ខេត្តព្រះសីហនុ ៖ កម្លាំងនគរបាលស្រុកព្រៃនប់ តាមប្រមាញ់ឃាត់ខ្លួនក្មេងទំនើងមួយក្រុម ក្រោយពីក្រុមក្មេងទំនើងទាំងនេះ បានបង្ករបួសស្នាម ទៅលើជនរងគ្រោះ ២នាក់ និងខូចខាតម៉ូតូ ០១គ្រឿង…
ខេត្តព្រះសីហនុ ៖ កម្លាំងនគរបាលស្រុកព្រៃនប់ តាមប្រមាញ់ឃាត់ខ្លួនក្មេងទំនើងមួយក្រុម ក្រោយពីក្រុមក្មេងទំនើងទាំងនេះ បានបង្ករបួសស្នាម ទៅលើជនរងគ្រោះ ២នាក់ និងខូចខាតម៉ូតូ ០១គ្រឿង ។
លោកវរសេនីយ៍ឯក អ៊ួង វុទ្ធី អធិការនគរបាលស្រុកព្រៃនប់ បានឲ្យដឹងថា នៅវេលាម៉ោង១៧និង៥០នាទីថ្ងៃទី២៨ ខែកក្កដា ឆ្នាំ២០២៤ ប៉ុស្តិ៍នគរបាលរដ្ឋបាលវាលរេញ បានទទួលបណ្តឹងពីជនរងគ្រោះ ចំនួន០២នាក់ រួមមាន ៖
ទី១. ឈ្មោះ ធៀប វ៉ាន់ថន ភេទប្រុស អាយុ២០ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិជ្រលង ឃុំទឹកល្អក់ ស្រុកព្រៃមនប់ ខេត្តព្រះសីហនុ ។
និងទី២. ឈ្មោះ ងៀម ប៊ីសា ភេទប្រុស អាយុ២០ឆ្នាំ ជនជាតិខ្មែរមុខរបរកម្មកររោងចក្រ មានទីលំនៅស្នាក់ភូមិជ្រលង ឃុំទឹកល្អក់ ស្រុកព្រៃនប់ ខេត្តព្រះសីហនុ ។
លោកអធិការនគរបាលស្រុកព្រៃនប់ បានបន្តថា ជនរងគ្រោះបានប្តឹងទៅលើក្រុមក្មេងទំនើង មានគ្នាប្រហែល១០នាក់ ជិះម៉ូតូចំនួន០៥គ្រឿង បានធ្វើសកម្មភាពដេញវាយ និងបំផ្លាញម៉ូតូរបស់ពូកគេ កាលពីវេលា១៥និង០០នាទីថ្ងៃទី២៨ ខែកក្កដា ឆ្នាំ២០២៤ នៅចំណុចក្បែររង្វង់មូលវាលរេញ លើដងផ្លូវជាតិលេខ៣ ខណៈពេលជនរងគ្រោះ ឈប់ម៉ូតូរងចាំមិត្តភក្តិ ហើយត្រូវក្រុមក្មេងទំនើងខាងលើ បានជិះម៉ូតូត្រឡប់ក្រោយ រួចក៏នាំគ្នាឈប់ម៉ូតូ ចុះដេញវាយពួកគេ ដោយប្រើមួកសុវត្ថិភាព ខ្សែក្រវ៉ាត និងដុំថ្ម បណ្តាលឲ្យរងរបួសស្រាល និងខូចខាតម៉ូតូ ចំនួន១គ្រឿង ម៉ាកហុងដាឌ្រីម ពណ៍ខ្មៅ បែកត្រង់ចំណុចតាបឡូ ចង្កៀងមុខ និងបានវាយបំបាក់យកស្លាកលេខម៉ូតូ រួចនាំគ្នាគេចខ្លួនបាត់តែម្តង ។
ក្រោយពីទទួលបានព័ត៌មានភ្លាម លោកវរសេនីយ៍ឯក អ៊ួង វុទ្ធី អធិការនគរបាលស្រុកព្រៃនប់ ដឹកនាំកម្លាំងអធិការដ្ឋាននគរបាលស្រុកព្រៃនប់ សហការជាមួយកម្លាំងប៉ុស្តិ៍នគរបាលរដ្ឋបាលវាលរេញ ប៉ុស្តិ៍សំរុង ប៉ុស្តិ៍ជើងគោ បានធ្វើការស្រាវជ្រាវរហូតដល់ថ្ងៃទី៣០ ខែកក្កដា ឆ្នាំ២០២៤ ទើបកំណត់បានក្រុមក្មេងទំនើង និងឈានទៅដល់ធ្វើការឃាត់ខ្លួនបានជាបន្តបន្ទាប់ បានចំនួន០៨នាក់ ដែលមានឈ្មោះដូចខាងក្រោម ៖
