អ្នកអភិរក្សបានអះអាងថា ស្ថានភាពសត្វត្រយងយក្សនៅកម្ពុជាជាពិសេស គឺនៅដែនជម្រកសត្វព្រៃលំផាត់មានសត្ វគឺមានស្ថានភាពស្ថិរភាព ។ តាមសេចក្តីរាយការណ៍របស់អង្គការ USAID មរតកបៃតង បានឲ្យដឹងថា នៅដែនជម្រកសត្វព្រៃលំផាត…
អ្នកអភិរក្សបានអះអាងថា ស្ថានភាពសត្វត្រយងយក្សនៅកម្ពុជាជាពិសេស គឺនៅដែនជម្រកសត្វព្រៃលំផាត់មានសត្ វគឺមានស្ថានភាពស្ថិរភាព ។
តាមសេចក្តីរាយការណ៍របស់អង្គការ USAID មរតកបៃតង បានឲ្យដឹងថា នៅដែនជម្រកសត្វព្រៃលំផាត មានសត្វត្រយងយក្សរស់នៅយ៉ាងហោចណាស់១១% នៃចំនួនសត្វត្រយងយក្សសរុបក្នុងពិភពលោក ។
លោក ប៊ូ វរសក្ស នាយកប្រតិបត្តិរបស់អង្គការជីវិតធម្មជាតិកម្ពុជា បានអះអាងថា ដោយផ្អែកលើលទ្ធផលនៃការធ្វើជំរឿនរបស់យើង ដែលធ្វើឡើងនៅដើមឆ្នាំនេះ យើងបានរកឃើញចំនួនសត្វត្រយងយក្សយ៉ាងហោចណាស់ចំនួន៣៣ ក្បាល ដែលចំនួននេះមានស្ថិរភាពបើប្រៀបធៀបទៅនឹងព័ត៌មានមូលដ្ឋានឆ្នាំ ២០១៩ ។
លោកបានអះអាងថា នេះគូសបញ្ជាក់សារជាថ្មីថា លំផាត់នៅតែជាជម្រកដ៏សំខាន់សម្រាប់សត្វបក្សីដ៏កម្រមួយនេះ និងមានបណ្តុំសត្វត្រយងយក្សជ្រកកោនច្រើនបំផុតមួយនៅក្នុងពិភពលោក» ។
ជំរឿនសត្វត្រយងយក្សឆ្នាំ ២០២៤ នៅស្រុកលំផាត់ បានប្រើវិធីសាស្ត្រស្តង់ដាមួយ ក្នុងការវាស់ស្ទង់និន្នាការចំនួនសត្វប្រភេទជិតផុតពូជបំផុតមួយនេះ ដើម្បីត្រួសត្រាយផ្លូវដល់កិច្ចខិតខំប្រឹងប្រែងអភិរក្ស ។ ជំរឿននេះ គឺជាផ្នែកមួយនៃគម្រោងរេដបូកដែនជម្រកសត្វព្រៃលំផាត់ ដែលគាំទ្រដោយ USAID មរតកបៃតងធ្វើការឆ្ពោះទៅរកការបង្កើតឥណទានកាបូនដោយកាត់បន្ថយការកាប់បំផ្លាញ និងការបាត់បង់ព្រៃឈើ៕
ចែករំលែកព័តមាននេះ