ខេត្តព្រះសីហនុ ៖ យោងតាមរបាយការណ៍របស់សមត្ថកិច្ចបានឱ្យដឹងថា នៅវេលាម៉ោង១២និង២០នាទីថ្ងៃត្រង់ថ្ងៃទី ២៥ ខែសីហា ឆ្នាំ២០២៤ នៅត្រង់និយាមការលេខ (៤៨P៣៤៨៨២៣ ១១៨៤៨៥២)…
ខេត្តព្រះសីហនុ ៖ យោងតាមរបាយការណ៍របស់សមត្ថកិច្ចបានឱ្យដឹងថា នៅវេលាម៉ោង១២និង២០នាទីថ្ងៃត្រង់ថ្ងៃទី ២៥ ខែសីហា ឆ្នាំ២០២៤ នៅត្រង់និយាមការលេខ (៤៨P៣៤៨៨២៣ ១១៨៤៨៥២) ស្ថិតនៅក្រុម១ ភូមិ១ ឃុំអូរត្រេះ ស្រុកស្ទឹងហាវខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើងរវាងរថភ្លើងបុករថយន្តគ្រឿង មុខបន្ទាយផ្នែកសឹករងស្ទឹងហាវ បណ្តាលឱ្យបុរសម្នាក់រងរបួស ។
រថយន្តមួយគ្រឿងខាងលើម៉ាកNISSA NAVARA ពណ៌ស ពាក់ស្លាកលេខ ព្រះសីហនុ ២B-៨៦០៥ អ្នកបើកបរឈ្មោះ សួន សុខណា ភេទប្រុស អាយុ៦៧ឆ្នាំ ជាមន្ត្រីយោធា (របួសត្រង់ក្បាល)។
ចំណែករថភ្លើងពណ៌ក្រហម មានទិសដៅពីភ្នំពេញមកខេត្តព្រះសីហនុ(រថភ្លើងអូសបារុងទទេ) ។
តាមប្រភពដដែលបានបន្តថា លុះមកដល់ចំណុចកើតហេតុខាងលើ រថយន្តបានចេញពីបន្ទាយផ្នែកសឹករងស្ទឹងហាវ ឆ្លងផ្លូវរថភ្លើងក៏រថភ្លើងបុកតែម្ដង បណ្ដាលឱ្យបណ្ដាលអោយខ្ទាតរថយន្តប្រហែល១០ម៉ែត្រពីផ្លូវរថភ្លើង។
បច្ចុប្បន្ន អ្នករងរបួសត្រូវបញ្ជូនទៅព្យាបាលនៅមន្ទីរពេទ្យបង្អែកខេត្តព្រះសីហនុ ចំណែករថភ្លើងបានបន្តដំណើរទៅខេត្តព្រះសីហនុ ។ ក្រោយកើតហេតុ រថយន្តត្រូវបានយកមករក្សាទុកនៅបន្ទាយផ្នែកសឹករងស្ទឹងហាវ ៕
ចែករំលែកព័តមាននេះ