រាជធានីភ្នំពេញ ៖ លោកវរៈសេនីយ៍ឯក ម៉ម សាវន នាយការិយា ល័យនគរបាលព្រហ្មទណ្ឌកំរិតស្រាល បានឲ្យដឹងថា ដោយទទួ លបញ្ជាដឹកនាំដ៏ខ្ពង់ខ្ពស់ពីឯកឧត្តម…
រាជធានីភ្នំពេញ ៖ លោកវរៈសេនីយ៍ឯក ម៉ម សាវន នាយការិយា ល័យនគរបាលព្រហ្មទណ្ឌកំរិតស្រាល បានឲ្យដឹងថា ដោយទទួ លបញ្ជាដឹកនាំដ៏ខ្ពង់ខ្ពស់ពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរងទទួលដឹកនាំការិយាល័យ ។
នៅថ្ងៃទី១ ខែសីហា ឆ្នាំ២០២៤ វេលាម៉ោងប្រហែល១៤ និង០០ នាទី កម្លាំងការិយាល័យជំនាញព្រហ្មទណ្ឌ គឺដឹកនាំដោយរូបលោកផ្ទាល់ បានចុះទៅសហការជាមួយសមត្ថកិច្ចប៉ុស្តិ៍នគរបាលរដ្ឋបាលបឹងត្របែក ធ្វើការឃាត់ខ្លួនជនសង្ស័យម្នាក់ នៅចំណុចប៉ុស្តិ៍នគរបាលរដ្ឋបាលបឹងត្របែក សង្កាត់បឹងត្របែក ខណ្ឌចំការមន រាជធានីភ្នំពេញ ពាក់ព័ន្ធប្រព្រឹត្តបទល្មើស អំពើលួចមានស្ថានទម្ងន់ទោស និងបង្កឲ្យមាន របួសដោយអចេតនា (បើកម៉ូតូកង់បីដឹកជនរងគ្រោះទៅកន្លែងស្ងាត់ ដែលជនរងគ្រោះប្រាប់ឲ្យឈប់តែមិនព្រមឈប់ ដោយមានការភ័យជនរងគ្រោះបានលោតចុះពីលើម៉ូតូកង់បី បណ្តាលឲ្យរងរបួស ហើយក៏ត្រូវបក្ខពួកអ្នករត់ម៉ូតូកង់បី១ក្រុម ដែលនៅចាំទីនោះ បានធ្វើសកម្មភាពលួចយកសម្ភារៈរបស់ជនរងគ្រោះតែម្តងទៅ) ។
សកម្មភាពនេះប្រព្រឹត្តនៅចំណុចផ្លូវ០៥ ភូមិ១៤ ភូមិទួលរកា សង្កាត់ចាក់អង្រែក្រោម ខណ្ឌមានជ័យរាជធានីភ្នំពេញ កាលពីថ្ងៃទី៣១ ខែកក្កដា ឆ្នាំ២០២៤ វេលាម៉ោងប្រហែល០៤ និង០០ នាទី ។
លោក ម៉ម សាវន បន្តថា ពេលចាប់ខ្លួនជនសង្ស័យនិងវត្ថុតាង ត្រូវបានបញ្ជូនមកការិយាល័យមកដល់នៅនារសៀលថ្ងៃដដែល ដើម្បីសាកសួរ និងចាត់ការតាមនីតិវិធី ។
ជនសង្ស័យមានឈ្មោះ តាត វណ្ណៈ ភេទប្រុស អាយុ៣៥ ឆ្នាំ មុខរបរ អ្នករត់ម៉ូតូកង់បី មានទីលំនៅផ្ទះគ្មានលេខ ផ្លូវលំ ភូមិបារាជ ឃុំស្វាយជ្រុំ ស្រុកខ្សាច់កណ្តាល ខេត្តកណ្តាល ។
វត្ថុតាងចាប់យក ម៉ូតូកង់បី១គ្រឿងម៉ាក BAJAJ 3W RE 4S LPG ពណ៌ក្រហម សេរីឆ្នាំ២០១៧ លេខតួ៣៨៨២៤ លេខម៉ាស៊ីន៨២៧៤៣ ពាក់ផ្លាកលេខកណ្តាល១Z-៨៨៨៩ ។
ទូរសព្ទ័ដៃម៉ាកវីវ៉ូ ពណ៌ទឹកមាស ១ គ្រឿង, ទូរសព្ទ័ដៃម៉ាកសាំសុង ពណ៌ខ្មៅ ១ គ្រឿង ពាក់ព័ន្ធបទល្មើសខាងលើនេះ ។
ចំណែកជនរងគ្រោះមានឈ្មោះ P H N ភេទស្រី ជនជាតិកូរ៉េ កាន់លិខិត ស្នាក់នៅសណ្ឋាគារយូតៃផ្លូវលេខ២១៤ ភូមិ២ សង្កាត់បឹងរាំង ខណ្ឌដូនពេញ រាជធានីភ្នំពេញ ។ សម្ភារៈបាត់បង់ ៖ ទូរសព្ទ័ដៃម៉ាកអាយហ្វូន១២ ចំនួន០១ គ្រឿង និងកាតធនាគារ និងកូនសោសណ្ឋាគារ ។
យោងតាមពាក្យបណ្តឹងរបស់ជនរងគ្រោះ និងស្តាប់ចម្លើយជន សង្ស័យមានភាពស៊ីសង្វាក់ពាក់ពន្ធបទល្មើស”លួចមានស្ថានទម្ងន់ទោស” សមត្តកិច្ចបានកសាងសំណុំរឿងបញ្ជូនជនសង្ស័យ និងវត្ថុតាង ទៅសាលដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