ខេត្តកណ្តាល ៖ អភិបាលខេត្តកណ្ដាលបានព្រមានចាត់វិធានការតាមច្បាប់ និងទុករយៈពេល១ខែឲ្យម្ចាស់អាជីវកម្មទឹកស្អាត នៅស្រុកស្អាង និងក្រុងតាខ្មៅ ដោះស្រាយបញ្ហាទឹកស្អាតជូនប្រជាពលរដ្ឋ ។ ការព្រមាននេះ បន្ទាប់រដ្ឋបាលខេត្តបានទទួលមតិរិះគន់ពីប្រជាពលរដ្ឋ…
ខេត្តកណ្តាល ៖ អភិបាលខេត្តកណ្ដាលបានព្រមានចាត់វិធានការតាមច្បាប់ និងទុករយៈពេល១ខែឲ្យម្ចាស់អាជីវកម្មទឹកស្អាត នៅស្រុកស្អាង និងក្រុងតាខ្មៅ ដោះស្រាយបញ្ហាទឹកស្អាតជូនប្រជាពលរដ្ឋ ។
ការព្រមាននេះ បន្ទាប់រដ្ឋបាលខេត្តបានទទួលមតិរិះគន់ពីប្រជាពលរដ្ឋ ពាក់ព័ន្ធការផ្គត់ផ្គង់ទឹកមិនមានគុណភាពស្របតាមស្ដង់ដារកំណត់ ទឹកមានសភាពល្អក់ និងប្រើប្រាស់មិនគ្រប់គ្រាន់ ។
តាមរយៈលិខិតរបស់ឯកឧត្តម គួច ចំរើន អភិបាលនៃគណៈអភិបាលខេត្តកណ្តាល នៅថ្ងៃទី២០ ខែសីហា ឆ្នាំ២០២៤ បានឱ្យដឹងប្រាប់ទៅកាន់លោកស្រី ចាន់ ណារី ម្ចាស់អាជីវកម្មទឹកស្អាតជ្រាបថា រដ្ឋបាលខេត្តបានទទួលមតិរិះគន់ជាច្រើនពីប្រជាពលរដ្ឋទាក់ទងនឹងការផ្គត់ផ្គង់ទឹកស្អាត មិនមានគុណភាពស្របតាមស្ដង់ដារកំណត់ ទឹកមានសភាពល្អក់ និងប្រើប្រាស់មិនគ្រប់គ្រាន់ ដែលកន្លងមកអាជ្ញាធរ ឃុំ ស្រុក ខេត្ត ធ្លាប់បានដោះស្រាយជាច្រើនលើកជាច្រើនសារ ប៉ុន្តែបញ្ហានេះអូសបន្លាយរហូតមកដល់បច្ចុប្បន្ន ។
លិខិតបានលើកឡើងទៀតថា អាស្រ័យដូចបានជម្រាបជូនខាងលើ សូមលោកស្រី ចាន់ ណារី ម្ចាស់អាជីវកម្មទឹកស្អាត អនុវត្តកាតព្វកិច្ចរបស់ខ្លួនក្នុងការផ្គត់ផ្គង់ទឹកស្អាតជូនប្រជាពលរដ្ឋក្នុងដែនអាជ្ញាបណ្ណរបស់ខ្លួនឱ្យបានល្អប្រសើរ ដោយទុករយៈពេល០១ខែ ដើម្បីកែលម្អ បញ្ហា និងភាពអសកម្មខាងលើ ប្រសិនបើមិនកែ រដ្ឋបាលខេត្តនឹងចាត់ វិធានការច្បាប់តាមនីតិវិធីជាធរមាន ៕
ចែករំលែកព័តមាននេះ