ខេត្តមណ្ឌលគិរី ៖ អ្នកនាំពាក្យនៃអយ្យការអមសាលាដំបូងខេត្តមណ្ឌលគិរី កាលពីថ្ងៃទី២១ ខែសីហា ឆ្នាំ២០២៤ បានចេញសេចក្តីប្រកាសព័ត៌មានស្តីពីការចោទប្រកាន់ក្រុមក្មេងទំនើងចំនួន៩នាក់បង្កហិង្សាដោយចេតនាមានស្ថានទម្ងន់ទោស ។ នៅក្នុងសេចក្តីប្រកាសព័ត៌មានអយ្យការសាលាដំបូង បានទទួលសំណុំរឿងពីការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តមណ្ឌលគិរី…
ខេត្តមណ្ឌលគិរី ៖ អ្នកនាំពាក្យនៃអយ្យការអមសាលាដំបូងខេត្តមណ្ឌលគិរី កាលពីថ្ងៃទី២១ ខែសីហា ឆ្នាំ២០២៤ បានចេញសេចក្តីប្រកាសព័ត៌មានស្តីពីការចោទប្រកាន់ក្រុមក្មេងទំនើងចំនួន៩នាក់បង្កហិង្សាដោយចេតនាមានស្ថានទម្ងន់ទោស ។
នៅក្នុងសេចក្តីប្រកាសព័ត៌មានអយ្យការសាលាដំបូង បានទទួលសំណុំរឿងពីការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តមណ្ឌលគិរី ពាក់ព័ន្ធករណីហិង្សាដោយចេតនា មានស្ថានទម្ងន់ទោស ដោយក្រុមជនសង្ស័យមានគ្នា០៩នាក់ បានវាយលើជនរងគ្រោះចំនួន២នាក់ និងបង្ខំអោយជនរងគ្រោះធ្វើការសូមទោសនៅចំណុចបង្គោលអង់តែនវិទ្យុបាយ័ន ស្ថិតក្នុងភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី ។
ពាក់ព័ន្ធនិងករណីហិង្សាបង្កឡើងពីក្រុមក្មេងទំនើងនេះ សមត្ថកិច្ចខេត្តមណ្ឌលគិរីបានអោយដឹងថា កាលពីថ្ងៃទី២០ ខែសីហា ឆ្នាំ២០២៤ វេលាម៉ោង១១និង៤០នាទីព្រឹក មានជនរងគ្រោះចំនួន០២នាក់ ១/-ឈ្មោះ ផល រដ្ឋា ភេទស្រី អាយុ១៥ឆ្នាំ មុខរបរសិស្ស ទីលំនៅបច្ចុប្បន្នក្នុងភូមិចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
២/-ឈ្មោះ នៅ.ស្រីរ័ត្ន ភេទស្រី អាយុ១៥ឆ្នាំ មុខរបរសិស្ស ទីលំនៅបច្ចុប្បន្ន ក្នុងភូមិដោះក្រមុំ សង្កាត់សុខដុមក្រុងសែនមនោរម្យ ខេត្តមណ្ឌលគិរី បានមកប្តឹងនៅអធិការដ្ឋាននគរបាលក្រុងសែនមនោរម្យថាមានករណីមានគេប្រើហិង្សារមកលើពួកគាត់ ។ ពេលនោះក្រុមជនសង្ស័យចំនួន០៩នាក់ក៏មកដល់ ដើម្បីរកដំណោះស្រាយ ភ្លាមៗនោះកម្លាំងផ្នែកជំនាញអធិការដ្ឋាននគរបាលក្រុងសែនមនោរម្យ ក៏បានសួរនាំហើយកំណត់ជាករណីហិង្សារដោយចេតនា(ជាក្រុម) និងឃាត់ខ្លួនកសាងសំណុំរឿងអនុវត្តតាមនីតិវិធី។
