រាជធានីភ្នំពេញ ៖ ដើម្បីសុវត្ថិភាពជូនប្រជាពលរដ្ឋ ក្នុងរាជធានីភ្នំពេញ គណៈបញ្ជាការឯកភាពរដ្ឋបាលរាជធានីភ្នំពេញ បានដាក់ចេញជាផែនការ លើការងារពង្រឹងសន្តិសុខ សុវត្ថិភាព និងសណ្តាប់ធ្នាប់សង្គម នៅក្នុងរាជធានីភ្នំពេញ…
រាជធានីភ្នំពេញ ៖ ដើម្បីសុវត្ថិភាពជូនប្រជាពលរដ្ឋ ក្នុងរាជធានីភ្នំពេញ គណៈបញ្ជាការឯកភាពរដ្ឋបាលរាជធានីភ្នំពេញ បានដាក់ចេញជាផែនការ លើការងារពង្រឹងសន្តិសុខ សុវត្ថិភាព និងសណ្តាប់ធ្នាប់សង្គម នៅក្នុងរាជធានីភ្នំពេញ ដើម្បីទប់ស្កាត់ការប៉ុនប៉ង ញុះញង់ បង្កចលាចល និងធ្វើវិទ្ធង្សនាសង្គម ប្រឆាំងនឹង កិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA (ចាប់ពីថ្ងៃទី១៦ ដល់ថ្ងៃទី២៥ ខែសីហា ឆ្នាំ២០២៤) ។
ដើម្បីធានាឱ្យការអនុវត្តផែនការការពារនេះ មានប្រសិទ្ធភាពខ្ពស់ គណៈបញ្ជាការឯកភាពរដ្ឋបាលរាជធានីភ្នំពេញ ក៏សម្រេចបង្កើតគណៈបញ្ជាការសម្រាប់ដឹកនាំបញ្ជា និងត្រួតពិនិត្យ ដោយលោក ឃួង ស្រេង អភិបាល នៃគណៈអភិបាលរាជធានីភ្នំពេញ ជាប្រធាន ដែលមានអនុប្រធានចំនួន១២រូប និងមានសមាជិក ៣រូប ក្នុងនោះ រួមមាន ៖ លោក កើត ឆែ, លោក ឃ្លាំង ហួត, លោក សុខ ពេញវុធ, លោក ហ៊ុន សុរិទ្ធី, លោក ហួត ហៃ, លោកស្រី កែវ សុខពិសី, លោក អ៊ីមរ៉ន ហាស្សាន់, លោក ឯក ឃុនជឿន, លោក សេង វណ្ណៈ, លោក ឆាយ វីរៈ អភិបាលរង នៃគណៈអភិបាលរាជធានីភ្នំពេញ, ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ, ឧត្តមសេនីយ៍ឯក រ័ត្ន ស៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ ជាអនុប្រធាន និងលោក លោកស្រី អភិបាល នៃគណៈអភិបាលខណ្ឌទាំង១៤, លោក ហុក ហួលីម នាយករដ្ឋបាលស្តីទី សាលារាជធានីភ្នំពេញ, លោក ផយ ពណ្ណ នាយកទីចាត់ការកិច្ចការច្បាប់ និងសិទ្ធិមនុស្ស ជាសមាជិក ៕
ចែករំលែកព័តមាននេះ