រាជធានីភ្នំពេញ ៖ កម្លាំងជំនាញ នៃអធិការដ្ឋាននគរបាលខណ្ឌមានជ័យ និងប៉ុស្តិ៍នគរបាលរដ្ឋបាលសង្កាត់ស្ទឹងមានជ័យ១ បានធ្វើការបង្ក្រាបជាក់ស្តែងពាក់ព័ន្ធនឹងករណីលួចមានស្ថានទម្ងន់ទោស(ឆក់កាបូប) នៅចំណុចផ្លូវលេខ៣៨សេ ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ…
រាជធានីភ្នំពេញ ៖ កម្លាំងជំនាញ នៃអធិការដ្ឋាននគរបាលខណ្ឌមានជ័យ និងប៉ុស្តិ៍នគរបាលរដ្ឋបាលសង្កាត់ស្ទឹងមានជ័យ១ បានធ្វើការបង្ក្រាបជាក់ស្តែងពាក់ព័ន្ធនឹងករណីលួចមានស្ថានទម្ងន់ទោស(ឆក់កាបូប) នៅចំណុចផ្លូវលេខ៣៨សេ ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ នៅវេលាម៉ោង១២និង០០នាទីយប់អធ្រត្រឈានចូលថ្ងៃទី១៣ ខែសីហា ឆ្នាំ២០២៤នេះ ។
ជនសង្ស័យម្នាក់ដែលត្រូវឃាត់ខ្លួនមាន ឈ្មោះ សឹង វណ្ណា ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិដំណាក់ធំ១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ (មានផ្ទុកនូវសារធាតុញៀន) ។
វត្ថុតាងចាប់យក រួមមាន ៖
១-ម៉ូតូ០១គ្រឿង ម៉ាកហុងដាសេ១២៥ ពណ៌ខ្មៅ សេរីឆ្នាំ២០១៦ ពាក់ស្លាកលេខភ្នំពេញ 1JD-7424 (ជារបស់ជនសង្ស័យឈ្មោះ សឹង វណ្ណា ជិះធ្វើសកម្មភាព) ។
២-កាបូបលុយ ពណ៌ខ្មៅ ចំនួន០១ (ជារបស់ជនរងគ្រោះឈ្មោះ ហួរ ស៊ឹមឆាយ ភេទស្រី អាយុហែល ២៥ឆ្នាំ ស្នាក់នៅផ្ទះគ្មានលេខ ភូមិកំពង់ថុល សង្កាត់សំពៅពួន ក្រុងសំពៅពូន ខេត្តកណ្តាល) បានប្រគល់ជូនជនរងគ្រោះតាមការស្នើសុំ ។
បច្ចុប្បន្ន ជនសង្ស័យ និងវត្ថុតាងខាងលើកំពុងឃាត់ខ្លួនជាបណ្ដោះអាសន្ន ដើម្បីធ្វើការសាកសួរនិងចាត់ការបន្តតាមនីតិវិធី ៕
ចែករំលែកព័តមាននេះ