ប្រទេសបារាំង ៖ គិតត្រឹមព្រឹកនេះ សហរដ្ឋអាមេរិក គឺជាប្រទេសដំបូងគេបំផុត ឈ្នះមេដាយទី១០០ នៅព្រឹត្តិការណ៍កីឡាអូឡាំពិករដូវក្តៅទីក្រុងប៉ារីសឆ្នាំ ២០២៤ និងបន្តកាន់កាប់កំពូលតារាងមេដាយសរុបជាបណ្តោះអាសន្ន។ សហរដ្ឋអាមេរិក…
ប្រទេសបារាំង ៖ គិតត្រឹមព្រឹកនេះ សហរដ្ឋអាមេរិក គឺជាប្រទេសដំបូងគេបំផុត ឈ្នះមេដាយទី១០០ នៅព្រឹត្តិការណ៍កីឡាអូឡាំពិករដូវក្តៅទីក្រុងប៉ារីសឆ្នាំ ២០២៤ និងបន្តកាន់កាប់កំពូលតារាងមេដាយសរុបជាបណ្តោះអាសន្ន។
សហរដ្ឋអាមេរិក ឈ្នះមេដាយសរុបចំនួន ១០៣គ្រឿង មាស ៣០គ្រឿង ប្រាក់ ៣៨គ្រឿង និងសំរឹទ្ធ ៣៥គ្រឿង។ តាមពីក្រោយដោយប្រទេសចិន ឈ្នះមេដាយសរុប ៧៣គ្រឿង មាស ២៩គ្រឿង ប្រាក់ ២៥គ្រឿង និងសំរឹទ្ធ ១៩គ្រឿង។ អូស្ត្រាលីឈរនៅលេខ ៣ ក្រោយឈ្នះមេដាយសរុប ៤៥គ្រឿង មាស ១៨គ្រឿង ប្រាក់ ១៤គ្រឿង និងសំរឹទ្ធ ១៣គ្រឿង។ តាមពីក្រោយដោយម្ចាស់ផ្ទះបារាំង ឈ្នះមេដាយសរុប ៥៤គ្រឿង មាស ១៤គ្រឿង ប្រាក់ ១៩គ្រឿង និងសំរឹទ្ធ ២១គ្រឿង។
ចំណែក ចក្រភពអង់គ្លេសឈរនៅលេខ ៥ ឈ្នះមេដាយសរុប ៥១គ្រឿង មាស ១៣គ្រឿង ប្រាក់ ១៧គ្រឿង និងសំរឹទ្ធ ២១គ្រឿង។ ប្រទេសស្ថិតនៅក្រៅតំណែងកំពូលទាំង ៥ ឬ Top 5 ប៉ុន្តែស្ថិតក្នុងតំណែងកំពូលទាំង ១០ រួមមាន ប្រទេសកូរ៉េខាងត្បូង ជប៉ុន ហូឡង់ អ៊ីតាលី និងអាល្លឺម៉ង់។
ដោយឡែក គិតត្រឹមព្រឹកនេះដូចគ្នា ប្រទេសអាស៊ីអាគេ្នយ៍ចំនួន ៤ រួមមាន ហ្វីលីពីន ឥណ្ឌូណេស៊ី ថៃ និង ម៉ាឡេស៊ី បានបង្កើនចំនួនមេដាយរបស់ខ្លួន នៅកីឡាអូឡាំពិកទីក្រុងប៉ារីសឆ្នាំ ២០២៤។
ហ្វីលីពីនធ្វើបានល្អជាងគេ ហើយក៏ជាប្រទេសអាស៊ីអាគ្នេយ៍ដំបូងបំផុត ឈ្នះមេដាយអូឡាំពិកប៉ារីស ដោយឈ្នះមេដាយសរុប ៤គ្រឿង មាស ២គ្រឿង និងសំរឹទ្ធ ២គ្រឿង។ ឥណ្ឌូណេស៊ី ឈ្នះមេដាយសរុប ៣គ្រឿង មាស ២គ្រឿង និងសំរឹទ្ធ ១គ្រឿង។ ថៃ ប្រទេសអាស៊ីអាគ្នេយ៍ទី២ ដែលឈ្នះមេដាយមាសអូឡាំពិកប៉ារីសនោះ ឈ្នះមេដាយច្រើនជាងគេសរុប ៦គ្រឿង មាស ១គ្រឿង ប្រាក់ ៣គ្រឿង និងសំរឹទ្ធ ២គ្រឿង។ ចំណែក ម៉ាឡេស៊ី ឈ្នះមេដាយសរុប ២គ្រឿង ដែលជាមេដាយសំរឹទ្ធ៕ (ប្រភព ៖ Paris 2024 និង Seasia Stats)
ចែករំលែកព័តមាននេះ