រាជធានីភ្នំពេញ ៖ នារីវ័យក្មេងម្នាក់ ខឹងនឹងសង្សារយករថយន្តទៅដឹកស្រីចូលក្លឹប មិនរវីរវល់ទៅមើលខ្លួនឈឺនៅពេទ្យ ក៏បានធ្វើដំណើរមកលោតទឹកពីលើស្ពានជ្រោយចង្វារ(ប៉ុនប៉ងសម្លាប់ខ្លួន) តែត្រូវបានប្រជាពលរដ្ឋឃាត់ទាន់ ។ ការប៉ុនប៉ងនេះ បង្កឲ្យមានការភ្ញាក់ផ្អើលកាលពីវេលាម៉ោងប្រមាណ៥ព្រឹកថ្ងៃទី១៤…
រាជធានីភ្នំពេញ ៖ នារីវ័យក្មេងម្នាក់ ខឹងនឹងសង្សារយករថយន្តទៅដឹកស្រីចូលក្លឹប មិនរវីរវល់ទៅមើលខ្លួនឈឺនៅពេទ្យ ក៏បានធ្វើដំណើរមកលោតទឹកពីលើស្ពានជ្រោយចង្វារ(ប៉ុនប៉ងសម្លាប់ខ្លួន) តែត្រូវបានប្រជាពលរដ្ឋឃាត់ទាន់ ។
ការប៉ុនប៉ងនេះ បង្កឲ្យមានការភ្ញាក់ផ្អើលកាលពីវេលាម៉ោងប្រមាណ៥ព្រឹកថ្ងៃទី១៤ ខែតុលា ឆ្នាំ២០២៥ នៅលើស្ពានជ្រោយចង្វារ នៅក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
នារីរូបនោះ ពុំបានប្រាប់ឲ្យស្គាល់អត្តសញ្ញាណឡើយទេ ប៉ុន្តែនាងមានអាយុប្រមាណជាង២០ឆ្នាំ ។
តាមព័ត៌មានបានឲ្យដឹងថា នៅមុនពេលកើតហេតុ គេឃើញនារីរូបនោះ បានធ្វើដំណើរឡើងទៅលើស្ពាន ហើយតោងបង្កាន់ដៃស្ពានប្រុងលោតទឹក(សម្លាប់ខ្លួន)តែនាងហាក់ដូចពុំដាច់ចិត្ត។ ខណៈនោះ មានអ្នកដំណើរម្នាក់ បានឃើញ ហើយចាប់ឃាត់ ក្រោយមកបង្កឲ្យមានការភ្ញាក់ផ្អើល និងទាក់ទងទៅបុរសជាសង្សារ ដើម្បីឲ្យមកទទួលនាងត្រឡប់ទៅផ្ទះ ។
តាមនារីវ័យក្មេងរូបនោះ បានឱ្យដឹងថា មូលហេតុដែលខ្លួនធ្វើដំណើរមកលោតទឹក(សម្លាប់ខ្លួន)ដោយសារតូចចិត្តខ្លួនឯង ដែលសង្សារបានយករថយន្តទៅដឹកស្រីចូលក្លឹប និងមិនបានរវីរវល់មកមើលនាងដែលឈឺដេកពេទ្យឡើយ ។
នារីរូបនោះ បានឲ្យដឹងទៀតថា នៅយប់នោះ នាងសម្រាកពេទ្យ ដោយសារតែលេបថ្នាំងងុយដេកលើសកម្រិត។ ខណៈនោះក៏ទទួលដំណឹងថា សង្សារបានយករថយន្តរបស់ខ្លួនទៅដឹកស្រីចូលក្លឹប ដោយតូចចិត្តខ្លួនឯង ក៏ដោះសេរ៉ូមចេញពីពេទ្យធ្វើដំណើរមស្ពានជ្រោយចង្វារ ប៉ុនប៉ងលោតទឹកតែម្ដង ។
នារីរូបនោះ បានឲ្យដឹងទៀតថា ខ្លួនបានស្រឡាញ់ និងរស់នៅជាមួយសង្សារដូចប្ដីប្រពន្ធរយៈពេល០២ឆ្នាំមកហើយ។ កន្លងមក សង្សាររបស់ខ្លួន ធ្លាប់មានស្រី ហើយនាងធ្លាប់ចាប់បានដេកជាមួយស្រី។ បន្ទាប់ពីឃាត់សួរនាំអ្នកដំណើរ ក៏បានទាក់ទងទៅបុរសជាសង្សារ និងបងប្រុស ឲ្យមកទទួល នាំនាងត្រឡប់ទៅផ្ទះវិញ ៕
ចែករំលែកព័តមាននេះ