ខេត្តព្រៃវែង ៖ មនុស្សប្រុសស្រីចំនួនពីរនាក់ដែលជាកូនកញ្ច្រែងដើរទទួលកត់ឆ្នោតកន្ទុយលេខវៀតណាម នៅស្រុកពារាំង ត្រូវបានកម្លាំងអាវុធហត្ថចាប់ឃាត់ខ្លួន កសាងសំណុំរឿងបញ្ជូនទៅកាន់សាលាដំបូងខេត្តព្រៃវែង ។ ការចាប់ឃាត់ខ្លួននេះ ធ្វើឡើងកាលពីវេលាម៉ោង៣និង៣០នាទីរសៀល ថ្ងៃទី២៩…
ខេត្តព្រៃវែង ៖ មនុស្សប្រុសស្រីចំនួនពីរនាក់ដែលជាកូនកញ្ច្រែងដើរទទួលកត់ឆ្នោតកន្ទុយលេខវៀតណាម នៅស្រុកពារាំង ត្រូវបានកម្លាំងអាវុធហត្ថចាប់ឃាត់ខ្លួន កសាងសំណុំរឿងបញ្ជូនទៅកាន់សាលាដំបូងខេត្តព្រៃវែង ។
ការចាប់ឃាត់ខ្លួននេះ ធ្វើឡើងកាលពីវេលាម៉ោង៣និង៣០នាទីរសៀល ថ្ងៃទី២៩ កក្កដា នៅខណៈពេលដែលកូនគេច្រើន ទាំងពីរនាក់នេះកំពុងដើរកត់ឆ្នោតវៀតណាម នៅក្នុងភូមិសាស្ត្រឃុំរកា ស្រុកពារាំង ខេត្តព្រៃវែង ។
កូនកញ្ច្រែងដែលត្រូវបានចាប់ខ្លួនទី១ ឈ្មោះ រស់ លាភ ភេទប្រុស អាយុ៤៨ឆ្នាំ មានទីលំនៅក្នុងភូមិស្នេហ៍ពុលឃុំរកា ស្រុកពារាំង និងកូនកញ្ច្រែងទី២ មានឈ្មោះ ចាន់ សុនី ភេទស្រី អាយុ ៥៥ឆ្នាំ មានទីលំនៅក្នុងភូមិត្នោត ឃុំរកាស្រុកពារាំង ។
ក្នុងពេលចាប់ឃាត់ខ្លួននោះ សមត្ថកិច្ចដកហូតបានវត្ថុតាង ទូរស័ព្ទដៃចំនួន ២គ្រឿង សម្រាប់បា.ញ់ឆ្នោតទៅឲ្យមេឆ្នោត ក្រដាសកត់ឆ្នោតមួយចំនួន ប៊ិចពីដើម ទឹកលុបមួយដើម និងប្រាក់រៀល ៩ម៉ឺន៥០០រៀល ។
ក្រោយពេលត្រូវបានចាប់ឃាត់ខ្លួន កូនកញ្ជ្រែងទាំងពីរនាក់ ត្រូវបានកម្លាំងកងរាជអាវុធហត្ថស្រុកពារាំង កសាងសំណុំរឿងបញ្ជូនទៅកាន់បញ្ជាការដ្ឋានកងរាជអាវុធហត្ថខេត្តព្រៃវែងកសាងនីតិវិធីបន្ត ដើម្បីបញ្ជូនទៅសាលាដំបូងខេត្ត ៕
ចែករំលែកព័តមាននេះ