ខេត្តកណ្តាល ៖ កាលពីព្រឹកថ្ងៃទី១៤ ខែសីហា ឆ្នាំ២០២៤ កម្លាំងសមត្ថកិច្ចនគរបាលស្រុកកៀនស្វាយ បានបញ្ជូនស្ត្រីម្នាក់ទៅតុលាការខេត្តកណ្តាល ក្រោយពីស្ត្រីរូបនោះជាភ្នាក់ងារចាត់ចែងលេងល្បែងស៊ីសងខុសច្បាប់(កត់ឆ្នោតវៀតណាម) ។ គួរបញ្ជាក់ថា…
ខេត្តកណ្តាល ៖ កាលពីព្រឹកថ្ងៃទី១៤ ខែសីហា ឆ្នាំ២០២៤ កម្លាំងសមត្ថកិច្ចនគរបាលស្រុកកៀនស្វាយ បានបញ្ជូនស្ត្រីម្នាក់ទៅតុលាការខេត្តកណ្តាល ក្រោយពីស្ត្រីរូបនោះជាភ្នាក់ងារចាត់ចែងលេងល្បែងស៊ីសងខុសច្បាប់(កត់ឆ្នោតវៀតណាម) ។
គួរបញ្ជាក់ថា ការឃាត់ខ្លួនស្ត្រីខាងលើ ធ្វើឡើងកាលពីថ្ងៃទី១៣ ខែសីហា ឆ្នាំ២០២៤ វេលាម៉ោង១៤និង១៥នាទីនៅចំណុចភូមិភូមិធំ ឃុំភូមិធំ ស្រុកកៀនស្វាយ ខេត្តកណ្តាល ។ ស្ត្រីសង្ស័យឈ្មោះ ពេជ ស្រស់ ភេទស្រី អាយុ៣៥ឆ្នាំ ជនជាតិខ្មែរ មុខរបរកត់ឆ្នោតដោយខុសច្បាប់ មានទីលំនៅភូមិភូ ឃុំខាងលើ។
ក្រោយឃាត់ខ្លួន សមត្ថកិច្ចដកហូតបានវត្ថុតតាងរួមមាន ១-ទូរសព្ទ័ដៃ០១គ្រឿង ម៉ាកTECNO LE6 ពណ៌ទឹកប៊ិច ប្រើលេខទូរស័ព្ទ087926532 ។ ២-ក្រដាសA4 កាត់រួចមិនទាន់កត់លេខឆ្នោតចំនួន៣៦សន្លឹក ។ ៣-ប៊ិច១ដើម ។ ៤-កាបូបតូចពណ៌ស មានរូបឆ័ត្រតូចៗពណ៌ក្រហមចំនួន០១ ។
សមត្ថកិច្ចបានអោយដឹងថា នៅវេលាម៉ោងកើតហេតុខាងលើ កម្លាំងព្រហ្មទណ្ឌស្រុកកៀនស្វាយ ជិះម៉ូតូល្បាតតាមផ្លូវលំប៊េតុងក្នុងមូលដ្ឋាន លុះមកដល់ចំណុចខាងលើ ក៏ប្រទះឃើញស្ត្រីជាជនសង្ស័យអង្គុយកត់កន្ទុយលេខ៏ឆ្នោតវៀតណាម) នៅជាប់នឹងចិញ្ចើមផ្លូវលំបេតុង ទើបកម្លាំងព្រហ្មទណ្ឌស្រុក សហការជាមួយកម្លាំងប៉ុស្តិ៍នគរបាលរដ្ឋបាលភូមិធំ បានធ្វើការឃាត់ខ្លួនរួមជាមួយវត្ថុតាងមួយចំនួន ដើម្បីយកមកសាកសួរ នៅអធិការដ្ឋាននគរបាលស្រុក ។
នៅចំពោះមុខសមត្ថកិច្ចឈ្មោះ ពេជ ស្រស់ បានសារភាពថា ខ្លួនពិតជាបានលួចកត់ឆ្នោតវៀតណាមអស់រយ:ពេល០៦ខែមកហើយ រហូតមកដល់បច្ចុប្បន្ន ។ ដោយមេម្នាក់បានមកទំនាក់ទំនងឲ្យខ្លួនកត់ឲ្យ តែមិនបានស្គាល់ឈ្មោះ នឹងលេខទូរសព្ទ័នោះទេ ហើយក្នុងមួយថ្ងៃៗខ្លួនកត់ឆ្នោតវៀតណាម និងឆ្នោតខ្មែរ បានប្រាក់ចំនួន៥០ម៉ឺនរៀល ឬអាចលើសក៏មានដែរ ។ ក្រោយពីសាកសួររួចកម្លាំងជំនាញព្រហ្មទណ្ឌស្រុកបាន ក៏បានកសាងសំណុំរឿងបញ្ជូនស្ត្រីនោះខទៅតុលាការខេត្តកណ្តាល ដើម្បីបន្តតាមនិតិវិធីច្បាប់ ៕
ចែករំលែកព័តមាននេះ