណុចវាលស្រែខាងត្បូងភូមិទ័ពរសៀម ឃុំស្លក្រាម ស្រុកស្វាយចេក…
ខេត្តបន្ទាយមានជ័យ ៖ បុរសម្នាក់ត្រូវពស់ស្រកាចាស់ចឹក បណ្តាលឱ្យស្លាប់បាត់បង់ជីវិត កាលពីវេលាម៉ោងប្រហែល១១និង៣០នាទីយប់ថ្ងៃទី២៤ ខែសីហា ឆ្នាំ២០២៤ ខណៈពេលដើរចាប់កណ្តូបនៅចំណុចវាលស្រែខាងត្បូងភូមិទ័ពរសៀម ឃុំស្លក្រាម ស្រុកស្វាយចេក ខេត្តបន្ទាយមានជ័យ ។
នគរបាលស្រុកស្វាយចេកបានឲ្យដឹងថា ជនរងគ្រោះឈ្មោះ ដា រស់ ភេទប្រុស អាយុ២៩ឆ្នាំ រស់នៅភូមិកាប់ចោរ ឃុំភូមិថ្មី ស្រុកថ្មពួក ខេត្តបន្ទាយមានជ័យ ។
នគរបាលបានបញ្ជាក់ថា តាមការបំភ្លឺរបស់ឈ្មោះ មួយ ម៉ង់ ភេទប្រុស អាយុ៣២ ឆ្នាំ រស់នៅភូមិកាប់ចោរ ឃុំភូមិថ្មី ស្រុកថ្មពួក ជាមួយនឹងជនរងគ្រោះ បានរៀបរាប់ថា នៅថ្ងៃទី២៤ ខែឆ្នាំដដែល ពេលម៉ោង ៣និង៣០ នាទីរសៀល គាត់ និងជនរងគ្រោះបាននាំគ្នាជិះម៉ូតូទៅចាប់កណ្ដូបនៅភូមិឃុំកើតហេតុខាងលើ ពេលទៅដល់វេលាម៉ោងប្រហែល៦និង៣០ក៏ បាននាំគ្នាដើរចុះចាប់កណ្ដូបក្នុងវាលស្រែ ចម្ងាយពីគ្នាប្រហែល១០ម៉ែត្រពីគ្នា ។
តាមប្រភពដដែលបានបន្តថា ពេលកំពុងតែដើរចាប់កណ្តូប ស្រាប់តែជនរងគ្រោះ បានស្រែកប្រាប់ថា ពស់ចឹក បន្ទាប់មកគាត់ក៏បានរត់ទៅជួយ ហើយឃើញពស់នៅក្បែនោះ ក៏យកដំបងវាយពស់ ក្រោយមកខ្លួនបានស្រែកហៅអ្នកភូមិក្បែរនោះអោយជួយជូនជនរងគ្រោះដឹក និងគោយន្តកន្ត្រៃមកសង្គ្រោះនៅមន្ទីពេទ្យស្រុកស្វាយចេកដែរ តែជាអកុសលពេលដល់មន្ទីពេទ្យគ្រូពេទ្យបានពិនិត្យហើយប្រាប់ថា ជនរងគ្រោះបានស្លាប់បាត់ទៅហើយ ។
ក្រោយពេលកើតហេតុ សពជនរងគ្រោះត្រូវបានរថយន្តមន្ទីរពេទ្យបង្អែកស្រុកស្វាយចេកដឹកយកទៅប្រគល់ជូនក្រុមគ្រួសារចាត់ចែងតាមប្រពៃណី ៕
ចែករំលែកព័តមាននេះ