ខេត្តព្រះសីហនុ ៖ អគ្គិភ័យឆាបឆេះតូបលក់នំរបស់អាជីវករដែលសង់ពីថ្មប្រក់សង្ក័សី ទំហំទទឹង៣ ម៉ែត្រ នឹងបណ្តោយ៤ម៉ែត្រនៅផ្សារចិន បង្កឲ្យមានការភ្ញាក់ផ្អើលដល់ប្រជាពលរដ្ឋរស់នៅក្បែរនោះ និងសមត្ថកិច្ចចេញពន្លត់អគ្គិភ័យ ។ ហេតុការណ៍នេះ…
ខេត្តព្រះសីហនុ ៖ អគ្គិភ័យឆាបឆេះតូបលក់នំរបស់អាជីវករដែលសង់ពីថ្មប្រក់សង្ក័សី ទំហំទទឹង៣ ម៉ែត្រ នឹងបណ្តោយ៤ម៉ែត្រនៅផ្សារចិន បង្កឲ្យមានការភ្ញាក់ផ្អើលដល់ប្រជាពលរដ្ឋរស់នៅក្បែរនោះ និងសមត្ថកិច្ចចេញពន្លត់អគ្គិភ័យ ។ ហេតុការណ៍នេះ បង្កឱ្យមានការភ្ញាក់ផ្អើលនៅវេលាម៉ោង៧ និង៤៥នាទីយប់ថ្ងៃទី៨ ខែសីហា ឆ្នាំ២០២៤ ស្ថិតនៅក្នុងចំណុចក្រុម៣០ ភូមិ១ សង្កាត់លេខ៤ ក្រុងព្រះសីហនុ ។
យោងតាមប្រភពពីសមត្ថកិច្ចបានឲ្យដឹងថា តូបដែលឆេះមានម្ចាស់ឈ្មោះ ស៊ុន ស្រីកែវ ភេទស្រីអាយុ៤០ឆ្នាំ ជនជាតិខ្មែ រងការខូចខាត រួមមានសម្ភារសំរាប់ធ្វើនំ និងរបស់របរប្រើប្រាស់ទាំងស្រុង តែសំណាងល្អ មិនមានមនុស្សស្លាប់ ឬរងរបួសឡើយ ។
ក្នុងករណីអគ្គិភ័យខាងលើ កម្លាំងបង្ការ និងពន្លត់អគ្គិភ័យបានចេញរថយន្តពន្លត់របស់ស្នងការដ្ឋាននគរបាលខេត្តព្រះសីហនុ ចំនួន០២គ្រឿង បានប្រើប្រាស់ទឹកអស់ចំនួន០១ឡានស្មើរ និង៦ម៉ែត្រគូប និងបានគ្រប់គ្រងស្ថានការរលត់ជាស្ថាពរ ។
ចែករំលែកព័តមាននេះ