ខេត្តសៀមរាប ៖ ក្រុមក្មេងទំនើងចំនួន ១០ នាក់ រកឃើញ ៤នាក់ មានគ្រឿងញៀនដែលតែងតែបង្កអសន្តិសុខអុកឡុកនៅកណ្ដាលក្រុងសៀមរាប ត្រូវបានកម្លាំងនគរបាលក្រុងសៀមរាបបង្ក្រាបបាន បញ្ជូនទៅកាន់តុលាការ…
ខេត្តសៀមរាប ៖ ក្រុមក្មេងទំនើងចំនួន ១០ នាក់ រកឃើញ ៤នាក់ មានគ្រឿងញៀនដែលតែងតែបង្កអសន្តិសុខអុកឡុកនៅកណ្ដាលក្រុងសៀមរាប ត្រូវបានកម្លាំងនគរបាលក្រុងសៀមរាបបង្ក្រាបបាន បញ្ជូនទៅកាន់តុលាការ ដើម្បីចាត់ការបន្ត តាមនីតិវិធីច្បាប់ ។
តាមប្រភពពីសមត្ថកិច្ចនគរបាលជំនាញខេត្តសៀមរាប បានប្រាប់នៅថ្ងៃទី១១ ខែ សីហាឆ្នាំ២០២៤នេះថា កម្លាំងនគរបាលក្រុងសៀមរាប បានធ្វើការបង្ក្រាបក្មេងទំនើង ដែលតែង តែធ្វើសកម្មភាពបង្កអសន្តិសុខ នៅកណ្តាលក្រុងរហូតឈានដល់សៀមរាប ធ្វើការឃាត់ខ្លួន បានជន សង្ស័យចំនួន១០នាក់ ពាក់ព័ន្ធករណីអំពើលួចដោយប្រើហិង្សា(កាប់យកផ្លាកលេខ) និង ហិង្សាដោយ ចេតនាមានស្ថានទម្ងន់ ទោស ( វាយជនរងគ្រោះ និង ដុំថ្ម, ខ្សែ ក្រវាត់ មួកការពារ ) និងធ្វើឱ្យខូចខាតដោយចេតនាមានស្ថានទម្ងន់ទោស ( គប់ដុំថ្មលើតូប របស់អ្នកលក់ដូរ )។
ប្រភពបានបន្តថា ក្រុមក្មេងទំនើងបានបង្កហេតុ កាលពីថ្ងៃទី០៧ ខែកក្កដា ឆ្នាំ២០២៤ វេលាម៉ោង០៣និង១៥នាទី ទៀបភ្លឺ នៅចំណុចខាងកើតវត្តពោធិលង្កា ស្ថិតក្នុងភូមិបឹងដូនប៉ា សង្កាត់ស្លក្រាម ក្រុងសៀមរាប និងនៅថ្ងៃទី០៩ ខែសីហា ឆ្នាំ២០២៤ វេលាម៉ោង០២និង៥០នាទី នៅតូបលក់អីវ៉ាន់ចាបហួយ ស្ថិតក្នុងភូមិតាភុល សង្កាត់ស្វាយដង្គំ ក្រុងសៀមរាប។
ជាមួយគ្នានេះ សមត្ថកិច្ចបានធ្វើការដកហូតវត្ថុតាងមួយចំនួនរួមមាន៖ ម៉ូតូជិះធ្វើសកម្មភាពរបស់ជនសង្ស័យចំនួន០៣ គ្រឿង ដុំថ្ម០៧ដុំ ដាវ ១ដើម។
បើតាមប្រភពពីសមត្ថកិច្ចខេត្តសៀម រាប បានបញ្ជាក់ថា ក្នុង ចំណោមជន សង្ស័យទាំង១០នាក់ សមត្ថកិច្ចបានរកឃើញជនសង្ស័យចំនួន០៤នាក់ ប្រើ ប្រាស់គ្រឿងញៀនខុសច្បាប់។
បច្ចុប្បន្នជនសង្ស័យព្រមទាំងវត្ថុតាង ត្រូវបានកម្លាំងការិយាល័យជំនាញកសាងសំណុំរឿងបញ្ជូនទៅសាលាដំបូងខេត្តសៀមរាប ដើម្បីអនុវត្តតាមផ្លូវច្បាប់៕
ចែករំលែកព័តមាននេះ