ខេត្តបន្ទាយមានជ័យ ៖ សត្វមមាចត្នោត កំពុងបំផ្លាញស្រូវភាគច្រើនជាប្រភេទស្រូវសែនក្រអូបដែលឃើញប្រជាកសិករកំពុងបាញ់ថ្នាំកំចាត់នៅល្ងាចថ្ងៃទី២៥ ខែសីហា ឆ្នាំ២០២៤ នៅវាលខាងជើងភូមិគោកអំពិល ឃុំអូរប្រាសាទ ស្រុកមង្គលបូរី ។…
ខេត្តបន្ទាយមានជ័យ ៖ សត្វមមាចត្នោត កំពុងបំផ្លាញស្រូវភាគច្រើនជាប្រភេទស្រូវសែនក្រអូបដែលឃើញប្រជាកសិករកំពុងបាញ់ថ្នាំកំចាត់នៅល្ងាចថ្ងៃទី២៥ ខែសីហា ឆ្នាំ២០២៤ នៅវាលខាងជើងភូមិគោកអំពិល ឃុំអូរប្រាសាទ ស្រុកមង្គលបូរី ។
ប្រជាកសិករបានប្រាប់ថា មិនដែលធា្លប់ជួបនេះជាលើកទី១ហើយដែលមានសត្វមមាចត្នោតបានបំផ្លាញស្រូវប្រជាកសិករបណ្តាលខូច និងងាប់ស្រូវដែលភាគច្រើនជាប្រភេទស្រូវដែលកំពុងផើមនិងចេញកួរដែលប្រជាកសិករកំពុងព្រួយបារម្ភនៅដែលបង្កបង្កើនផលស្រូវជិតប្រមូលផលហើយស្រូវត្រូវបានសត្វមមាឃត្នោតបំផ្លាញ។
ប្រជាកសិករបានបញ្ជាក់ថា សត្វមមាឃត្នោតបំផ្លាញស្រូវដែលភាគច្រើនឃើញបំផ្លាញដោយរូបភាពជញ្ជក់ដើមស្រូវយករសជាតិអស់ហើយ បណ្តាលអោយស្រូវងាប់ដល់គល់ដែលឃើញបំផ្លាញភាគច្រើនជាប្រភេទស្រូវសែនក្រអូបដែលងាប់មានច្រើនហិកតានៅឃុំអូរប្រាសាទស្រុកមង្គលបូរី ក្រោយមន្ត្រីជំនាញបានណែនាំប្រជាកសិករបានយកថ្នាំបាញ់សំលាប់សត្វមមាចដែលកំពុងបំផ្លាញស្រូវ។
លោក ប៉ាង វណ្ណាសេដ្ឋ ប្រធានមន្ទីកសិកម្ម រុក្ខាប្រម៉ាញ់និងនេសាទខេត្តបន្ទាយមានជ័យបានប្រាប់ថា នៅខេត្តបន្ទាយមានជ័យមានសត្វមមាឃកំពុងបំផ្លាញស្រូវប្រជាកសិករនៅមានស្រុកមង្គលបូរីរហូតពេលនេះមិនទាន់ទទួលរបាយការណ៍ខូចខាតអស់មិនប៉ុន្មានហិកតានៅឡើយទេ ដែលភាគច្រើនបំផ្លាញប្រភេទស្រូវសែនក្រអូបដែលជិតប្រមូលផលបណ្តាលឱ្យខូចនិងងាប់ ដើម្បីការពារទប់ស្កាត់សត្វមមាចត្នោតដែលកំពុងបំផ្លាញស្រូវ មន្ត្រីជំនាញបានចុះណែនាំដល់ប្រជាកសិករអោយប្រើប្រាស់ថ្នាំគីមីដើម្បីបាញ់សំលាប់សត្វមមាចត្នោតកំពុងបំផ្លាញស្រូវដោយបាញ់ថ្នាំសំលាប់មមាចត្នោតនៅពេលព្រឹកដែលមានទឹកសន្សើមបាញ់ទៅថ្នាំហូរដល់គល់និងបាញ់ពេលល្ងាចគឺបាញ់ថ្នាំអោយដល់ក្រោមទើបមមាចចូលបំផ្លាញស្រូវបានងាប់ ៕
ចែករំលែកព័តមាននេះ