ខេត្តកំពង់ឆ្នាំង ៖ សិស្សសាលាបឋមសិក្សាម្នាក់ បានបញ្ចេញអាកប្បកិរិយាមិនសមរម្យ ទៅលើគ្រូបង្រៀនរបស់ខ្លួន កំពុងធ្វើឲ្យមានការភ្ញាក់ផ្អើលពេញបណ្ដាញសង្គម និងមានការបញ្ចេញទស្សនៈមិនពេញចិត្តទៅលើសិស្សរូបនោះជាខ្លាំង។ យោងតាមរបាយការណ៍របស់ការិយាល័យអប់រំយុវជននិងកីឡាស្រុកជ្រុលគីរី បានឲ្យដឹងថា សកម្មភាពសិស្សដែលបញ្ចេញឥរិយាបថមិនសមរម្យ…
ខេត្តកំពង់ឆ្នាំង ៖ សិស្សសាលាបឋមសិក្សាម្នាក់ បានបញ្ចេញអាកប្បកិរិយាមិនសមរម្យ ទៅលើគ្រូបង្រៀនរបស់ខ្លួន កំពុងធ្វើឲ្យមានការភ្ញាក់ផ្អើលពេញបណ្ដាញសង្គម និងមានការបញ្ចេញទស្សនៈមិនពេញចិត្តទៅលើសិស្សរូបនោះជាខ្លាំង។
យោងតាមរបាយការណ៍របស់ការិយាល័យអប់រំយុវជននិងកីឡាស្រុកជ្រុលគីរី បានឲ្យដឹងថា សកម្មភាពសិស្សដែលបញ្ចេញឥរិយាបថមិនសមរម្យ ធាក់តុគ្រូ និងសម្ដែងឥរិយាបថ ចង់វាយគ្រូ នេះ បានកើតឡើង កាលពីរសៀលថ្ងៃទី ១២ ខែសីហាឆ្នាំ ២០២៤ ។
ក្នុងរបាយការណ៍ដដែលបានបញ្ជាក់ថា សិស្សដែលមានឥរិយាបថ មិនសមរម្យមកលើគ្រូបង្រៀនមានឈ្មោះ វ.ស.វ ភេទប្រុស រៀនថ្នាក់ទី ៦ ក នៅសាលាបឋមសិក្សាភូមិថ្មី ក្នុងឃុំកំពង់អូស ស្រុកជលគិរី មានទីលំនៅភូមិឃុំខាងលើ។
លោក សឹម ប្រឹម ប្រធានមន្ទីរអប់រំយុវជននិងកីឡាខេត្តកំពង់ឆ្នាំង បានបញ្ជាក់ថាលោកបានទទួលព័ត៌មាននេះហើយកំពុងឲ្យខាង ការិយាល័យអប់រំស្រុក ចូលគិរី ចុះប្រជុំជាមួយអាជ្ញាធរនិងអាណាព្យាបាលសិស្សដើម្បីរកដើមហេតុ ដែលឲ្យកើតរឿងនេះ និងរកវិធានការដោះស្រាយ ។
ទោះជាយ៉ាងនេះក្តី មតិមហាជនលើកឡើងថាប្រសិនបើគ្មានការរឹតបណ្ដឹង ឬដាក់វិន័យ ចំពោះសិស្ស រូបនេះទេ សិស្សរូបនេះនឹងនៅតែក្លាយជាក្មេងទំនើងហើយ នឹងអាចក្លាយជាគំរូអាក្រក់ដល់សិស្សដទៃទៀត ៕
ចែករំលែកព័តមាននេះ