១.ឈ្មោះ ឃឿន រ៉ាម៉ីត ភេទប្រុស អាយុ២០ឆ្នាំ មុខរបរកម្មកររោងចក្រ មានទីលំនៅភូមិវាលធំ ឃុំវាលរេញ ស្រុកព្រៃនប់ ខេត្តព្រះសីហនុ ។
២.ឈ្មោះ សន សុខទ្រី ភេទប្រុស អាយុ១៦ឆ្នាំ មុខរបរកម្មកររោងចក្រ មានទីលំនៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។
៣.ឈ្មោះ ញ៉ តុងហាក់ ភេទប្រុស អាយុ១៥ឆ្នាំ មុខរបរសិស្ស មានទីលំនៅភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ។
៤.ឈ្មោះ ម៉ូញ ចន្ទ ភេទប្រុស អាយុ១៦ឆ្នាំ មុខរបរជាងភ្លើង មានទីលំនៅភូមិវាលធំ ឃុំវាលរេញ ស្រុកព្រៃនប់ ខេត្តព្រះសីហនុ ។
៥.ឈ្មោះ លង ដេមីត ភេទប្រុស អាយុ១៤ឆ្នាំ មុខរបរសិស្ស មានទីលំនៅភូមិជើងគោ ឃុំជើងគោ ស្រុកព្រៃនប់ ខេត្តព្រះសីហនុ ។
៦.ឈ្មោះ ធន សំនិត ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ។
៧.ឈ្មោះ វណ្ណ សុភ័ក្រវិសិទ្ធ អាយុ១៥ឆ្នាំ ភេទប្រុស មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ។
៨.ឈ្មោះ យ៉ុយ រតនៈ ភេទប្រុស អាយុ១៩ឆ្នាំ មានទីលំនៅភូមិត្រពាំងគារ ឃុំជើងគោ ស្រុកព្រៃនប់ ខេត្តព្រះសីហនុ និងបក្ខពួកចំនួន០៣នាក់ទៀត ពុំស្គាល់អត្តសញ្ញាណ បានរត់គេចខ្លួនបាត់ ។
នគរបាលស្រុកព្រៃនប់ ដកហូតបានវត្តុតាង រួមមាន ៖
-ម៉ូតូ ០១គ្រឿង ម៉ាកហុងដាឌ្រីម សេរីឆ្នាំ២០១៦ ដំឡើងតែម ឆ្នាំ២០២២ បិទស្គុតពណ៌ស គ្មានស្លាកលេខ ។
-ម៉ូតូ ០១គ្រឿង ម៉ាកហុងដាឌ្រីម សេរីឆ្នាំ២០១៧ ពណ៌ខ្មៅ ស្លាកលេខ ព្រះសីហនុ 1G-6844 ។
-ម៉ូតូ ០១គ្រឿង ម៉ាក nex សេរីឆ្នាំ២០២៤ ពណ៌ស លាយក្រហម ស្លាកលេខភ្នំពេញ 1KI-8703 ។
លោកវរសេនីយ៍ឯក អ៊ួង វុទ្ធី អធិការនគរបាលស្រុកព្រៃនប់ បញ្ជាក់ថា មូលហេតុបណ្តាលមកពីក្រុមក្មេងទំនើងមានទំនាស់ពាក្យសម្តីជាមួយគ្នា តាមប្រព័ន្ធឆាត ហ្វេសប៊ុក នាពេលកន្លងមក ។
បច្ចុប្បន្ន ក្រុមក្មេងទំនើង និងវត្តុតាង ត្រូវបាននាំយកមកអធិការដ្ឋានននគរបាលស្រុកព្រៃនប់ ដើម្បីធ្វើការសាកសួរ និងបន្តសំណុំរឿងតាមនិតិវិធី ៕
ចែករំលែកព័តមាននេះ