ពស់ពិសអាចសម្លា.ប់មនុស្ស ។ តើកម្ពុជាមានពស់ប៉ុន្មានប្រភេទ? តើពស់ពិសគ្រោះថ្នាក់ចំពោះមនុស្សមានប៉ុន្មានប្រភេទ? តាមការស្រាវជ្រាវ នៅក្នុងប្រទេសកម្ពុជាពស់មានប្រមាណជា២៩ប្រភេទតែប៉ុណ្ណោះ ។ ចំណែកពស់មានពិសគ្រោះថ្នាក់ គឺមាន១២ប្រភេទ ។…
ពស់ពិសអាចសម្លា.ប់មនុស្ស ។ តើកម្ពុជាមានពស់ប៉ុន្មានប្រភេទ? តើពស់ពិសគ្រោះថ្នាក់ចំពោះមនុស្សមានប៉ុន្មានប្រភេទ? តាមការស្រាវជ្រាវ នៅក្នុងប្រទេសកម្ពុជាពស់មានប្រមាណជា២៩ប្រភេទតែប៉ុណ្ណោះ ។ ចំណែកពស់មានពិសគ្រោះថ្នាក់ គឺមាន១២ប្រភេទ ។
ម្យ៉ាងវិញទៀត ពស់ប្រភេទខ្លះក៏ត្រូវបានប្រជាពលរដ្ឋនៅតាមមូលដ្ឋានប្រមាញ់ ដើម្បីធ្វើជាអាហារផងដែរ ដោយរួមទាំងពពួកពស់ពិសដ៏គ្រោះថ្នាក់ជាច្រើនប្រភេទ ។ នៅកម្ពុជាពស់ពិសប្រភេទខ្លះ ក៏ត្រូវបានគេមានជំនឿថា វាអាចឲ្យគេយកទៅត្រាំស្រា ដែលអាចយកទៅព្យាបាលជំងឺផ្សេងៗ ដោយរួមទាំងពពួកថ្នាំកម្រើកអារម្មណ៍ជាដើម ។
តាមការចងក្រងបានឲ្យដឹងថា ពស់ដែលមានពិស ហើយតែងតែបង្កគ្រោះថ្នាក់ដល់មនុស្សគឺមាន១២ ប្រភេទ ក្នុងនោះពស់៦ ប្រភេទ ដែលបង្កគ្រោះថ្នាក់ញឹកញាប់ ដោយសារវារស់នៅជិតៗភូមិដ្ឋានយើង មានដូចជា ពស់វែកក្របី, ពស់វែកដំបូក, ពស់ហនុមាន, ពស់ក្រាយ ឬថ្នាំងអំពៅសខ្មៅ, ពស់បៃតង ២ប្រភេទទៀត ហើយពស់ផ្សេងទៀត ដែលមានដែនជម្រកឆ្ងាយពីភូមិតែវាអាចមកដល់ភូមិតាមខ្សែទឹកជំនន់ ឬដោយប្រការចៃដន្យណាមួយនោះ គឺមានដូចជា ពស់វែករនាម, ពស់ពព្លាក់, ពស់ស្រកាចាស, ពស់ក្រាយ លឿងខ្មៅ,ពស់ក្រាយក្បាលក្រហម, និងពស់សមុទ្រ ដែលអាចបង្កគ្រោះថ្នាក់ដល់អ្នកនេសាទសមុទ្រ ។
នៅកម្ពុជាពស់វែងរនាមត្រូវបានគេល្បីថា ជាស្តេចពស់ ដែលមានពិសយ៉ាងសាហា.វ ប៉ុន្តែទោះបីជាយ៉ាង ណាក៏ដោយចំនួនវានៅដែនជម្រកធម្មជាតិ គឺខ្សត់ខ្លាំង ។ ដូច្នេះប្រជាជនកម្ពុជាត្រូវចេះបង្កើនការប្រុងប្រយ័ត្នចំពោះសត្វពស់ទាំងអស់ ជាពិសេសពស់ដែលមានពិសអាចសម្លា.ប់មនុស្សបាន ។
តាមការស្រាវជ្រាវបានឲ្យដឹងថា នៅជុំវិញពិភពលោកមានពស់ប្រមាណ ៣.៩០០ប្រភេទ រស់នៅតាមជម្រកនានា ទាំងនៅក្នុងទឹក និងនៅលើគោក។ នៅក្នុងចំណោមពស់ទាំងអស់នោះពស់ដែលមានពិសមានប្រហែលជា៦០០ប្រភេទ ក្នុងចំណោមនោះ មានប្រហែលជា២០០ប្រភេទដែលអាចធ្វើឲ្យមនុស្សយើងស្លា.ប់បាន ដោយឡែកនៅកម្ពុជាមានពស់ ពិសប្រហែល ១២ ប្រភេទ ។
របាយការណ៍ខ្លះបានលើកឡើងថា មកដល់ពេលនេះ ទាំងពស់ពិស និងមិនមានពិសនៅកម្ពុជា ប្រមាណ ៦,៩លានក្បាល ត្រូវបានគេចាប់ជារៀងរាល់ឆ្នាំ ភាគច្រើន គឺប្រភេទពស់ដែលរស់នៅក្នុងទឹក ដើម្បីធ្វើជាចំណីក្រពើចិញ្ចឹម ដែលគេចិញ្ចឹមដើម្បីយកសាច់ និងស្បែកធ្វើឧស្សាហកម្ម ហើយពស់ខ្លះទៀតដូចជាពស់ថ្លាន់ ត្រូវបានគេឲ្យថ្លៃខ្ពស់សម្រាប់ការប្រើប្រាស់ជាឱសថបុរាណ ជាអារហារ យកស្បែក និងការជួញដូរធ្វើជាសត្វចិញ្ចឹម ៕
ចែករំលែកព័តមាននេះ