សមត្ថកិច្ចបន្តថា នៅថ្ងៃទី១៩ សីហា ឆ្នាំ២០២៤ វេលាម៉ោង១៨និង០០នាទីល្ងាច នៅចំណុចជើងភ្នំដោះក្រមុំ ស្ថិតក្នុងភូមិដោះក្រមុំ សង្កាត់សុខដុមក្រុងសែនមនោរម្យ ខេត្តមណ្ឌលគិរី ។ ជនរងគ្រោះនិងជនសង្ស័យមានគ្នាចំនួន១១នាក់ដូចមានឈ្មោះខាងក្រោម៖
១/-ឈ្មោះ ផល.រដ្ឋា ភេទស្រី ជនជាតិខ្មែរ អាយុ១៥ឆ្នាំ មុខរបរសិស្ស ទីលំនៅបច្ចុប្បន្ន:ភូមិចំការតែសង្កាត់ស្ពានមានជ័យក្រុងសែនមនោរម្យខេត្តមណ្ឌលគិរី(ជនរងគ្រោះ)។ ២/-ឈ្មោះ នៅ.ស្រីរ័ត្ន ភេទស្រី ជនជាតិខ្មែរ អាយុ១៥ឆ្នាំ មុខរបរសិស្ស ទីលំនៅបច្ចុប្បន្ន:ភូមិដោះក្រមុំសង្កាត់សុខដុមក្រុងសែនមនោរម្យខេត្តមណ្ឌលគីរី(ជនរងគ្រោះ)។
៣/-ឈ្មោះ តូង.រក្សាទេវា ភេទស្រី ជនជាតិខ្មែរ អាយុ១៦ឆ្នាំ មុខរបរសិស្ស(ជនសង្ស័យ)។
៤/-ឈ្មោះ ដុំ.ម៉ីម៉ី ភេទស្រី ជនជាតិខ្មែរ អាយុ១៦ឆ្នាំ(ជនសង្ស័យ)។ ៥/-ឈ្មោះ ផាន់.សុនីតា ភេទស្រី ជនជាតិខ្មែរ អាយុ១៦ឆ្នាំ មុខរបរសិស្ស(ជនសង្ស័យ)។
៦/-ឈ្មោះ ទូច.ចាន់ណាវី ភេទស្រី ជនជាតិខ្មែរ អាយុ១៦ឆ្នាំ មុខរបរសិស្ស(ជនសង្ស័យ)។
៧/-ឈ្មោះ ដា.សុរិយាវលក្ខ ភេទស្រី ជនជាតិខ្មែរ អាយុ១៦ឆ្នាំ មុខរបរសិស្ស(ជនសង្ស័យ)។
៨/-ឈ្មោះ សែ.សុធា ភេទស្រី ជនជាតិខ្មែរ អាយុ១៧ឆ្នាំ មុខរបរសិស្ស(ជនសង្ស័យ)។
៩/-ឈ្មោះ ប្រាក់.លីហ្សា ភេទស្រី ជនជាតិខ្មែរ អាយុ១៧ឆ្នាំ មុខរបរសិស្ស(ជនសង្ស័យ)។
១០/-ឈ្មោះ ចំរ៉ុង.ពិសី ភេទស្រី ជនជាតិខ្មែរ អាយុ១៧ឆ្នាំ មុខរបរសិស្ស(ជនសង្ស័យ)។
១១/-ឈ្មោះ គង់មណ្ឌល.ម៉ារីយ៉ា ភេទស្រី ជនជាតិខ្មែរ អាយុ១៧ឆ្នាំ មុខរបរសិស្ស(ជនសង្ស័យ)។
ជនសង្ស័យទាំង០៩នាក់ ដូចមានឈ្មោះខាងលើ បានឈ្លោះប្រកែក ជេរឌឺដង ជួបមុខផ្ទាល់ ឆាតជាសម្លេងរយៈពេល០១ខែកន្លងមកហើយ រួចក៏បានណាត់ជនរងគ្រោះដើម្បីនិយាយគ្នាអំពីរឿងនិយាយដើមគ្នា។
ពេលនោះក្រុមជនសង្ស័យបាននិយាយទៅកាន់ជនរងគ្រោះទាំង០២នាក់ឲ្យសុំទោសពួកខ្លួនតែពួកគាត់មិនព្រមសុំទោសទើបឈ្មោះ ដុំ.ម៉ីម៉ី ឈ្មោះផាន់.សុនីតា និងឈ្មោះ ទូច.ចាន់ណាវី ចាប់ឈ្មោះ ផល.រដ្ឋានិងឈ្មោះ នៅ.ស្រីរ័ត្ន វាយដោយដៃតែម្តង។
បច្ចុប្បន្ន ក្រុមក្មេងទំនើងត្រូវបានតុលាការសម្រេចចោទប្រកាន់ពីបទហិង្សាដោយចេតនា មានស្ថានទម្ងន់ទោស តាមបញ្ញត្តិមាត្រាទី២១៨នៃក្រមព្រហ្មទណ្ឌ ៕
ចែករំលែកព័តមាននេះ